ᐅᑯᐊ ᑭᓪᓕᓯᓂᐊᖅᑎᒃᑯᑦ ᑐᓴᕈᒪᒻᒪᑕ ᐃᓕᑦᓯᓐᓂᒃ ᒥᑦᓵᓄᑦ ᒪᕈᓐᓂᒃ ᑐᑦᓯᕋᐅᑎᐅᔫᓐᓂᒃ ᐱᓯᒪᓕᖅᑕᒥᓐᓂᒃ, ᑐᓂᔭᐅᔪᓂᒃ ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᔨᒃᑯᓐᓄᑦ ᓇᒧᑐᐃᓐᓇᖅ ᐊᒻᒪᓗ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᓇᒧᑐᐃᓐᓇᖅ. ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᔨᒃᑯᑦ ᐊᒻᒪᓗ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᑐᑦᓯᕋᐅᑎᓕᐅᖅᑯᑦ ᑕᑯᒐᑦᓴᐅᖃᑕᐅᒍᓐᓇᕈᒪᓪᓗᑎᒃ ᓯᐊᒻᒪᖅᑕᐅᔪᓂᒃ ᓇᒧᓕᒫᖅ ᑲᓇᑕᒥ ᐊᑐᕐᓗᑎᒃ ᓈᓴᐅᑎᓂᒃ ᐊᑐᖅᑐᓂᒃ ᐊᖅᑯᑎᖃᓲᓂᒃ ᐱᔨᑦᓯᕋᐅᑎᓂᒃ ᖃᓪᓗᓈᑎᑐᑦ ᑕᐃᔭᐅᓲᖅ ᑎᔾᔨᑐᓪ ᑖᒃᑯᐊ ᐃᒻᒥᒃᑯᑦ ᐃᓄᑦᑎᑐ - ᐅᖃᐅᓯᓕᓐᓂᒃ ᒥᑦᓵᓅᖓᔪᓂᓪᓗ ᐱᔨᑦᓯᕋᕐᓗᑎᒃ ᐅᕙᒍᑦ ᑕᓚᕖᓴᒃᑰᖅᑎᑕᓂᒃ ᐊᒻᒪᓗ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᓐᓄᑦ. ᐊᑐᓂ ᑖᒃᑯᐊ ᑐᑦᓯᕋᕈᑎᓕᐅᖅᑐᑦ ᓴᖅᑭᑎᑦᓯᕗᑦ ᓇᓗᓇᐃᔭᐃᓂᖅᓴᓪᓚᕆᓐᓂᒃ ᐅᕙᓂ ᐊᓪᓕᐅᓂᖅᓴᓃᑦᑐᓂ.
ᑕᒪᒃᑮᒃ ᑖᒃᑯᐊ, ᑐᑦᓯᕋᕈᑎᓕᐅᖅᑐᑦ ᓇᓗᓇᐃᖅᓯᕗᑦ ᐃᒻᒥᒃᑯᑦ ᐱᔨᑦᓯᕋᕈᑎᒋᔭᖏᑦ ᓴᖅᑮᖃᑦᑕᕆᐊᖏᑦ ᑕᑯᔭᐅᒍᒥᓇᖅᑐᓂᒃ ᑖᒃᑯᐊ ᑕᑯᑦᓴᐅᑎᑦᓯᖃᑦᑕᖅᓱᑎᒃ ᐊᑦᑐᐊᓂᖃᖅᑐᓂᒃ ᑕᒪᒃᑯᓄᖓ ᑕᐃᒪᐃᑦᑐᓂᒃ ᑕᑯᔭᑦᓴᖃᓗᐊᖃᑦᑕᖏᑦᑐᓄᑦ ᓄᓇᓕᓐᓂᒃ ᑭᓯᐊᓂ ᓇᓗᓇᐃᖅᓯᒋᐊᒃᑲᓐᓂᓚᐅᖅᑐᑦ ᑕᑯᔭᑦᓴᐅᖃᑕᐅᒍᓐᓇᖃᑕᐅᓂᖅ ᓯᐊᒻᒪᖅᑎᖅᑕᐅᒃᑲᓐᓂᖁᓪᓗᒋᑦ ᑕᒪᓐᓇ ᐱᒪᕆᕕᔾᔪᐊᖑᕗᖅ ᐃᖏᕐᕋᑲᓐᓂᖁᓪᓗᒋᑦ ᐱᔨᑦᓯᕋᕈᑎᒋᔭᖏᑦ.
ᑲᓇᑕᒥᐅᑦ ᓈᓚᐅᑎᒃᑯᑦ - ᑕᓚᕖᓴᓴᒃᑰᐸᑦᑐᓂᒃ ᐊᒻᒪᓗ ᐅᐊᔭᒨᖅᑐᒃᑯᑦ ᑐᓴᐅᒪᖃᑎᒌᒍᑎᓕᕆᓂᕐᒧᑦ ᑭᓪᓕᓯᓂᐊᖅᑎᒃᑯᑦ ᑐᓵᔭᐅᑎᑦᓯᒍᒫᕐᓂᐊᖅᑯᑦ ᐱᒋᐊᕐᓗᓂ 28ᒥ ᔫᓂ 2023 ᐱᒋᐊᕐᓗᓂ 9ᒥ ᐅᓪᓛᒃᑯᑦ ᑕᐃᑲᓂ ᑲᑎᒪᕕᒻᒥ, ᑐᓵᔭᐅᑎᑦᓯᓂᖅ ᓯᑕᒪᖓᑦ, 140 ᐳᕌᒪᓇᐃᑎ ᑐ ᐳᐊᕐᑖᔾ, ᒑᑦᑎᓅ, ᑯᐱᒃ. ᐃᓚᐅᖃᑕᐅᒍᒫᕐᓂᐊᖅᑐᑦ ᑐᑦᓯᕋᕈᓐᓇᖅᑯᑦ ᓇᒻᒥᓂᖅ ᐅᐸᒍᓐᓇᓂᕐᒥᒃ ᑕᐃᑯᖓ ᑐᓵᔭᐅᑎᑦᓯᓂᐅᔪᒧᑦ, ᐱᕕᖃᖅᑎᑕᐅᓛᕆᕗᑦ ᑕᒪᒃᑯᐊ ᐃᓚᒋᔭᐅᒍᒫᕐᓂᐊᖅᑐᑦ ᑲᑎᒪᖃᑕᐅᒍᓐᓇᓂᕐᒥᒃ ᑕᑯᑦᓴᐅᒍᓐᓇᐅᑎᑎᒍᑦ.
ᑐᑦᓯᕋᐅᑎᖓ ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᔨᒃᑯᑦ ᐅᐃᒍᓯᒪᔪᒃᑯᑦ ᑐᕌᖓᓗᓂ ᐱᕕᖃᖅᑎᑕᐅᔪᒃᑯᑦ ᑲᓇᑕᒥ, ᐃᓄᑦᑎᑐᑦ - ᐅᖃᐅᓯᓕᓐᓂᒃ ᒥᑦᓵᓅᖓᔪᓂᓪᓗ ᐱᔨᑦᓯᕋᕐᓗᑎᒃ ᐅᕙᒍᑦ ᑕᓚᕖᓴᒃᑰᑎᑦᓯᔨᒃᑯᑦ ᐱᑎᑕᐅᖁᓪᓗᒋᑦ ᑕᑯᒐᑦᓴᐅᖃᑕᐅᒍᓐᓇᕈᒪᓪᓗᑎᒃ ᓯᐊᒻᒪᖅᑕᐅᔪᓂᒃ ᓇᒧᓕᒫᖅ ᐊᑐᕐᓗᑎᒃ ᓈᓴᐅᑎᓂᒃ ᐊᑐᖅᑐᓂᒃ ᐊᖅᑯᑎᖃᓲᓂᒃ ᐱᔨᑦᓯᕋᐅᑎᓂᒃ ᑕᑯᓐᓇᕋᑦᓴᐅᓗᑎᒃ ᓯᐊᒻᒪᖅᑎᕆᒍᑎᓂᒃ ᐊᑐᕐᓗᑎᒃ ᓇᒧᓕᒫᖅ ᑲᓇᑕᒥ, ᒪᓕᓪᓗᒋᑦ ᑎᑎᕋᖅᓯᒪᔪᑦ 9 (1)(ᕼ) ᐃᓗᐊᓃᑦᑐᑦ ᑕᑯᔭᑦᓴᐅᑎᑦᓯᓂᕐᒧᑦ ᒪᓕᒐᕐᓂ (ᒪᓕᒐᖅ).
ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᔨᒃᑯᑦ ᑮᓇᐅᔭᓕᐅᕋᓱᐊᕋᑎᒃ ᐊᐅᓚᑕᐅᕗᑦ ᑲᑎᒪᔨᖏᑦ ᐃᓚᖃᖅᑐᑦ ᐃᓄᓐᓂᒃ ᐱᕙᓪᓕᐊᔪᓕᕆᔨᒻᒪᕆᐅᔪᓂᒃ.
ᑐᑦᓯᕋᐅᑎᖓᓂ, ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᔨᒃᑯᑦ ᓇᓗᓇᐃᖅᓯᕗᑦ ᐅᑯᐊ ᐅᕙᒍᑦ ᑕᓚᕖᓴᒃᑰᑎᑦᓯᔨᒃᑯᑦ, ᐱᒋᐊᓚᐅᖅᓯᒪᔪᑦ 18ᖓᓂ ᔭᓐᓄᐊᕆ 2021ᒥ, ᑖᒃᑯᐊ ᑲᓇᑕᓕᒫᒧᑦ ᑕᓚᕖᓴᒃᑰᑎᑦᓯᔨᐅᕗᑦ ᐱᔨᒃᓯᕋᖅᓱᑎᒃ ᑐᕌᖓᔪᓂᒃ ᐃᓄᐃᑦ ᓄᓇᓕᖏᓐᓄᑦ ᑖᒃᑯᐊ ᑕᑯᑦᓴᐅᑎᑦᓯᖃᑦᑕᖅᓱᑎᒃ ᐃᓄᑦᑎᑑᕐᓂᖅᓴᓂᒃ. ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᔨᒃᑯᑦ ᓇᓗᓇᐃᖅᓯᓯᒪᕗᑦ ᐅᑯᐊ ᐅᕙᒍᑦ ᑕᓚᕖᓴᒃᑰᑎᑦᓯᔨᒃᑯᑦ ᑕᑯᑎᑦᓯᕙᒻᒪᑕ ᐱᒻᒪᕆᓐᓂᒃ ᐱᑕᖃᓐᖏᓗᐊᖅᑐᓂᒃ ᑕᑯᔭᑦᓴᖃᖅᑎᑦᓯᓪᓗᑎᒃ ᐃᓄᐃᓐᓇᐅᖏᑦᑐᓄᑦ, ᑭᓯᐊᓂᑦᑕᐅᖅ ᑕᒪᒃᑯᓂᖓ ᓴᓐᖏᓕᖅᑎᕆᓪᓗᑎᒃ ᖃᐅᔨᒪᖃᑎᒌᓐᓂᕐᒥᒃ ᐊᒻᒪᓗ ᓴᖅᑮᓪᓗᑎᒃ ᑐᑭᓯᒪᔭᐅᑎᑦᓯᓂᕐᒥ ᑕᒪᒃᑯᓂᖓ ᐃᓄᓐᓂᒃ ᑲᓇᑕᒥᐅᑕᓕᒫᓄᑦ.
