ᑎᓕᑲᒻᑯᑦ ᑐᓴᖅᑎᑦᑎᔾᔪᑎᖓ ᑐᓴᕋᓱᓐᓂᕐᓄᑦ CRTC 2023-89-2

PDF-ᖑᓪᓗᓂ

ᐅᖃᕐᕕᒋᔭᐅᔪᑦ: 2023-89 2023-89-1ᓗ

ᐋᑐᐋ, 25 July 2024

ᐃᓄᓕᒫᓄᑦ ᓇᓗᓇᐃᖅᓯᒪᓂᖓ: 1011-NOC2023-0089

ᖃᕋᓴᐅᔭᕈᓐᓇᐅᑎᓄᑦ ᑮᓇᐅᔭᓄᑦ ᐊᑐᐊᒐᖏᓄᑦ ᑕᑯᓇᓐᓃᑦ – ᐅᖃᐅᓯᐅᔪᖅ ᐊᓯᖓᒍᑦ ᐱᓕᕆᔾᔪᓯᐅᑉ ᑲᑐᔾᔭᐅᔪᓄᑦ ᓴᓇᔭᐅᓂᕐᓄᑦ ᓄᓇᖃᖅᑳᖅᑐᓄᑦ ᑐᕌᖓᔪᓄᑦ

ᑖᓐᓇ ᑐᓴᒐᔅᓴᖅ ᐊᑐᐃᓐᓇᐅᒻᒥᔪᖅ ᐅᑯᓇᑎᒍᑦ ᐅᖃᐅᓯᑎᑐᑦ: ᑯᕆ (ᓇᐹᖅᑐᖃᖏᑦᑐᓂ) [HTML-ᒥ PDF-ᒥᓗ], ᑎᓂᓱᓕᓐ [HTML-ᒥ PDF-ᒥᓗ], ᐃᓄᑦᑎᑐᑦ (ᕿᑭᖅᑖᓘᑉ ᓂᒋᐊᓂ) [HTML-ᒥ PDF-ᒥᓗ], ᒥᒃᒪᒃ [[HTML-ᒥ PDF-ᒥᓗ], ᒥᓯᕝ [HTML-ᒥ PDF-ᒥᓗ], ᒪᓐᑕᒡᓇᐃᓗ [HTML-ᒥ PDF-ᒥᓗ], ᐅᔨᕝᕗᐃᓗ [HTML-ᒥ PDF-ᒥᓗ].

