Telecom t’a ghą ɂası nodhı́ ɂeją CRTC 2023-89-2 hulta

PDF t’a holı̨

T’a begharé honet’ı̨: 2023-89 chu 2023-89-1

Ottawa, 25 July 2024

Dene ha t’a yatı hųlı̨: 1011-NOC2023-0089

Broadband Tsąmba k’odhı́ ɂerıht’ıs ghą yatı – Ɂedırı yatı holı̨ ɂeładųne tthęnę ts’ęn ɂeła dendedłı̨ne beba tsątsąne benı̨ hųlı̨ tł’ulé hołé ha

This notice is also available in the following languages ku ɂedırı yatı holı̨ k’ı́ ɂełk’ech’a yatı ɂa dene xa hųlı̨ hası̨: Cree Tl’oghek’ena (Plains) [HTML chu PDF], Denesuline yatıé [HTML  chu PDF], Inuktitut Hotena (Baffin yunaghé hots’ı̨) [HTML chu PDF], Mi’kmaq yatı́ ɂa [HTML chu PDF], Michif yatı́ ɂa [HTML chu PDF], Montagnais yatı́ ɂa [HTML chu PDF], ɂeyı hel Ojibwe yatı ɂá [HTML chu PDF].

1. Ku ɂeją Dene ɂedırı ghą yatı nı̨ɂá horelɂı̨h de – Broadband tsamba ɂerıhtł’ıs net’ı̨ ha yatı ı̨t’a Telecom Bets’ı̨ Dene hel Yatı Nı̨t’a CRTC 2023-89 hulta, 23 March 2023 k’e, ɂedırı yatı holı̨ ɂeją  Telecom Dene hel Yatı Nı̨t’a CRTC 2023-89-1 hulta, 17 April 2023 k’e, tɂa’ ɂeją dene Dełttth’ı́ yatı nı̨ɂą nı̨ ɂedırı honet’ı̨ ha Broadband Tsamba theɂą ɂerıhtł’ıs net’ı̨ ha. T’ą ɂerıhtł’ıs hųlı̨ sı ɂedırı Broadband nı̨lyé hadé t’a Tsamba hozeké ɂı̨ghą selyé chu borenı̨ halyé ha, t’a ɂası ghą hozeké tsamba hųlı̨ hel, t’a Denededłı̨ne hel horegoth nı̨t’a ha dųhų Sehenųt’a ha ɂedırı gharé.
2. Ku hotthé yatı holı̨ gharé t’a nuheghą nı̨lyá hots’ı̨ dene ɂełk’ech’a bets’ęn ɂedırı t’ąt’u Broadband Tsamba holı̨ ɂerıhtł’ıs t’ąt’u nodhı́ hobası́ hel, ɂedırı Dene t’ą dełtth’ı́ k’ı́ tthęnę dene ha t’ąt’u ɂeła ɂedırı Denededłı̨ne hobebá tsątsąne benı̨ hųlı̨ nı̨t’a ha Broadband hobası tsamba nı̨t’a. T’axa ɂedırı hołé hade begharé ɂerıhtł’ıs godhé Denededłı̨ne hobehel nųt’a ha yunadhé dé t’ąt’u ɂedı̨nı̨ ɂası k’enadé gharé chu horegothe sehénųt’a ha. Ku ɂałų beghą yatı horı̨lɂı̨h de t’a ɂedırı hołé hobası yunadhé ɂedırı Dene dełtth’ı́ yatı nı̨ɂá hası̨.
3. T’ą ɂedırı Dene dełtth’ı́ k’ı́ Dendedłı̨ne hel ɂası hołé dene ɂeła nı̨la sı Yeghadalana há  (IRT hulyé) t’a dałtsı hadé dene tąnı̨sı nadarełyaı Denededłı̨ne, Hotena chu Begharek’ą dene hel chu t’ok’e naradé hel.  T’ą dene IRT hots’ı̨ sı belah hadé dene chu t’ok’e naradé hel ɂası hok’enadé ɂedırı ɂası ghą begharé t’ą Dene dełtth’ı́ k’ı t’a dałtsı k’odorelyą ha, t’ąt’u Denededłı̨ne ts’eranı̨ ɂedırı dene hel ɂası hołé de. Ku IRT hots’ı̨ dene t’oho ɂası ɂeła hołé de t’a ɂası ɂełk’ech’a k’enats’edé sı hel hok’enadé ha Denededłı̨ne hotıe berıtth’ągh ha.
4. Ku t’ą losı dene bel nodhı́ horelɂı̨h de t’a nayatı́ sı bası ɂedırı Denededłı̨ne bel ɂedırı nųt’a sı bası ɂeją IRT hots’ı̨ dene bets’ęn yatı nusɂá nı̨dhęn dé ɂeją ts’ęn neba hoɂąsı́
   • tsątsąne benı̨ hųlı̨ k’e ɂerıhtł’ıs senelé ɂeją IRT bets’ı̨ webpage k’e;
   • email ɂa ɂeją ts’ęn dutł’ıs era-irt@crtc.gc.ca;
   • phone k’é ɂeją nanı̨le dųłtsı́ 1-866-236-0122;
   • fax k’e ɂeją dųłtsı 819-994-0218; or
   • ɂeją ts’ęn dųtł’ıs CRTC, Ottawa, Ontario K1A 0N2.

Secretary General bets’ęn dųtł’ıs