ᑖᑯᐊ ᑐᑦᓯᕋᐅᑎᐅᔪᖅ ᓇᓗᓇᐃᖅᓯᓯᒪᕗᖅ ᐅᑯᐊ ᐅᕙᒍᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᑕᑯᑦᓴᐅᑎᑦᓯᕙᒋᐊᖏᑦ ᐃᓄᓐᓄᑦ ᓴᓇᔭᐅᓯᒪᔪᓂᒃ ᓱᕈᓯᕐᓅᖓᔪᓂᒃ, ᑕᑯᓐᓇᒐᕐᓂᒃ, ᐅᓂᒃᑳᓕᐊᖑᓯᒪᔪᓂᒃ ᐱᓪᓚᕆᑦᑐᒥᓂᕐᓂᒃ, ᐊᒻᒪᓗ ᑐᑭᓯᑎᑦᓯᒍᑎᓂᒃ, ᐃᓕᖅᑯᓯᕆᔭᐅᔪᓂᒃ, ᐃᓄᓕᒫᓄᑦ ᐊᑐᐃᓐᓇᐅᔪᓂᒃ ᐊᒻᒪᓗ ᐱᕙᓪᓕᐊᔪᓂᒃ ᑕᑯᔭᑦᓴᓕᐊᖑᓯᒪᔪᓂᒃ.
ᑖᑯᐊ ᑐᑦᓯᕋᐅᑎᐅᔪᖅ ᓇᓗᓇᐃᖅᓯᓯᒪᕗᖅ ᐅᑯᐊ ᐅᕙᒍᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᐊᔾᔨᖃᒐᓚᑉᐳᑦ ᐃᓄᓕᒫᓅᖓᔪᓂᒃ ᑕᓚᕖᓴᒃᑰᑎᑦᓯᕙᑦᑐᓂᒃ ᐱᔨᑦᓯᕋᖅᑐᓂᒃ ᑕᒪᒃᑯᓂᖓ ᓴᖅᑭᑎᑦᓯᓪᓗᑎᒃ ᐱᒻᒪᕆᐅᔪᓂᒃ ᐊᑐᓪᓚᕆᑦᑐᓂᒃ ᑕᒪᒃᑯᓄᖓ ᑕᑯᔭᑦᓴᖃᓗᐊᖃᑦᑕᖏᑦᑐᓄᑦ ᑲᓇᑕᒥᐅᑕᐅᖃᑕᐅᓪᓗᑎᒃ ᐃᒻᒪᖃ ᑕᑯᔭᑦᓴᖃᕋᔭᓐᖏᓚᓪᓘᓐᓃᑦ ᑕᒪᓐᓇ ᐱᑕᖃᓐᖏᑉᐸᑦ ᑕᑯᑦᓴᐅᑎᑦᓯᐃᓐᓇᕈᓐᓇᖅᑎᑕᐅᓂᖅ ᓯᐊᒻᒪᖅᑎᕆᑎᑦᓯᒍᑎᐅᔪᖅ ᑎᓕᓯᒍᑎᐅᔪᖅ. ᐃᓱᒪᑦᓴᖅᓯᐅᕈᑎᖃᓚᐅᖅᑐᑦ ᑐᓂᔭᐅᑉᐸᑕ ᐱᔨᑦᓯᕋᕈᓐᓇᓂᕐᒥᒃ ᑕᑯᔭᑦᓴᐅᖃᑕᐅᑦᓴᐃᓐᓇᕐᓗᑎᒃ ᓯᐊᒻᒪᖅᑎᑕᐅᓗᑎᒃ ᒪᓕᓪᓗᒋᑦ ᑎᑎᕋᖅᓯᒪᔪᓂ 9(1)(ᕼ) ᑕᐃᑲᓂ ᒪᓕᒐᕐᓂ ᐱᕕᖃᖅᑎᑦᓯᒐᔭᖅᑯᑦ ᐱᒋᐊᓕᓐᓂᒃ ᑮᓇᐅᔭᖃᖅᑎᑕᐅᓂᕐᒥᒃ ᐱᒍᓐᓇᖁᓪᓗᒋᑦ ᐊᒥᓱᕐᖑᕆᐊᖅᓯᒪᔪᓂᒃ ᐅᕙᒍᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ ᐊᐅᓚᓂᕆᔭᖏᓐᓂᒃ, ᐊᒻᒪᓗ ᐱᑦᓯᐊᖅᑕᐅᖁᓪᓗᒋᑦ ᑲᔪᓯᑎᑦᓯᓯᒪᒍᒪᓂᖏᑦ ᐊᑦᑐᐊᔪᓂᒃ ᑕᑯᑦᓴᐅᒋᐊᓐᖓᖃᑦᑕᖅᓯᒪᔪᓂᒃ ᑲᓇᑕᒥᐅᑕᓄᑦ ᓴᓇᔭᐅᓯᒪᔪᓂᒃ.
ᑖᑯᐊ ᑐᑦᓯᕋᐅᑎᓕᐅᖅᓯᒪᔪᑦ ᖃᐅᔨᒪᖁᔨᓯᒪᕗᑦ ᑕᒃᑯᐊ ᐱᔨᑦᓯᕋᕈᑎᒋᔭᖏᑦ ᒫᓐᓇᒃᑯᑦ ᑕᑯᔭᑦᓴᐅᖃᑕᐅᑎᑕᐅᕗᑦ ᐊᖅᑯᑎᐅᓪᓗᑎᒃ ᓵ ᑐᓴᐅᒪᖃᑎᒌᑦᑐᓕᕆᔨᒃᑯᑦ ᑐᕋᐃᓐᓇᖅᑐᓂᒃ ᐊᖏᕐᕋᕆᔭᐅᔪᓄᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᖃᓪᓗᓈᑎᑐᑦ ᑕᐃᔭᐅᓲᖅ ᐲᑏᔫ ᓇᒧᓕᒫᖅ ᑲᓇᑕᒧᑦ ᐊᒻᒪᓗ ᐊᖅᑯᑎᖃᖅᓱᑎᒃ ᐊᒥᓱᓂᒃ ᒥᑭᔫᓂᖅᓴᓂᒃ ᐱᒍᓐᓇᖅᑎᑕᐅᔪᓂᒃ ᓄᓇᒦᒃᑐᓂᒃ ᑕᑯᔭᑦᓴᐅᒍᑎᓂᒃ ᐲᑏᔫᓂᒃ.
ᑖᒃᑯᐊ ᑐᑦᓯᕋᐅᑎᓕᐅᖅᓯᒪᔪᑦ ᐱᒍᓐᓇᕈᒪᕗᑦ ᑕᖅᑭᑕᒫᖅᓯᐅᑎᓕᒻᒥᒃ ᐊᑐᓂ ᑕᑯᓐᓇᖃᑦᑕᕈᒪᔪᓄᑦ ᐊᑭᑦᑐᕆᐊᕈᑎᖃᓐᖏᑦᑐᖅ ᐊᑭᓕᒐᖅ $0.09, ᐊᑐᕋᔭᕐᓗᓂ ᑕᓪᓕᒪᑦ ᐊᕐᕌᒍᓄᑦ.
ᖃᐅᔨᒪᔭᐅᖁᔭᐅᖅᑲᐅᓂᖓ, ᑕᒃᑯᐊ ᑐᑦᓯᕋᐅᑎᖃᖅᑐᑦ ᒫᓐᓇᒃᑯᑦ ᐊᐅᓚᑦᓯᕗᑦ ᐅᕙᒍᑦ ᑕᓚᕖᓴᒃᑰᑎᑦᓯᔨᒃᑯᓐᓂᒃ ᐱᕕᖃᖅᑎᑕᐅᓪᓗᑎᒃ ᒥᑦᓵᓅᖓᔪᓂᓪᓗ ᐱᔨᑦᓯᕋᖅᑐᑦ ᒪᓕᓪᓗᒋᑦ ᑕᑯᓐᓇᑎᑦᓯᓂᕐᒨᖓᔪᑦ ᑎᓕᓯᒍᑎᐅᔪᖅ 2015-88. ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᔨᒃᑯᑦ ᓇᓗᓇᐃᖅᓯᓯᒪᕗᑦ ᑖᒃᑯᐊ ᐅᕙᒍᑦ ᑕᓚᕖᓴᒃᑰᑎᑦᓯᔨᒃᑯᑦ ᖄᖐᓯᒪᒋᐊᖏᓐᓂᒃ ᐊᖐᒃᑭᒃᕕᐅᒍᓐᓇᖅᑐᒥᒃ ᑕᑯᓐᓇᖃᑦᑕᕈᒪᔪᐃᑦ ᐃᓱᓕᑦᑕᕐᕕᖓᓂᒃ ᐊᒻᒪᓗ ᑕᐃᒪᐃᒻᒪᑦ ᐊᐅᓚᖃᑦᑕᕐᓂᖃᕈᓐᓃᖅᑐᑦ ᐱᕕᖃᖅᑎᑕᐅᓂᖃᖅᑐᓂᒃ ᐱᔨᑦᓯᕋᐅᑎᓂᒃ ᐊᑖᓃᑦᑐᓂᒃ ᑕᑯᓐᓇᕋᑦᓴᓕᕆᓂᕐᒥᒃ ᑎᓕᓯᒍᑎᐅᔪᒥᒃ 2015-88. ᒪᓕᓪᓗᒋᑦ, ᐊᒻᒪᓗ ᐃᒻᒥᒃᑰᖅᑎᑕᐅᓪᓗᓂ ᑐᑦᓯᕋᐅᑎᒋᔭᖓᓂᒃ ᑕᑯᔭᑦᓴᐅᓴᐃᓐᓇᕈᓐᓇᖅᑎᑕᐅᓂᕐᒧᑦ ᓯᐊᒻᒪᖅᑎᖅᑕᐅᓂᕐᒧᑦ ᐱᔨᑦᓯᕋᕐᓂᕐᒥᒃ, ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᑐᑦᓯᕋᖅᑯᑦ ᑕᑯᓐᓇᑎᑦᓯᒍᓐᓇᕈᑎᒥᒃ ᓚᐃᓴᓐᓯᒥᒃ ᐊᐅᓚᒍᓐᓇᕈᒪᓪᓗᑎᒃ ᒫᓐᓇᒃᑯᑦ ᐱᕕᖃᖅᑎᑕᐅᒍᓐᓇᕐᓗᓂᑎᒃ ᐱᔨᑦᓯᕋᕐᓂᕐᒥᒃ ᐅᕙᒍᑦ ᑕᓚᕖᓴᒃᑰᑎᑦᓯᓕᕆᔨᒃᑯᓐᓂᒃ ᓚᐃᓴᓐᓯᑖᖅᑎᑕᐅᓗᑎᒃ ᑲᓇᑕᓕᒫᒧᑦ, ᐃᓄᑦᑎᑐᑦ - ᐅᖃᐅᓯᓕᓐᓂᒃ ᒥᑦᓵᓅᖓᔪᓂᒃ ᐱᔨᑦᓯᕋᕐᓗᑎᒃ.