  1. ᐃᓗᐊᓂ ᐅᖃᐅᓯᖃᕐᕕᐅᔪᒪᔪᓂ – ᖃᕋᓴᐅᔭᕈᓐᓇᐅᑎᓄᑦ ᑮᓇᐅᔭᓄᑦ ᐊᑐᐊᒐᖏᓄᑦ ᑕᑯᓇᖕᓂᕐᓂ, ᑎᓕᑲᒻᑯᑦ ᑐᓴᖅᑎᑦᑎᔾᔪᑎᖓ ᑐᓴᕋᓱᓐᓂᕐᓄᑦ CRTC 2023-89, 23 ᒫᔾᔨ 2023, ᒪᓕᑦᑐᒍ ᐋᖅᑭᒋᐊᖅᑕᐅᓂᖓ ᑎᓕᑲᒻᑯᑦ ᑐᓴᖅᑎᑦᑎᔾᔪᑎᖓ ᑐᓴᕋᓱᓐᓂᕐᓄᑦ CRTC 2023-89-1, 17 ᐄᑉᐳ 2023-ᒥ, ᑲᑎᒪᔩᑦ ᐅᖃᓚᐅᖅᑐᑦ ᐸᕐᓇᔅᓯᒪᔭᕐᒥᓂᒃ ᑕᑯᓇᒍᒪᓪᓗᑎᒃ ᖃᕋᓴᐅᔭᕈᓐᓇᐅᑎᓄᑦ ᑮᓇᐅᔭᓄᑦ ᐊᑐᐊᒐᖏᓐᓂᒃ. ᐊᑐᐊᒐᒥᒃ ᑕᑯᓇᓐᓂᖅ ᑐᕌᖅᑐᖅ ᖃᕋᓴᐅᔭᕈᓐᓇᐅᑎᓄᑦ ᑮᓇᐅᔭᓄᑦ ᐱᓇᓱᓐᓃᑦ ᓱᒃᑲᓂᖅᓴᐅᓕᖅᑎᓪᓗᒋᑦ ᐊᔪᕐᓇᖏᓐᓂᖅᓴᐅᓕᖅᑎᓪᓗᒋᓪᓗ, ᐅᓄᖅᓯᒋᐊᕐᓗᒋᑦ ᑭᓱᓄᑦ ᑮᓇᐅᔭᐃᑦ ᐊᑐᐃᓐᓇᐅᔪᑦ, ᓯᕗᒧᐊᖅᑎᓪᓗᒋᓪᓗ ᐱᑦᑎᐊᓕᒃᑲᓐᓂᕐᓃᑦ ᓄᓇᖃᖅᑳᖅᑐᓄᑦ ᐃᓄᓐᓄᑦ.
  2. ᖃᓄᐃᒋᐊᕈᑕᐅᓪᓗᓂ ᑎᓕᐅᕈᑎᓄᑦ ᖃᔅᓯᓂᑦ ᐃᓚᐅᔪᓂᑦ ᖃᕋᓴᐅᔭᕈᓐᓇᐅᑎᓄᑦ ᑮᓇᐅᔭᓄᑦ ᐊᑐᐊᒐᖏᓄᑦ ᑕᑯᓇᓐᓂᐅᑉ ᑲᔪᓯᓂᖓᓄᑦ, ᑲᑎᒪᔩᑦ ᐊᐅᓚᔾᔭᐃᓂᐊᖅᑐᑦ ᐊᓯᐊᓂᒃ ᐱᓕᕆᔾᔪᓯᒻᒥᒃ ᑲᑐᔾᔭᐅᓗᓂ ᓴᓇᔭᐅᓂᖓᓄᑦ ᓄᓇᖃᖅᑳᖅᑐᓄᑦ ᑐᕌᖓᔪᓄᑦ ᖃᕋᓴᐅᔭᕈᓐᓇᐅᑎᓄᑦ ᑮᓇᐅᔭᓄᑦ. ᖃᓄᐃᓐᓇᓱᑦᑕᖓ ᐊᑐᐊᒐᐅᑉ ᓴᓇᓗᓂ ᐊᑐᐊᒐᒥᒃ ᑲᑎᖃᑎᕐᓂᖅᓴᐅᓂᐊᖅᑐᒥᒃ ᓄᓇᖃᖅᑳᖅᑐᓂᒃ ᐃᓚᐅᖃᑕᐅᔪᓂᒃ, ᐃᑉᐱᒋᓗᒋᑦ ᐱᔪᓐᓇᐅᑎᖏᑦ ᐱᓕᕆᔾᔪᓯᑐᖃᖏᓪᓗ, ᓯᕗᒧᐊᖅᑎᓪᓗᒋᓪᓗ ᐱᑦᑎᐊᓕᒃᑲᓐᓂᕐᓃᑦ. ᓱᓕᒃᑲᓐᓃᑦ ᖃᓄᐃᓕᖓᓂᖏᓐᓄᑦ ᐊᑐᓃᖓᔪᒧᑦ ᑲᑐᔾᔭᐅᔪᒧᑦ ᓴᓇᔭᐅᓂᖓᓄᑦ ᐱᓕᕆᔾᔪᓯᐅᑉ ᐅᖃᐅᓯᐅᓛᖅᑐᑦ ᐊᒡᒋᖅᑐᒥ ᑲᑎᒪᔨᓂᑦ ᐅᖃᐅᓯᐅᔪᕐᒥᑦ.
  3. ᑲᑎᒪᔩᑦ ᓴᓇᓯᒪᕗᑦ ᓄᓇᖃᖅᑳᖅᑐᓄᑦ ᐱᓕᕆᖃᑎᖃᕐᓂᕐᓄᑦ ᐱᓕᕆᖃᑎᒌᓂᒃ (IRT) ᑐᙵᕕᐅᓗᑎᒃ ᐅᖃᖃᑎᔅᓴᐅᓗᑎᒃ ᓄᓇᖃᖅᑳᖅᑐᓄᑦ, ᐃᓄᓐᓄᑦ, ᒪᐃᑎᓄᑦ ᑎᒥᓄᑦ ᓄᓇᓕᓐᓄᓪᓗ. ᓄᓇᖃᖅᑳᖅᑐᓄᑦ ᐱᓕᕆᖃᑎᖃᕐᓂᕐᓄᑦ ᐱᓕᕆᖃᑎᒌᖏᑦ ᐱᓕᕆᔭᔅᓴᖃᖅᐳᑦ ᑲᑎᖃᑎᒋᓗᒋᑦ ᑖᒃᑯᐊ ᑎᒦᑦ ᓄᓇᓖᓪᓗ ᑐᓴᖅᑎᓪᓗᒋᑦ ᑲᑎᒪᔨᓄᑦ ᐊᑲᐅᙱᓕᐅᕈᑎᓂᒃ, ᐃᑲᔪᕐᓗᒋᓪᓗ ᓄᓇᖃᖅᑳᖅᑐᑦ ᐃᓚᐅᓂᖏᑦ ᑲᑎᒪᔩᑦ ᐱᓕᕆᔾᔪᓯᖏᓐᓂ. ᓄᓇᖃᖅᑳᖅᑐᓄᑦ ᐱᓕᕆᖃᑎᖃᕐᓂᕐᓄᑦ ᐱᓕᕆᖃᑎᒌᖏᑦ ᐃᑲᔪᕐᓂᐊᖅᑐᑦ ᑲᑐᔾᔭᐅᔪᓄᑦ ᓴᓇᓂᕐᓄᑦ ᐊᔾᔨᒌᖏᑦᑐᓄᑦ ᐱᔭᕆᐊᖃᖅᑕᖏᓐᓄᑦ, ᐃᓱᒪᒋᔭᖏᓐᓄᑦ, ᐊᑐᖅᓯᒪᔭᖏᓐᓄᓪᓗ ᓄᓇᖃᖅᑳᖅᑐᑦ ᐃᓄᐃᑦ ᑐᓴᖅᑕᐅᓪᓚᑦᑖᕐᓂᐊᕐᒪᑕ.
  4. ᐃᓚᐅᔪᒪᔪᑦ ᐃᓄᐃᑦ ᑲᑎᒪᖅᑳᖅᑐᓂ ᐊᑦᑐᐊᔪᓄᑦ ᓄᓇᖃᖅᑳᖅᑐᓄᑦ ᑐᕌᖓᔪᓄᑦ ᑎᓕᐅᖅᑕᐅᕗᑦ ᐅᖃᖃᑎᖃᖁᓪᓗᒋᑦ ᓄᓇᖃᖅᑳᖅᑐᓄᑦ ᐱᓕᕆᖃᑎᖃᕐᓂᕐᓄᑦ ᐱᓕᕆᖃᑎᒌᖏᑦ.

ᑎᑎᕋᖅᑎ ᔭᓄᕈᓪ