ᑖᒃᑯᓇᓂ ᖃᐅᔨᒃᑲᐃᓂᕐᒧᑦ ᑐᓵᔭᐅᑎᑦᓯᓂᕐᒧᑦ, ᑕᑯᓐᓇᕋᑦᓴᓕᕆᓂᕐᒧᑦ ᖃᐅᔨᒃᑲᐃᒍᑦ ᐅᖃᖃᑎᒌᓐᓂᐅᒐᔭᖅᑐᒥᒃ ᑲᓇᑕᒥᐅᑦ ᓈᓚᐅᑎᒃᑯᑦ - ᑕᓚᕖᓴᒃᑰᐸᑦᑐᓂᒃ ᐊᒻᒪᓗ ᐅᐊᔭᒨᖅᑐᒃᑯᑦ ᑐᓴᐅᒪᖃᑎᒌᒍᑎᓕᕆᓂᕐᒧᑦ ᑭᓪᓕᓯᓂᐊᖅᑎᒃᑯᑦ 2022-252, 21ᖑᑎᓪᓗᒍ ᓯᑦᑎᒻᐱᕆᒥ 2022ᒥ ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᑐᓴᖅᑎᑦᓯᓚᐅᖅᓯᒪᕗᑦ ᑲᑎᒪᑎᑦᓯᒐᔭᕆᐊᖅ ᐅᐸᒋᐊᑐᓐᖏᑦᑐᒥᒃ ᓇᒻᒥᓂᖅ ᑐᓵᔭᐅᑎᑦᓯᑎᓪᓗᒋᑦ ᐱᒋᐊᕐᓗᓂ 10 ᔭᓐᓄᐊᕆ 2023ᒥ ᐃᓱᒪᑦᓴᖅᓯᐅᕈᑎᐅᒐᔭᕐᓗᑎᒃ ᑐᑦᓯᕋᐅᑎᓕᐊᖑᓯᒪᔪᑦ ᑖᒃᑯᓄᖓ ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᖅᑐᓕᕆᔨᒃᑯᓐᓄᑦ. ᑕᐃᒪᐃᒃᑲᓗᐊᖅᑎᓪᓗᒍ, ᐃᓱᒪᒋᓪᓗᒋᑦ ᐊᒃᕕᐊᕈᑎᐅᔪᑦ ᓇᓗᓇᐃᖅᑕᐅᔪᑦ ᑎᑎᖅᑲᓕᐊᖑᓯᒪᔪᓂᒃ ᓄᖅᑲᑯᔨᔪᓂᒃ ᑲᒪᒐᓱᐊᕈᑎᐅᔪᒥᒃ, ᑕᐃᓐᓇ ᖃᐅᔨᒃᑲᐃᒍᑦ ᑐᓵᔭᐅᑎᑦᓯᓂᕐᒥᒃ, ᑕᑯᓐᓇᕋᑦᓴᓕᓂᕐᒨᖓᔪᓂᒃ ᖃᐅᔨᒃᑲᐃᓂᖅ ᐅᖃᖃᑎᒌᓐᓂᐅᔪᒧᑦ ᑲᓇᑕᒥ ᓈᓚᐅᑎᒃᑯᑦ - ᑕᓚᕖᓴᒃᑰᐸᑦᑐᓂᒃ ᐊᒻᒪᓗ ᐅᐊᔭᒨᖅᑐᒃᑯᑦ ᑐᓴᐅᒪᖃᑎᒌᒍᑎᓕᕆᓂᕐᒧᑦ ᑭᓪᓕᓯᓂᐊᖅᑎᒃᑯᑦ 2022-252-1, 15ᖑᑎᓪᓗᒍ ᑎᓯᒻᐱᕆ 2022ᒥ, ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᓇᓗᓇᐃᖅᓯᓚᐅᖅᓯᒪᔪᑦ ᓈᒻᒪᓂᖅᓴᐅᒐᔭᕆᐊᖓ ᐃᓱᒪᑦᓴᖅᓯᐅᕈᑎᐅᑉᐸᑦ ᑐᑦᓯᕋᐅᑎᓕᐊᖑᔪᖅ ᓯᕗᓂᑦᓴᑎᓐᓂ ᐃᓄᓕᒫᓄᑦ ᑐᓵᔭᐅᑎᑕᐅᓗᓂ. ᑕᐃᒪᐃᒻᒪᑦ, ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᐲᖅᓯᓚᐅᖅᑐᑦ ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᑐᑦᓯᕋᐅᑎᖓᓂᒃ ᑕᐃᑲᓐᖓᑦ ᑐᓵᔭᐅᑎᑦᓯᓂᐅᔪᒥᒃ ᐊᒻᒪᓗ ᓇᓗᓇᐃᖅᓯᓪᓗᑎᒃ ᑕᑯᔭᑦᓴᐅᒎᒫᕐᓂᐊᖅᑎᑕᐅᒐᔭᖔᕆᐊᖏᑦ ᐊᓯᐊᒍᑦ ᑭᖑᓂᑦᑎᓐᓂᒃ ᐅᓪᓗᕐᒥ. ᑕᒃᑯᐊ ᐃᓄᓕᒫᓄᑦ ᖃᐅᔨᒪᔭᐅᒋᐊᖃᕐᓂᖏᑦ ᑖᒃᑯᓂᖓ ᑲᑎᒪᐅᑎᐅᒐᔭᕐᓂᖏᓐᓄᑦ ᒥᑦᓵᓅᖓᔪᐃᑦ ᓄᓇᕗᑦ ᐃᒻᒥᒃᑯᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᑐᑦᓯᕋᐅᑎᖏᑦ, ᐃᓕᔭᐅᓗᓂ ᓄᖅᑲᖓᑎᑦᓯᒍᑎᐅᒐᓱᐊᖅᑐᑦ ᐱᔭᐅᓯᒪᔪᑦ, ᐃᓚᓕᐅᑎᔭᐅᓛᖅᑐᑦ ᑕᐃᑯᖓ ᐃᓄᓕᒫᓄᑦ ᑐᓴᐅᒪᔭᐅᑎᑕᐅᓂᕐᒧᑦ ᑕᒪᒃᓱᒧᖓ ᒫᓐᓇᒃᑯᑦ ᑲᑎᒪᐅᑎᐅᒋᐊᓕᓐᓄᑦ.
ᑐᑦᓯᕋᐅᑎᓕᐅᑉ ᑐᕌᕈᑎᖓ:
ᑎᑎᖅᑲᕐᓂᐊᕐᕕᐊ 246
ᐊᑐᕆᐊᕆᔭᐅᓂᖅᐹᖅ
ᐃᒡᓗᓕᒃ, ᓄᓇᕗᑦ
X0A 0L0
ᓱᑲᑦᑐᒃᑯᑦ: 514-486-9851
ᖃᕆᑕᐅᔭᒃᑯᑦ ᑐᕌᕈᑏᑦ: info@uvagut.tv
ᖃᕆᓴᐅᔭᒃᑯᑦ ᑐᕌᕈᑎᖓ ᑐᑦᓯᕋᕐᕕᑦᓴᖅ ᐅᐊᔭᒨᖅᑐᒃᑯᑦ ᑎᑎᕋᖅᑕᐅᓯᒪᔪᒥᒃ ᑖᑦᓱᒥᖓ ᑐᑦᓯᕋᐅᑎᐅᔪᒥ: info@uvagut.tv
ᑐᑦᓯᕋᐅᑎᖓ ᑖᒃᑯᐊ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᓇᒧᓕᒫᖅ (ITN) ᐱᕕᖃᖅᑎᑕᐅᖁᓪᓗᒋᑦ ᑲᓇᑕᒥ, ᐃᓄᑎᑐᑦ - ᐅᖃᐅᓯᓕᓐᓂᒃ ᒥᑦᓵᓅᖓᔪᓂᒃ ᐱᔨᑦᓯᕋᕐᓗᑎᒃ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ, ᑖᒃᑯᐊ ᒫᓐᓇᐅᔪᖅ ᐱᔨᑦᓯᕋᖅᑐᑦ ᓄᓇᕗᒻᒥᐅᓂᒃ, ᐱᑎᑕᐅᖁᓪᓗᒋᑦ ᑕᑯᓐᓇᕋᑦᓴᐅᓴᐃᓐᓇᕈᓐᓇᓂᕐᒥᒃ ᓯᐊᒻᒪᖅᑎᑕᐅᓗᑎᒃ ᐃᓚᒋᔭᐅᓗᓂ ᑕᒪᒃᑯᓄᖓ ᓈᓴᐅᑎᓂᒃ ᐊᑐᖅᑐᓄᑦ ᐱᔨᑦᓯᕋᐅᑎᓂᒃ ᐲᑏᔫᖑᓂᕋᖅᑕᓂᒃ ᓇᒧᓕᒫᖅ ᑲᓇᑕᒥ, ᒪᓕᓪᓗᒋᑦ ᑎᑎᕋᖅᓯᒪᔪᑦ 9 (1)(ᕼ) ᒪᓕᒐᕐᓂ.
ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᓇᒧᑐᐃᓐᓇᖅ ᒐᕙᒪᑐᖃᒃᑯᓐᓄᑦ ᑮᓇᐅᔭᓕᐅᕋᓱᐊᕋᓂ ᑯᐊᐳᕇᓴᐅᕗᖅ ᐃᖅᑲᓇᐃᔭᖅᑎᖏᑦ ᐃᓅᓪᓗᑎᒃ ᐱᕙᓪᓕᐊᔪᓕᕆᔨᒻᒪᕆᐅᕗᑦ.
ᑕᒃᑯᐊ ᑐᑦᓯᕋᐅᑎᒋᔭᒥᓐᓂ, ᐃᓄᐃᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᓇᒧᑐᐃᓐᓇᖅ ᓇᓗᓇᐃᖅᓯᓯᒪᕗᑦ ᑖᒃᑯᐊ ᐃᓄᐃᑦ ᑕᓚᕖᓴᒃᑰᑎᑦᓯᔪᓕᕆᔨᒃᑯᑦ, ᐱᒋᐊᓚᐅᖅᓯᒪᓪᓗᑎᒃ 2ᖑᑎᓪᓗᒍ ᒪᐃ 2022ᒥ, ᑲᓇᑕᓕᒫᒧᑦ, ᐃᓄᑦᑎᑐᑦ ᐅᖃᐅᓯᓕᓐᓂᒃ ᒥᑦᓵᓅᖓᔪᓂᒃ ᐱᔨᑦᓯᕋᕐᓗᑎᒃ ᑕᒪᒃᑯᓂᖓ ᑐᕌᖓᔪᓂᒃ ᐃᓄᓐᓄᑦ ᓄᓇᓕᐅᔪᓄᑦ. ᑕᒪᓐᓇ ᐱᔨᑦᓯᕋᕐᓂᐅᔪᖅ ᐃᓕᓴᕆᔭᐅᓯᒪᕗᖅ ᒐᕙᒪᒃᑯᖏᓐᓄᑦ ᓄᓇᕗᑦ ᐊᕕᑦᑐᖅᓯᒪᔪᓄᑦ ᐃᓕᓐᓂᐊᒐᑦᓴᓕᕆᔨᐅᔪᓄᑦ ᑕᓚᕖᓴᒃᑰᐸᑦᑐᓂᒃ ᐱᔨᑦᓯᕋᕐᓂᖏᓐᓄᑦ ᓄᓇᕗᒻᒥᐅᓂᒃ. ᑕᐃᒪᐃᓐᓂᖓᓄᑦ, ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᑕᑯᔭᑦᓴᐅᑎᑕᐅᒋᐊᖃᖅᑯᑦ ᓄᓇᕗᒻᒥ ᐃᓚᒋᔭᐅᓗᓂ ᑕᑯᑦᓴᐅᒍᓐᓇᖅᑎᑕᓄᑦ ᐊᑐᕐᓗᓂ ᐱᒍᓐᓇᐅᑎᒥᒃ ᓚᐃᓴᓐᓯ ᐲᑏᔫ, ᐊᒻᒪᓗ ᐱᕕᖃᖅᑎᑕᐅᓗᓂ ᐲᑏᔫᒃᑯᑦ ᐱᔨᑦᓯᕋᖅᑐᓂᒃ ᒥᑦᓯᑎᓐᓂᐅᖏᑦᑐᖅ 2,000 ᑕᑯᓐᓇᕈᒪᔪᑦ, ᑭᓯᐊᓂ ᑕᖅᑭᑕᒫᖅᓯᐅᑎᖃᓐᖏᓪᓗᑎᒃ ᐊᑭᓕᖅᑕᐅᒋᐊᓕᒻᒥᒃ ᑕᑯᓐᓇᖅᑎᓄᑦ ᐊᑭᑦᑐᕆᐊᕈᑎᖃᓐᖏᓪᓗᓂ ᑕᖅᑭᑕᒫᖅᓯᐅᑎᖓ.
ᐃᓄᐃᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᓇᒧᑐᐃᓐᓇᖅ ᖃᐅᔨᒪᖁᔨᕗᑦ ᑖᒃᑯᐊ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᒫᓐᓇᐅᔪᖅ ᑕᑯᓐᓇᕋᑦᓴᐅᒋᐊᖏᑦ ᐊᑭᖃᓐᖏᑦᑐᒥᒃ ᐊᖅᑯᑎᖃᕐᓗᓂ ᐱᐅᓪᑯᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᑕᓚᕖᓴᒃᑰᑎᑦᓯᔨᒃᑯᓐᓄᑦ ᐊᒻᒪᓗ ᓵ ᑐᕋᐃᓐᓇᖅᑐᒥᒃ ᐅᑭᐅᖅᑕᖅᑐᒧᑦ ᐃᓚᒋᔭᐅᓪᓗᓂ ᓈᓴᐅᑎᓂᒃ ᐊᑐᖅᑐᓂᒃ ᐱᔨᑦᓯᕋᐅᑎᓂᒃ ᐊᒻᒪᓗ ᖃᓄᐃᑦᑐᑐᐃᓐᓇᐅᔪᓂᒃ ᑕᑯᓐᓇᕋᑦᓴᑕᖃᖅᓱᓂ ᓇᒥᑐᐃᓐᓇᖅ ᑲᓇᑕᒥ. ᖃᐅᔨᒪᖁᔨᒃᑲᓂᖅᓱᑎᒃ ᑖᒃᑯᐊ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᑕᑯᔭᑦᓴᐅᑎᑕᐅᒋᕗᑦ ᐅᑭᐅᖅᑕᖅᑐᒥᐅᑦ ᑯᐊᐸᒃᑯᖏᓐᓄᑦ ᐊᒻᒪᓗ, ᐅᑭᐊᒥᓂᒃ 2022, ᐃᓚᒋᔭᐅᑎᑕᐅᖃᑦᑕᖅᑯᑦ ᐃᓘᓐᓇᖏᓐᓄᑦ ᐅᒃᐱᒃ ᑕᓚᕖᓴᒃᑰᑎᑉᐸᑦᑕᖏᓐᓄᑦ ᐊᑐᖅᓱᑎᒃ ᑎᓚᔅ ᑐᓴᐅᒪᖃᑎᒌᑦᑐᓕᕆᔨᒃᑯᑦ ᐊᖅᑯᑎᖏᓐᓂᒃ.
ᑖᒃᑯᐊ ᑐᑦᓯᕋᐅᑎᓕᐅᖅᓯᒪᔪᑦ ᓇᓗᓇᐃᖅᓯᓯᒪᕗᑦ ᑖᒃᑯᐊ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᑕᑯᑦᓴᐅᑎᑦᓯᖃᑦᑕᕐᓂᖏᑦ ᖃᓄᐃᑦᑐᑐᐃᓐᓇᕐᓂᒃ, ᐃᓚᒋᔭᐅᓪᓗᑎᒃ ᓱᕈᓯᕐᓅᖓᔪᓂᒃ ᐊᒻᒪᓗ ᐅᕕᒃᑲᕐᓅᖓᔪᓂᒃ ᑕᑯᓐᓇᖅᑕᐅᒍᒫᕐᓂᐊᖅᑐᓂᒃ, ᑐᓴᐅᒪᔭᐅᖁᔭᓂᒃ ᑕᕐᕆᔭᓕᐅᖅᑕᐅᓯᒪᔪᓂᓪᓗ.
ᐃᓄᐃᑦ ᑕᓚᕖᓴᒃᑰᑎᑦᓯᔪᓕᕆᔨᒃᑯᑦ ᓇᒧᑐᐃᓐᓇᖅ ᑐᓂᓯᓯᒪᕗᑦ ᑖᒃᑯᐊ ᑲᓇᑕᓕᒫᒧᑦ ᓯᐊᒻᒪᑎᑦᑕᐅᓂᖏᑦ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᑕᑯᓐᓇᕋᑦᓴᓕᐊᕆᓯᒪᔭᖏᓐᓂᒃ ᐃᑲᔪᖅᓯᓯᒪᒐᔭᖅᑯᖅ ᐊᖏᓪᓕᕙᓪᓕᑲᓐᓂᑎᑦᓯᓂᕐᒥᒃ ᖃᐅᔨᒪᔭᐅᓂᖏᓐᓂᒃ ᐃᓄᐃᑦ ᐅᖃᐅᓯᖏᓐᓂᒃ ᐊᒻᒪᓗ ᐱᐅᓕᔭᐅᓯᒪᒃᑲᓐᓂᖁᓪᓗᒋᑦ ᐃᓄᐃᑦ ᐃᓕᖅᑯᓯᖏᑦ ᐊᒻᒪᓗ ᖃᐅᔨᒪᔭᑐᖃᖏᑦ, ᐊᒻᒪᓗ ᐃᑲᔪᖅᓯᓗᓂᓗ ᖃᐅᔨᒪᖃᑎᒌᒃᑲᓐᓂᖁᓪᓗᒋᑦ ᐃᓄᐃᑦ ᓄᓇᓕᓐᓃᑦᑐᑦ ᓇᒥᑐᐃᓐᓇᖅᑐᑦ ᑲᓇᑕᒥ ᖃᑦᓰᓐᓈᐱᐅᓪᓗᑎᒃ ᐅᑭᐅᖅᑕᖅᑐᒥ, ᐱᕚᓪᓕᑎᑦᓯᕙᑦᑐᑦ ᐃᓅᓯᕆᔭᐅᔪᓂᒃ ᐊᒻᒪᓗ ᓴᓐᖏᓕᒃᑲᓂᖅᑎᑦᓯᓪᓗᑎᒃ ᐅᖃᐅᓯᖏᓐᓂᒃ ᐃᓕᖅᑯᓯᖏᓐᓂᓪᓗ. ᐃᓄᐃᑦ ᑕᓚᕖᓴᒃᑰᑎᑦᓯᔪᓕᕆᔨᒃᑯᑦ ᓇᒧᑐᐃᓐᓇᖅ ᐃᓱᒪᒋᔭᖓᒍᑦ, ᐊᖏᖅᑕᐅᑉᐸᑕ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᑦ ᑕᑯᓐᓇᕋᑦᓴᐅᖃᑕᐅᑦᓴᐃᓐᓇᕈᓐᓇᖅᑎᑕᐅᓂᖏᑦ ᒪᓕᓪᓗᒋᑦ ᑎᑎᕋᖅᓯᒪᔪᑦ 9 (1)(ᕼ) ᒪᓕᒐᕐᓂ ᐱᔨᑦᓯᕋᕐᓂᕆᔭᖏᑦ ᐊᑲᐅᓂᖅᓴᒨᖅᑎᑕᐅᒐᔭᖅᑐᑦ ᑮᓇᐅᔭᖃᑦᓯᐊᓂᖅᓴᐅᓕᕐᓗᑎᒃ ᐅᖓᓯᓗᐊᓐᖏᑦᑐᒧᑦ ᐊᑐᕋᑦᓴᓂᒃ ᓯᕗᓂᑦᑎᓐᓂ ᐊᒻᒪᓗ ᐃᑲᔪᖅᓯᒐᔭᖅᓱᓂ ᐅᓪᓗᓕᒫᖅᑕᖅᑐᒥᒃ ᐃᓄᑦᑎᑐᑦ - ᐅᖃᐅᓯᓕᓐᓂᒃ ᑕᓚᕖᓴᒃᑯᑦ ᐱᔨᑦᓯᕋᖅᑐᓂ. ᑖᒃᑯᐊ ᐃᓚᓯᒋᐊᒃᑲᓐᓂᕈᑎᖃᖅᓯᒪᔪᑦ ᐃᒫᒃ ᓈᒻᒪᒋᔭᐅᒍᓐᓇᖅᑲᑦ ᑐᑦᓯᕋᐅᑎᒋᔭᐅᔪᖅ ᐱᒍᓐᓇᑎᑦᓯᒐᔭᕆᐊᖓ ᑮᓇᐅᔭᖅᑑᑎᐅᕕᖃᕈᓐᓇᕋᔭᕆᐊᖓ ᐊᒥᓱᓄᑦ ᐊᔾᔨᒌᓐᖏᑦᑐᓂᒃ ᐃᓄᑦᑎᑐᑦ - ᐅᖃᐅᓯᓕᓐᓂᒃ ᑕᑯᓐᓇᕋᑦᓴᓕᐊᖑᔪᓂᒃ, ᓱᓕᒃᑲᓐᓂᖅ, ᖁᒡᕙᑎᑦᓯᑲᓐᓂᕋᔭᖅᓱᓂ, ᐱᐅᓕᑦᓯᓯᒪᒃᑲᓐᓂᕈᑎᐅᓗᓂ ᐊᒻᒪᓗ ᓴᖅᑭᔮᖅᑎᑦᓯᓂᖅᓴᐅᓗᓂᓗ ᐅᖃᐅᓯᕆᔭᐅᔪᓂᒃ ᑕᑯᑦᓴᐅᑎᑦᓯᓂᖅᓴᐅᓗᓂᓗ ᐃᓄᐃᑦ ᖃᓄᐃᑦᑑᓂᖏᓐᓂᒃ ᐃᓕᖅᑯᓯᖏᓐᓂᓪᓗ.
ᐃᓄᐃᑦ ᑕᓚᕖᓴᒃᑰᑎᑦᓯᓕᕆᔨᒃᑯᑦ ᓇᒧᑐᐃᓐᓇᖅ ᐊᑐᓕᖅᑎᑦᓯᒍᒪᕗᑦ ᐅᒫ ᖁᒃᕙᕆᐊᕆᓗᑎᒃ ᑕᖅᑭᑕᒫᖅᓯᐅᑎᒥᒃ ᑕᑯᓐᓇᖃᑦᑕᖅᑐᓄᑦ ᐊᑭᑦᑐᕆᐊᕈᑎᖃᓐᖏᓪᓗᓂ ᐊᑐᕐᓂᐊᕐᓗᓂ ᐃᓗᐊᓂ ᑕᓪᓕᒪᑦ ᑕᑯᓐᓇᕋᑦᓴᖃᖅᑎᑕᐅᓂᖏᑦ ᐊᕐᕌᒍᓄᑦ ᑖᒃᑯᓂᖓ ᐃᓄᐃᑦ ᑕᓚᕖᓴᒃᑰᑎᑦᓯᔨᒃᑯᓐᓂᒃ ᓚᐃᓴᓐᓯᖃᓗᑎᒃ ᐱᔨᒃᓯᕋᕈᓐᓇᐅᑎᒥᒃ:
ᑐᑦᓯᕋᐅᑎᓕᐅᑉ ᑐᕌᕈᑎᖓ:
3038 Helen Maksagak Drive
ᐃᖃᓗᐃᑦ, ᓄᓇᕗᑦ
X0A 0H0
ᖃᕆᑕᐅᔭᒃᑯᑦ ᑐᕌᕈᑏᑦ: anjijuqqaaq@inuit.tv
ᖃᕆᓴᐅᔭᒃᑯᑦ ᑐᑭᓯᑎᑦᓯᔪᓂᒃ ᑕᑯᒐᑦᓴᐅᕗᑦ ᑐᑦᓯᕋᐅᑎᐅᔪᖅ: http://inuit.tv/
ᖃᕆᓴᐅᔭᒃᑯᑦ ᑐᕌᕈᑎᖓ ᑐᑦᓯᕋᕐᕕᑦᓴᖅ ᐅᐊᔭᒨᖅᑐᒃᑯᑦ ᑎᑎᕋᖅᑕᐅᓯᒪᔪᒥᒃ ᑖᑦᓱᒥᖓ ᑐᑦᓯᕋᐅᑎᐅᔪᒥ: anjijuqqaaq@inuit.tv
ᑐᑭᓯᒍᒪᒍᕕᑦ ᒥᑦᓵᓄᑦ ᖃᓄᐃᓕᖓᒋᐊᖃᕐᓂᖏᓐᓄᑦ ᐱᒐᓱᐊᕈᑎᐅᔪᑦ ᐊᑐᖅᑕᐅᔪᑦ ᑖᒃᑯᓄᖓ ᑭᓪᓕᓯᓂᐊᖅᑎᑯᓐᓄᑦ ᖃᐅᔨᒐᓱᐊᖅᑎᓪᓗᒋᑦ ᑐᑦᓯᕋᐅᑎᐅᔪᓂᒃ ᑕᑯᓐᓇᕋᑦᓴᐅᓴᐃᓐᓇᖃᑕᐅᔪᓄᑦ ᓯᐊᒻᒪᖅᑎᑕᐅᓗᑎᒃ ᐊᑐᖅᑐᓂᒃ ᓈᓴᐅᑎᓂᒃ ᐊᑐᓲᓂᒃ ᐱᔨᑦᓯᕋᐅᑎᓂᒃ, ᐊᑏ ᖃᐅᔨᒋᐊᕆᑦ ᐅᕗᖓ ᑕᑯᓐᓇᑎᑦᓯᓕᕆᓂᕐᒧᑦ ᐊᑐᐊᒐᓕᐊᕆᓯᒪᔪᑦ ᐱᖁᔭᖅ CRTC 2010-629
ᐱᕕᖃᖅᑐᑎᑦ ᑎᑭᓪᓗᒍ 14 ᐃᐳᕈ 2023 ᑐᓂᓯᓂᕐᒥᒃ ᐅᖃᐅᓯᕆᒍᒪᔭᕐᓂᒃ ᑕᒪᑦᓱᒧᖓ ᑐᑦᓯᕋᐅᑎᒨᖓᔪᒥᒃ. ᐅᖃᐅᓯᕆᒍᒪᔭᐅᔪᑦ ᑐᓂᔭᑦᓴᐅᕗᑦ ᖃᓪᓗᓈᑎᑑᖓᑎᓪᓗᒋᑦ, ᐅᐃᕖᑎᑐᑦ, ᐅᒃᕙᓗ ᓄᓇᖃᖅᑳᖅᓯᒪᔪᑎᑐᑦ ᐅᖃᐅᓯᖃᕐᓗᓂ.
ᓄᖅᑲᖓᑎᑦᓯᒍᒪᔪᑦ ᐊᒻᒪᓗ ᑭᐅᒍᑎᐅᔪᑦ ᓇᓗᓇᐃᖅᓯᓯᒪᑦᓯᐊᕆᐊᖃᖅᑯᑦ ᓇᓪᓕᐊᓄᑦ ᑐᑦᓯᕋᐅᒻᒧᑦ ᑐᕌᖓᒻᒪᖔᖅ ᐊᒻᒪᓗ ᓇᓗᓇᐃᖅᓯᓗᓂ ᓇᒻᒥᓂᖅ ᓴᐳᔾᔨᒻᒪᖓᑕ ᐅᒃᕙᓗ ᐊᑭᕋᖅᑐᒻᒪᖓᕐᒥᒃ ᑐᑦᓯᕋᐅᑎᓕᐊᕆᓯᒪᔪᒥᒃ, ᐅᒃᕙᓗ, ᐊᓯᔾᔩᒋᐊᕆᒍᒪᒍᑎᒃ ᑕᒪᑐᒧᖓᖓᔪᒥᒃ, ᐃᓚᒋᔭᐅᓗᑎᒃ ᑐᑭᖃᑦᓯᐊᕈᑎᒋᔭᖏᓐᓂᒃ ᐊᒻᒪᓗ ᓱᒻᒪᐅᒻᒪᖔᖅ ᓇᓗᓇᐃᖅᑕᐅᓗᑎᒃ ᐱᖁᔨᓂᖏᑦ.
ᓄᖅᑲᖓᑎᑦᓯᓂᕐᒧᑦ ᐅᒃᕙᓗ ᑭᐅᒍᑎᐅᔪᑦ ᐃᓚᒍᑦᓯᐅᔾᔨᒋᐊᖃᖅᑯᑦ ᐊᑕᐅᓯᕐᒥᒃ ᐅᑯᓄᖓ ᐃᓚᖏᓐᓂᒃ ᓇᓗᓇᐃᖅᓯᔪᓂᒃ ᓇᓪᓕᐊᓂᑐᐃᓐᓇᖅ ᓯᕗᓪᓕᖏᓐᓂ ᐅᒃᕙᓗ ᑭᖑᓪᓕᖅᐹᖏᓐᓂ ᑎᑎᕋᖅᑕᐅᓯᒪᔪᑦ.
ᑐᑦᓯᕋᐅᑎᖃᕈᕕᑦ ᑕᑯᔭᐅᒍᒪᓂᕐᒥᒃ, ᖃᐅᔨᒃᑲᓐᖓ ᐃᓚᒋᔭᐅᑎᖔᕈᒪᑐᐊᕈᕕᑦ:
ᑭᓇᑐᐃᓐᓇᖅ ᑕᑯᔭᐅᒍᒪᔪᖅ ᑕᐃᑲᓂ ᐃᓄᓕᒫᓅᖓᔪᒥᒃ ᑐᓵᔭᐅᑎᑦᓯᔪᖃᖅᑎᓪᓗᒍ ᐊᑐᐃᓐᓇᕈᐃᒍᓐᓇᕆᐊᖃᖅᑯᖅ ᐱᔾᔨᑎᒋᔭᒥᓐᓂᒃ ᓱᒻᒪᐅᒻᒪᖓᖅ ᑎᑎᖅᑲᑎᒍᖅ ᓄᖅᑲᖓᖁᔨᓂᖏᑦ ᓈᒻᒪᓐᖏᓗᐊᕆᐊᖓ ᓱᒻᒪᓪᓗ ᑕᑯᔭᐅᖔᕐᓂᖅ ᐱᒋᐊᖃᓪᓚᕆᓐᓂᖓᓄᑦ. ᐃᓚᒋᐊᒃᑲᓐᓂᕐᓗᒍ, ᑲᑎᒪᖃᑕᐅᒍᒪᔪᑦ ᐱᒋᐊᖃᖅᑐᑦ ᑐᓴᖅᑎᑦᓯᒍᓐᓇᐅᑎᓂᒃ ᐃᑲᔪᖅᑕᐅᓗᑎᒃ ᓇᓗᓇᐃᖅᓯᒋᐊᖃᖅᑯᑦ ᑕᐃᑲᓂ ᓯᕗᕐᓕᖅᐹᖓᓂ ᒪᑉᐱᒐᐅᑉ ᓄᖅᑲᖓᑎᑦᓯᒍᑎᒋᒍᒪᔭᒥᓐᓂ. ᑕᒪᒃᑯᐊᑐᐊᑦ ᑲᑎᒪᖃᑕᐅᒍᒪᔪᑦ ᑐᑦᓯᕋᐅᑎᒋᔭᖏᑦ ᑕᑯᔭᐅᒍᒪᓂᕐᒥᒃ ᐊᖏᖅᑕᐅᓯᒪᔪᑦ ᖃᐅᔨᒃᑲᖅᑕᐅᓛᖅᑐᑦ ᑖᒃᑯᓄᖓ ᑭᓪᓕᓯᓂᐊᖅᑎᑯᓐᓄᑦ ᐊᒻᒪᓗ ᐃᓇᑕᐅᓗᑎᒃ ᑕᑯᔭᑦᓴᐅᖁᔭᐅᓂᕐᒧᑦ ᑐᓵᑎᑦᓯᔪᖃᖅᑎᓪᓗᒍ.
ᐃᓱᒪᖃᕐᕕᖃᖅᑐᑦ ᐱᕕᖃᖅᑎᑕᐅᕗᑦ ᐸᕐᓇᐃᓂᕐᒥᒃ, ᐋᖅᑭᑦᓱᐃᓂᕐᒥ, ᐊᒻᒪᓗ ᑎᑎᖅᑲᒃᑯᕕᒻᒨᕆᓂᕐᒥᒃ, ᐊᑕᐅᓯᕐᒥᒃ ᑐᓂᔭᑦᓴᓕᐊᕆᓯᒪᔪᒥᒃ, ᓄᖅᑲᖓᑎᑦᓯᖁᔨᔪᓂᒃ ᐊᓯᖏᓐᓄᑦ ᐃᓱᒪᖃᕐᕕᖃᖅᑐᓄᑦ ᓇᒻᒥᓂᖅ ᑕᐃᒫ ᐊᔾᔨᒋᔭᒥᒃ ᐃᐱᑉᐱᒍᓱᓐᓂᖃᖅᑐᒥᒃ ᑭᓯᐊᓂ ᑕᑯᔭᑦᓴᐅᒍᒪᓐᖏᓂᓕᒻᒥᒃ ᑐᓵᔭᐅᑎᑦᓯᔪᖃᖅᑎᓪᓗᒍ. ᑐᑭᓯᑎᑦᓯᔪᓂᒃ ᖃᓄᖅ ᐱᒋᐊᖅᑎᑦᓯᕕᑦᓴᐅᒻᒪᖔᖅ ᑕᐃᒪᐃᑦᑐᒥᒃ ᑐᓂᓯᓂᐅᔪᒥᒃ, ᖃᐅᔨᒪᔭᐅᓂᖃᖅᑐᖅ ᑲᑐᔾᔨᔪᑦ ᓴᐳᔾᔨᓯᒪᓪᓗᑎᒃ ᓄᖅᑲᖓᑎᑦᓯᓂᕐᒥᒃ, ᐊᒻᒪᓗᑦᑕᐅᖅ ᓯᕗᓕᐊᕈᒻᒥᒃ ᓇᓗᓇᐃᖅᓯᒍᑎᖃᕐᓗᓂ ᑖᑦᓱᒧᖓ ᑎᑎᖅᑲᓕᐊᖑᔪᒧᑦ ᐱᒋᐊᖅᑎᑦᓯᒍᑎᐅᔪᒧᑦ ᑕᒪᒃᑯᓄᖓ ᑲᒪᖃᑎᒌᑦᑐᓄᑦ, ᓇᓂᔭᑦᓴᐅᕗᑦ ᐅᑯᓇᓂ ᐊᓯᔾᔩᓂᕐᒥᒃ ᓱᓇᓂᒃ ᐱᒐᓱᐊᒐᐅᕙᑦᑐᓂᒃ ᐱᒋᐊᖅᑎᑦᓯᓂᖅ ᓄᖅᑲᑎᑦᓯᓂᕐᒧᑦ - ᐊᖏᓪᓕᒋᐊᕆᓂᖅ ᐱᒋᐊᖅᑎᑦᓯᒍᑎᐅᔪᒥᒃ ᐱᒐᓱᐊᒐᐅᕙᑦᑐᑦ ᐃᓚᖃᕐᓗᑎᒃ ᐱᒋᐊᖅᑎᓯᒍᑎᒋᔭᖏᓐᓄᑦ ᑖᒃᑯᐊ ᑲᑐᔾᔨᓪᓗᑎᒃ ᓴᐳᔾᔨᖃᑎᒌᑦᑐᑦ ᐅᖃᐅᓯᖏᑦ ᑕᑯᓐᓇᕋᑦᓴᓕᕆᓂᕐᒧᑦ ᐱᖁᔭᐃᑦ ᑲᒪᒋᔭᐅᑎᓪᓗᒋᑦ, ᑕᑯᓐᓇᒐᑦᓴᓕᕆᓂᕐᒧᑦ ᑐᑭᓯᒃᑲᓐᓂᕈᑎᑦᓴᐃᑦ ᖃᐅᔨᒃᑲᐃᒍᑏᑦ ᓇᓗᓇᐃᒃᑯᑎᖓ CRTC 2010-28-1, 10 ᑎᓯᒻᐱᕆ 2010.
ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᐱᒐᓱᐊᖁᔨᕗᑦ ᐃᓱᒪᖃᖅᑐᓂᒃ ᐃᓄᓐᓂᒃ ᐊᒻᒪᓗ ᑭᓇᒃᑯᑐᐃᓐᓇᕐᓂᒃ ᖃᐅᔨᓴᖃᑦᑕᖁᓪᓗᒋᑦ ᐅᖃᐅᓯᒥᓂᐅᔪᓂᒃ ᑲᑎᒪᔪᖃᖅᑎᓪᓗᒍ, ᐊᑐᐃᓐᓇᐅᔪᑦ ᑕᒃᑯᐊ ᑭᓪᓕᓯᓂᐊᖅᑎᒃᑯᑦ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᖏᓐᓂ, ᑐᑭᓯᒃᑲᓐᓂᐅᑎᑦᓴᐅᕗᑦ ᐊᑐᕐᓂᖃᑐᐃᓐᓇᕆᐊᓖᑦ ᐸᕐᓇᑎᓪᓗᒋᑦ ᓇᒻᒥᓂᖅ ᐅᖃᐅᓯᕆᒍᒪᔭᒥᓐᓂᒃ.
ᑎᑎᖅᑲᓕᐊᖑᓯᒪᔪᑦ ᑐᓂᔭᐅᔪᑦ ᐅᖓᑖᓃᑦᑐᑦ ᑕᓪᓕᒪᑦ ᒪᑉᐱᒐᐃᑦ ᐃᓚᖃᕆᐊᖃᖅᑯᑦ ᓇᐃᓈᖅᑎᖅᓯᒪᔪᒥᒃ ᑎᑎᖅᑲᓂᒃ ᐱᓗᐊᕐᓃᓐᓇᖏᓐᓂᒃ. ᐊᑐᓂ ᑎᑎᕋᖅᑕᐅᓯᒪᔪᑦ ᐃᓘᓐᓇᖏᓐᓂᒃ ᑐᓂᔭᐅᔪᑦ ᐊᑐᓂ ᓈᓴᐅᑎᓕᖅᓯᒪᒋᐊᖃᖅᑯᑦ, ᐊᒻᒪᓗ ᐅᑯᐊ ᐃᒪᐃᓕᔪᑦ ***ᐃᓱᓕᑦᑐᖅ ᑎᑎᕋᖅᑕᐅᔪᑦ*** ᑭᖑᓂᐊᓃᒋᐊᓕᒃ ᑭᖑᓪᓕᖅᐹᖓᑕ ᑎᑎᖅᑲᐅᑉ. ᑕᒪᓐᓇ ᐃᑲᔪᖅᓯᓚᖓᕗᖅ ᑭᓪᓕᓯᓂᐊᖅᑎᑯᓐᓂᒃ ᖃᐅᔨᓂᕐᒥᒃ ᑖᒃᑯᐊ ᑎᑎᖅᑲᐅᔪᑦ ᓱᕋᑦᑕᐅᓐᓂᖏᒃᑲᓗᐊᕐᒪᖔᑕ ᐅᐊᔭᒨᖅᑐᒃᑯᑦ ᐊᐅᓪᓚᖅᑎᑕᐅᑎᓪᓗᒋᒃ.
ᑎᑎᖅᑲᓕᐊᖑᓯᒪᔪᑦ ᑐᓂᔭᐅᔪᑦ ᐱᒋᐊᖅᑎᑦᓯᒍᑎᖃᕆᐊᖃᖅᑯᑦ ᐊᐅᓪᓚᖅᑎᑕᐅᓗᑎᒃ ᐊᓪᓚᑦᑎᒻᒪᕆᖓᓐᓄᑦ ᑭᓪᓕᓯᓂᐊᖅᑎᒃᑯᑦ ᐊᑐᕐᓗᓂ ᐃᓚᖓᓐᓂᒃ ᐅᑯᐊ ᐊᑐᕋᑦᓴᓕᐊᕆᓯᒪᔪᑦ:
ᑎᑎᖅᑲᓕᐊᕆᓯᒪᔭᐃᑦ ᓄᖅᑲᖓᖁᔨᓂᕐᒧᑦ ᑐᓂᒍᓐᓇᖅᑕᐃᑦ ᐃᒪᐃᓪᓗᑎᑦ:
ᐱᒍᓐᓇᕐᕕᖃᖁᓪᓗᒋᑦ ᐃᓚᐅᖃᑕᐅᓂᕐᒥ ᑕᒪᒃᑯᓂᖓ ᐃᓄᐃᑦ ᓄᓇᓕᖏᓐᓂᒃ ᓇᒥᑐᐃᓐᓇᖅ ᐅᑭᐅᖅᑕᖅᑐᒥ, ᖃᖓᑦᑕᖅᑎᑕᐅᓯᒪᔪᒃᑯᑦ ᑕᑯᑦᓴᐅᒍᓐᓇᕕᑦᓴᒥᒃ ᐱᑕᖃᓛᖅᑐᖅ ᑕᐃᑲᓂ ᐃᖃᓗᓐᓂ, ᓄᓇᕗᑦ, ᐱᒍᒪᔭᐅᑐᐊᖅᑲᑦ.
ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᐱᒐᓱᐊᖁᔨᕗᑦ ᐃᓱᒪᖃᖅᑐᓂᒃ ᐃᓄᓐᓂᒃ ᓄᖅᑲᖓᑎᑦᓯᒍᒪᔪᓂᒃ ᑕᐃᑲᓂ ᑲᑎᒪᔪᖃᖅᑎᓪᓗᒍ ᑭᓯᐊᓂ ᐱᖃᓐᖏᑦᑐᑦ ᖃᕆᓴᐅᔭᒃᑰᕈᑎᓂᒃ ᐱᒋᐊᖅᑎᑦᓯᒍᒪᒐᓗᐊᖅᓱᑎᒃ ᓄᖅᑲᖓᑎᑦᓯᒍᑎᒥᒃ ᐊᑐᕐᓗᑎᒃ ᑎᑎᖅᑲᓂᐊᖅᕕᒻᒥᒃ ᐅᒃᕙᓗ ᓱᑲᑦᑐᒃᑰᕈᑎᒥᒃ.
ᒪᓕᓪᓗᒋᑦ ᐊᑐᐊᒐᐅᔪᑦ ᑲᑎᒪᑎᑦᓯᓂᕐᒧᑦ, ᑎᑎᖅᑲᓕᐊᖑᓯᒪᔪᖅ ᐱᔭᐅᓯᒪᒋᐊᓕᒃ ᑭᓪᓕᓯᓂᐊᖅᑎᑯᓐᓄᑦ ᐊᒻᒪᓗ ᐃᓘᓐᓇᖏᓐᓂᒃ ᐱᖃᑕᐅᒍᒪᔪᑦ ᑎᑭᓪᓗᒍ ᓯᕿᕐᖑᔭᖅ 5ᒥ ᐅᓐᓄᓴᒃᑯᑦ ᕚᓐᑰᕗᕐᒥᐅᑦ ᓯᕿᕐᖑᔭᒥᒃ ᒪᓕᑦᑕᖓᑎᒍᑦ (8ᒥ ᐅᓐᓄᓴᒃᑯᑦ ᐋᑐᐋᒥᐅᑦ ᓯᕿᕐᖑᔭᖓᑎᒍᑦ ) ᑕᐃᑲᓂ ᐅᓪᓗᖓᓂ ᐱᔭᐅᕕᒋᒋᐊᖃᖅᑕᖓᓂ. ᑲᑐᔾᔨᖃᑎᒌᑦᑐᑦ ᓇᒻᒥᓂᖅ ᐃᑉᐱᒍᓱᒋᐊᖃᖅᑯᑦ ᓈᒻᒪᓈᖅᑐᒥᒃ ᑐᓂᓯᓂᕐᒥᒃ ᑎᑎᖅᑲᓕᐊᕆᓯᒪᔭᒥᓐᓂᒃ ᐊᒻᒪᓗ ᖃᐅᔨᒃᑲᖅᑕᐅᒐᔭᓐᖏᓚᑦ ᑎᑎᖅᑲᓕᐊᕆᓯᒪᔭᖏᑦ ᐱᔭᐅᓐᓂᖅᑲᑕ ᑭᖑᓂᐊᒍᑦ ᐃᓱᓕᒃᕕᒋᔭᐅᔫᑉ. ᑭᖑᕙᖅᑐᑦ ᑐᓂᔭᐅᔪᑦ, ᐃᓚᒋᔭᐅᓪᓗᑎᒃ ᑕᒪᑯᐊ ᐱᔾᔪᑎᖃᖅᑐᑦ ᑎᑎᖅᑲᓂᐊᕐᕕᒻᒧᑦ ᑭᖑᕙᖅᑎᑕᐅᔪᑦ, ᑲᒪᒋᔭᐅᒐᔭᓐᖏᓚᑦ ᑖᒃᑯᓄᖓ ᑭᓪᓕᓯᓂᐊᖅᑎᑯᓐᓄᑦ ᐊᒻᒪᓗ ᐃᓚᓕᐅᔾᔭᐅᒐᔭᓐᖏᓚᑦ ᐃᓄᓕᒫᓄᑦ ᑐᓴᕋᑦᓴᐅᔪᓄᑦ.
ᑲᑐᔾᔨᖃᑎᒌᑦᑐᑦ ᐊᐅᓪᓚᑎᑦᓯᔪᑦ ᐅᐊᔭᒨᖅᑐᒃᑯᑦ ᖃᐅᔨᒪᑦᓯᐊᕋᓱᐊᕆᐊᖃᖅᑯᑦ ᓇᓗᓇᐃᖅᓯᒍᓐᓇᑦᓯᐊᕋᔭᕋᓗᐊᒋᐊᖅ, ᑭᓪᓕᓯᓂᐊᖅᑎᑯᓐᓄᑦ ᑐᑦᓯᕋᖅᑕᐅᓕᖅᑲᑕ, ᑕᒪᒃᑯᐊ ᑎᑎᖅᑲᓕᐊᖑᓯᒪᔪᑦ, ᐅᒃᕙᓗ ᐱᒋᐊᖃᖁᔭᐅᑐᐊᖅᑲᑦ, ᐱᔨᑦᓯᕋᐅᑎᒥᓂᕐᓂᒃ ᑐᕌᖓᔪᓂᒃ ᑎᑎᖅᑲᓕᐊᖑᓯᒪᔪᓄᑦ ᐱᔭᕇᖅᓯᒪᓂᕋᐃᔪᓂᒃ. ᒪᓕᒋᐊᓖᑦ, ᑲᑐᔾᔨᖃᑎᒌᑦᑐᑦ ᐱᓯᒪᒋᐊᓖᑦ ᓇᓗᓇᐃᖅᓯᒍᑎᒋᒍᓐᓇᖅᑕᒥᓐᓂᒃ ᐊᐅᓪᓚᑎᑦᓯᔪᒥᓂᐅᒋᐊᖅ ᐊᒻᒪᓗ ᐊᑭᓕᐅᑎᒥᓂᐅᔪᓂᒃ ᑕᒪᒃᑯᓄᖓ ᐊᑐᓂ ᑎᑎᖅᑲᓕᐊᖑᓯᒪᔪᓂᒃ ᐊᑯᓃᖅᑎᒋᔪᒥᒃ 180 ᐅᓪᓗᓂᒃ ᑭᖑᓂᐊᒍᑦ ᐅᓪᓗᖓᑕ ᐊᐅᓪᓚᖅᑎᑕᐅᕕᒋᔭᒥᓂᖓᑕ ᑎᑎᖅᑲᓕᐊᖑᓯᒪᔪᑦ ᐅᒃᕙᓗ ᐱᔨᑦᓯᕋᖅᑕᐅᒍᑎᒥᓂᖏᑦ. ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᖃᐅᔨᒪᑎᑦᓯᒋᐊᖅᑯᑦ ᑲᑐᔾᔨᖃᑎᒌᑦᑐᓂᒃ ᐊᐅᓪᓚᑎᑦᓯᔪᒥᓂᕐᓂᒃ ᐅᒃᕙᓗ ᐱᔨᑦᓯᕋᐅᑎᓕᒥᓂᕐᓂᒃ ᑎᑎᖅᑲᓕᐊᖑᔪᓂᒃ ᐊᑐᖅᓱᑎᒃ ᐅᐊᔭᒨᖅᑐᓂᒃ ᖃᐅᔨᓴᑦᓯᐊᖁᓪᓗᒋᑦ ᐊᑐᓕᕋᐃᑉᐸᑕ ᖃᕆᓴᐅᔭᒃᑯᑦ ᑐᕌᕈᑎᐅᔪᓂᒃ ᐱᔨᑦᓯᕋᐅᑎᖃᓕᕋᐃᒍᑎᒃ ᑎᑎᖅᑲᓕᐊᖑᔪᓂᒃ, ᐱᔭᕆᐊᑐᑐᐃᓇᕆᐊᖃᕐᖓᑦ ᓇᓗᓇᐃᖅᓯᓂᕐᒥᒃ ᑕᒪᒃᑯᐊ ᐱᔨᑦᓯᖅᑕᐅᑦᓯᐊᕐᓂᕋᓗᐊᕐᒪᖔᑕ.
ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᖃᐅᔨᒃᑲᐃᒐᔭᓐᖏᓚᑦ ᐱᓐᓂᕆᐊᖅ ᑐᓂᔭᐅᔪᓂᒃ ᑎᑎᖅᑲᓕᐊᖑᓯᒪᔪᓂᒃ. ᐃᒪᐃᒐᔭᖅᑐᑦ, ᑕᐃᒪᐃᓕᖓᒐᓗᐊᖅᑎᓪᓗᒍ, ᐊᑕᖏᖅᑐᒥᒃ ᐃᓱᒪᖅᓴᖅᓯᐅᕈᑎᖃᕋᔭᕆᐊᖅ ᐃᓘᓐᓇᖏᓐᓂᒃ ᑐᓂᔭᐅᔪᓂᒃ ᑎᑎᖅᑲᓕᐊᖑᓯᒪᔪᓂᒃ, ᑕᒪᒃᑯᐊ ᐃᓚᒍᑦᓯᐅᔾᔭᐅᒐᔭᖅᓱᑎᒃ ᐃᓄᓐᓄᑦ ᑐᓴᕋᑦᓴᐅᔪᓄᑦ ᑲᑎᒪᔪᖃᖅᑎᓪᓗᒍ, ᑕᒪᒃᑯᐊ ᒪᓕᑦᑕᐅᒋᐊᓖᑦ ᑐᓂᓯᓂᕐᒥᒃ ᑎᑎᖅᑲᐅᔪᓂᒃ ᐅᕙᓂ ᖁᓕᑦᑎᓐᓂ ᓇᓗᓇᐃᖅᑕᐅᔪᓂᒃ ᒪᓕᑦᑕᐅᑦᓯᐊᕐᓗᑎᒃ.
ᑭᓇᑐᐃᓐᓇᖅ ᐱᒋᐊᖃᖅᑲᑦ ᑐᓵᒍᑎᐅᔪᓂᒃ ᒪᑯᓂᖓ ᑐᓵᑦᓯᐊᖏᑦᑐᓄᑦ ᑐᓵᒍᑎᓂᒃ ᐊᒻᒪᓗ ᑐᓵᓐᖏᑦᑐᓄᑦ ᓇᓗᓇᐃᔭᕈᑎᐅᔪᓂᒃ ᐊᒡᒐᑎᒍᑦ ᑐᑭᓯᑎᑦᓯᒍᓯᐅᔪᓂᒃ ᑕᒪᒃᑯᐊ ᖃᐅᔨᒃᑲᐃᖁᔭᐅᕗᑦ ᑭᓪᓕᓯᓂᐊᖅᑎᑯᓐᓂᒃ ᒥᑦᓵᓂ 45 ᐅᓪᓗᐃᑦ ᓯᕗᓂᐊᒍᑦ ᐱᒋᐊᓚᐅᓐᖏᓐᓂᖓᓂ ᐃᓄᓕᒫᓄᑦ ᑐᓵᔭᐅᑎᑦᓯᓇᖅ ᐱᕕᖃᖁᓪᓗᒋᑦ ᐋᖅᑭᓱᖅᑕᐅᒋᐊᖃᕐᓂᖏᑦ.
ᐃᓘᓐᓇᑎᒃ ᑐᑭᓯᑎᑦᓯᒍᑎᐅᔪᑦ ᑕᒪᒃᑯᓄᖓ ᑲᑐᔾᔨᔪᓄᑦ ᑐᓂᔭᐅᔪᓄᑦ ᐃᓚᒋᔭᐅᓪᓗᑎᒃ ᑕᒪᑦᓱᒧᖓ ᐃᓄᓕᒫᓄᑦ ᑲᑎᒪᒍᑎᐅᓂᕐᒧᑦ, ᐃᓚᒋᔭᐅᓐᖏᓪᓗᑎᒃ ᑐᑭᓯᑎᑦᓯᒍᑎᐅᔪᑦ ᓇᓗᓇᐃᖅᑕᐅᓯᒪᔪᑦ ᑲᓐᖑᓇᖅᑑᒋᐊᖏᓐᓂᒃ, ᐊᐅᓪᓚᖅᑎᑕᐅᓐᓂᖅᑲᑕᓘᓐᓃᑦ ᑎᑎᖅᑲᓂᐊᕐᕕᒃᑯᑦ, ᓱᑲᑦᑐᒃᑯᑦ, ᐅᒃᕙᓗ ᐊᑐᕐᓗᑎᒃ ᑭᓪᓕᓯᓂᐊᖅᑎᒃᑯᑦ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᖏᓐᓂᒃ ᐅᕘᓇ www.crtc.gc.ca, ᐃᓚᓕᐅᑎᔭᐅᓕᓲᖑᕗᑦ ᐃᓄᓕᒫᓄᑦ ᑕᑯᔭᑦᓴᐅᓂᕐᒧᑦ ᑎᑎᕋᖅᓯᒪᔪᓂ ᐊᒻᒪᓗ ᑕᑯᑦᓴᐅᑎᑕᐅᓗᑎᒃ ᑖᒃᑯᐊ ᑭᓐᓕᓯᓂᐊᖅᑎᒃᑯᑦ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᖏᑎᒍᑦ. ᑖᒃᑯᐊ ᑐᑭᓯᑎᑦᓯᒍᑎᐅᔪᑦ ᐃᓚᖃᖅᑯᑦ ᓇᒻᒥᓂᕆᔭᐅᔪᓂᒃ ᑐᑭᓯᑎᑦᓯᒍᑎᓂᒃ, ᒪᑯᐊᓗ ᐊᑎᕆᐅᔪᑦ, ᖃᕆᓴᐅᔭᒃᑯᑦ ᑐᕌᕈᑎᐅᔪᑦ, ᑎᑎᖅᑲᓂᐊᕐᕕᒃᑯᑦ ᐊᑐᕆᐊᒥᓗ ᓇᒥ ᑐᕌᕈᑎᐅᔪᓂᒃ, ᐊᒻᒪᓗ ᐅᖄᓚᐅᑎᖏᑦ ᐊᒻᒪᓗ ᓱᑲᑦᑐᒃᑰᕈᑎᓄᑦ ᓈᓴᐅᑎᖏᑦ.
ᓇᒻᒥᓂᕆᔭᐅᔪᑦ ᑐᑭᓯᑎᑦᓯᒍᑎᐅᔪᑦ ᑕᒪᒃᑯᓄᖓ ᑲᑐᔾᔨᔪᓄᑦ ᑐᓂᔭᐅᔪᑦ ᐊᑐᖅᑕᐅᒐᔭᖅᑯᑦ ᐊᒻᒪᓗ ᖃᐅᔨᒃᑲᐅᑎᒍᑎᐅᒐᔭᑐᐃᓐᓇᕆᐊᓖᑦ ᐱᔾᔪᑎᐅᓗᓂ ᖃᓄᖅ ᑐᑭᓯᑎᑦᓯᒍᑎᐅᔪᑦ ᐱᔭᐅᓐᓂᕐᒪᖔᑕ ᐅᒃᕙᓗ ᓄᐊᑕᐅᓐᓂᕐᒪᖓᑕ ᑖᒃᑯᓄᖓ ᑭᓪᓕᓯᓂᐊᖅᑎᑯᓐᓄᑦ, ᐅᒃᕙᓗ ᐊᑐᖅᑕᐅᒐᔭᕐᓗᑎᒃ ᑐᕌᖓᑦᓯᐊᖅᑐᒥᒃ ᑕᒪᑦᓱᒧᖓ ᐱᔾᔪᑎᒋᒋᐊᓕᖓᓄᑦ.
ᑎᑎᖅᑲᓕᐊᖑᓯᒪᔪᑦ ᐱᔭᐅᔪᑦ ᐅᐊᔭᒨᖅᑐᒃᑯᑦ ᐅᒃᕙᓗ ᐊᓯᐊᒍᑦ ᑕᒪᒃᑯᐊ ᐃᓕᔭᐅᒐᔭᖅᑯᑦ ᑭᓪᓕᓯᓂᐊᖅᑎᒃᑯᑦ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᖏᓐᓄᑦ ᐃᓘᓐᓇᑦᓯᐊᖏᑦ ᑕᐃᒪᐃᓕᖓᑎᓪᓗᒋᑦ ᐱᔭᐅᓐᓂᕐᖓᑕ, ᐃᓚᒋᔭᐅᓗᑎᒃ ᓇᒻᒥᓂᕆᔭᐅᔪᑦ ᑐᑭᓯᑎᑦᓯᒍᑎᐅᔪᑦ ᑕᒪᒃᑯᐊ ᐅᕙᓂ ᓇᓗᓇᐃᖅᑕᐅᔪᑦ, ᐅᖃᐅᓯᒻᒪᕆᒋᔭᐅᔪᒥᐅᔭᕐᓗᑎᒃ ᐊᒻᒪᓗ ᑎᑎᕋᖅᑕᐅᒍᓯᕋᖃᓯᐊᕐᓗᓂ ᑕᐃᒪᐃᓕᖓᐃᓐᓇᕐᓗᓂ ᐱᔭᐅᓚᐅᖅᓯᒪᓂᕐᖓᓂ. ᑎᑎᕋᖅᑕᐅᓯᒪᔪᑦ ᐱᔭᐅᓐᓂᖏᑦᑐᑦ ᐅᐊᔭᒨᖅᑐᑎᒍᑦ ᐊᑐᐃᓐᓇᐅᑎᑕᐅᒐᔭᖅᑯᑦ ᖃᕆᓴᐅᔭᒃᑯᑦ ᐃᒪᐃᑦᑐᑰᕐᓗᓂ ᖃᓪᓗᓈᑎᑐᑦ ᑕᐃᔭᐅᓲᖅ ᐲᑏᐃᕕ (PDF) ᐋᖅᑭᑦᓯᒪᔪᒃᑯᑦ.
ᑕᒪᒃᑯᐊ ᑐᑭᓯᑎᑦᓯᒍᑎᐅᔪᑦ ᑕᒪᒃᑯᓄᖓ ᑲᑐᔾᔨᔪᓄᑦ ᑐᓂᔭᐅᔪᑦ ᑭᓪᓕᓯᓂᐊᖅᑎᑯᓐᓄᑦ ᐃᓚᒋᔭᐅᓪᓗᑎᒃ ᑕᒪᑐᒧᖓ ᐃᓄᓕᒫᓄᑦ ᑲᑎᒪᑎᑦᓯᓂᐅᔪᒧᑦ ᐃᓕᔭᐅᓲᖑᕗᑦ ᖃᐅᔨᒋᐊᕐᕕᑦᓴᐅᖏᑦᑐᒧᑦ ᑐᖅᑯᖅᑕᐅᕕᒻᒧᑦ ᑐᕌᖓᔪᒥᒃ ᑕᒪᒃᑯᓄᖓᓗᐊᓐᖑᐊᖅ ᐃᓄᓕᒫᓄᑦ ᑲᑎᒪᑎᑦᓯᓂᐅᔪᒧᑦ. ᑖᓐᓇ ᑐᖅᑯᓯᓯᒪᕕᐅᔪᖅ ᑕᑯᔭᑦᓴᐅᕗᖅ ᑭᓯᐊᓂᑐᐊᖅ ᑕᐃᑲᓂ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᐅᔪᒥᒃ ᑕᒪᑐᒧᖓ ᑐᕌᖓᔪᖅ ᐃᓄᓕᒫᓄᑦ ᑲᑎᒪᑎᑦᓯᓂᐅᔪᒧᑦ. ᑕᐃᒪᐃᓐᓂᖓᓄᑦ, ᑭᓇᒃᑯᑐᐃᓐᓇᕐᓅᖓᔪᓂᒃ ᑭᓂᖅᑐᑦ ᑖᒃᑯᐊ ᑭᓪᓕᓯᓂᐊᖅᑎᒃᑯᑦ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᖓᓂ ᐃᑲᔪᖅᑕᐅᓗᑎᒃ ᐃᒻᒪᖃ ᓇᒻᒥᓂᖅ ᕿᓂᕈᑎᒥᓂᒃ ᖃᕆᓴᐅᔭᒃᑯᑦ ᐅᒃᕙᓗ ᐱᖓᔪᒋᔭᐅᔪᒧᑦ ᕿᓂᕈᑎᒧᑦ ᖃᕆᓴᐅᔭᒃᑯᑦ ᑕᒪᒃᑯᐊᓕ ᐃᓯᕈᑎᑦᓴᐅᓐᖏᓚᑦ ᑐᑭᓯᑎᑦᓯᒍᑎᐅᔪᓄᑦ ᑐᓂᔭᒥᓂᐅᔪᓂᒃ ᐃᓚᒋᔭᐅᓪᓗᑎᒃ ᑕᒪᑐᒧᖓ ᐃᓄᓕᒫᓄᑦ ᑲᑎᒪᑎᑦᓯᓂᐅᔪᒧᑦ.
ᐅᐊᔭᒨᖅᑐᒃᑰᖅᑐᑦ ᑎᑎᖅᑲᓕᐊᖑᓯᒪᔪᑦ ᑐᑦᓯᕋᐅᑎᐅᔪᑦ ᐊᑐᐃᓐᓇᐅᕗᑦ ᑕᐃᑲᓂ ᑭᓪᓕᓯᓂᐊᖅᑎᒃᑯᑦ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᖏᓐᓂᒃ ᐅᕘᓇ www.crtc.gc.ca ᓂᕈᐊᕐᓗᒍ ᑐᑦᓯᕋᐅᑎᐅᑉ ᓈᓴᐅᑎᖓ ᐃᓗᐊᓃᑦᑐᖅ ᖃᐅᔨᒃᑲᐅᑎᐅᑉ. ᑕᒪᒃᑯᐊ ᐱᔭᑦᓴᐅᒋᕗᑦ ᑐᑦᓯᕋᐅᑎᓕᐅᖅᓯᒪᔪᒥᒃ, ᐃᒻᒪᖃ ᖃᕆᓴᐅᔭᒃᑯᑦ ᑐᑭᓯᑎᑦᓯᒍᑎᖏᓐᓂ ᐅᒃᕙᓗ ᑐᑦᓯᕋᕐᕕᐅᓗᑎᒃ ᖃᐅᔨᒃᑲᖅᑕᐅᓗᑎᒃ ᑕᐃᒃᑯᐊ ᑐᑦᓯᕋᐅᑎᓕᐅᖅᓯᒪᔪᑦ ᖃᕆᓴᐅᔭᒃᑯᑦ ᑐᕌᕈᑎᖏᑎᒍᑦ, ᐊᑐᐃᓪᓇᐅᔪᑦ ᖁᓕᑦᑎᓐᓂ.
ᑕᑯᓂᐊᒐᑦᓴᓕᐊᖑᓯᒪᔪᑦ ᓄᖅᑲᖓᑎᑦᓯᒍᒪᔪᓄᑦ, ᖃᓄᐃᓕᒍᑎᐅᔪᓄᑦ ᐊᒻᒪᓗ ᑭᐅᒍᑎᐅᔪᓄᑦ ᑐᖅᑯᖅᑕᐅᓯᒪᔪᑦ ᑕᒪᑐᒧᖓ ᑲᑎᒪᑎᑦᓯᓂᐅᔪᒧᑦ, ᐊᒻᒪᓗᑦᑕᐅᖅ ᐊᓯᖏᓐᓂᒃ ᑎᑎᖅᑲᐅᔪᓂᒃ ᐊᑦᑐᐊᔪᓂᒃ ᐅᕗᖓ ᖃᐅᔨᒃᑲᐅᑎᐅᔪᒧᑦ, ᐊᑐᐃᓐᓇᐅᕗᑦ ᑕᐃᑲᓂ ᑭᓪᓕᓯᓂᐊᖅᑎᒃᑯᑦ ᖃᐅᔨᒪᑎᑦᓯᒍᑎᖏᓐᓂ ᐃᒪᐃᓕᖓᔪᓂ “ ᐅᖃᖃᑎᒌᓂᖅ ᐊᒻᒪᓗ ᑐᓵᔭᐅᑎᑦᓯᓂᖅ: ᐅᖃᕐᕕᖃᓚᐅᕆᑦ ” ᒪᑉᐱᒐᓕᐊᖑᓯᒪᔪᖅ.
ᑎᑎᖅᑲᓕᐊᖑᓯᒪᔪᑦ ᐱᔭᑦᓴᐅᕗᑦ ᑐᑦᓯᕌᖑᑐᐊᕈᑎᒃ ᐃᖅᑲᓇᐃᔭᕐᓇᐅᑎᓪᓗᒍ ᐅᑯᐊ ᖃᐅᔨᒃᑲᕐᓗᒋᑦ:
ᑎᑎᖅᑲᓕᐊᖑᓯᒪᔪᓂᒃ ᑐᕌᕐᕕᒃ
Examinationroom@crtc.gc.ca
ᐅᖄᓚᐅᑎᖓ: 819-997-4389
ᓱᑲᑦᑐᒃᑯᑦ: 819-994-0218
ᐃᓄᓐᓂᒃ ᐱᔨᑦᓯᕋᕐᕕᒃ
ᐊᑭᖃᓐᖏᑦᑐᖅ ᐅᖄᓚᐅᑎᖓ: 1-877-249-2782
ᐊᑭᖃᓐᖏᑦᑐᖅ ᐅᖄᓚᐅᑎᖓ ᑐᓵᑦᓯᐊᖏᑦᑐᓄᑦ: 1-877-909-2782