Odeminegiizis Niishmidasweshangaswe, Gamazinatesegk tagoo Nodagoonigan Onakonigeg (CRTC) ogiimajitoonawaa Muzinebijigaan Wiindamadim CRTC 2019-217, niswewigk izhii Ozhichigade Oshkii Anishinabegk Muzinebijigaan Onakoonigewin. Miwe oshkimaj wiiba nagishkodaiwaang chiimajitwaang aniin ezhe akina obimabiziik ke izhe onakoonigewin, chiiwabadamung wagoonen wabajigadek anishinabegk Indigenous Muzinebijigaan omma Kanada.
Nanaway Odeminegiizis Niishmidasweshangaswe, tagoo Ashkadanogiizis Niishtana Niishtana, ga onakonigiwiiyaad azhaa ogiinagishkawaan Anishinabe Muzinebijigaana, ga ozhi waad Midaswe ishi niish ngagishkodaadiiwaang omma Kanada. Wiiba nagishkodaiwaang tazhinjigade Ga niigan ichigewiiyaad Anishinabek omajitoonawaa Gamigk. (ILDII) gawiisokadiiwaad ogiidoogk . Giidazhijigade muzinegan giiminigazwaak akina omma gah yaadt gawediyook aniin gwewik chiminoo Ga akoonigewaadt iide Anishinabe Odakii minik. Anishinabek muzinichigek tagoo ozhichigek giiwiidamawag wiinawaa inabadamwaadt chinagajiwan taga jii ozhiidizwaanoshkimach shamak chi atwaad Oshkii Anishinabe Muzinebiigaanigk onakonigewin.
Kagiiwabjigadegin tabibida noonda maang niiswi dazhijigade. Chii akoo niisidotadiwaang wiisookadiiwaang, omma oshibiiamoogk.omma.
Gawiisokagiwadt giiwidamadim izhe CRTC mashkwededamoog gamajitoong muzinebijigan onakoonigewin gwewigk piminigade. Niibwaa dazhijigade manajiidiwin ani Anishinabe izhiiwaad tagaa chinabaewid dazhijigadek chiminosek. Gagiibiizhwaad onistotanawaa izhe Anishinabe aki nisidwebajigade endaswiinawaad Niitaam Anishinabek, Ashkadamoo tagaa Wiisakode.
Gagagiidong chi gigendamwaad wanen onji anishinabegk muzinijigaangk tagoo aninishinabetaaw manajiidiwin. Niswaabajigadek tagaa Anishinabe odineyaag giichiiminose, ogiitaadiziik tagaa abinojiiwagk. Gawiisokadiiwaad ogiiminendanawa ezhywaad tagaa wiimiinidim, Gikendaswin tagaa Naawitaad.
Chinisidodamaan aniin muzinichigek naandwedagwaad onji Ogoojii ishkoonigaan taga biinjii ishkoonigaan, giiwedinoong ge, gwewik ginisidtamgemagaat. Getchina akina giichiiwaabandamung,
Wiijiidiiwin Niibwaa kiindagook, tazhinjigade miziiwe giigidoobiiyobikoonce tagaa gamuninijigaanabigk, oniiganiigk chinoondamwaad. Ganookiiwaad akina chiwaabajigadek izhibiminamang omma izhiibiigan- gamigk.
Gagiinagishkwengwaa giiminendamoogk wiiba nagishkwan adiin, gii Mino ta wag debwetamwaad Anishinbe Inadiziiwin. Ogiiminendanawa minosek tagaa Anishinabegk Giigidowagaan.
Gii noondamin aniin Anishinabe Odakiiyaa giiwabajigade izhe mushkwe pimadiziiwaang tagoo wiikojiiwang gamazinatebijigen tagaa ogiigidowag. Nagajiiwidt anishinabe ganoondagookg –gawabadamung ozhiichikadek minose. Aniin izhe anishinabe giigidoo wabikonsing wii damadiwaagk wanen niigaan nagamoowad anishinabe tagaa niiyaap niigan anishinabemowagk tagaa Izhii waadizii gii naga dwaabijigade minosek apidje. Bamitwaad gwewigk Anishinabe onagamoogk, dabishko omma Manitobaang, giiwabadanawa izhii nitaa wiijiidizwaad nagadwenimid anishabe o nagamoo. Anishinabek gadazhe muzinatebijigwaad tagaa anishinabe ga adasokiwadt gamazinate bijigaan.
Gagii wii dokazwaad odanamikwaan Anishinabek ganwabajiwabig (APTN), ganoondagomwaad anishinabe ozhichiiganaagk. CBC Giiwedinong ge giiwabajigade, giiminsek gagiiwiidokazwaadt anint gagii wii dokazwaad. Anindt paakaan moniwaag ogiigotanawaa mizhigwaa wiisokadiwaad chi wiidankiidiwaang ombinaamang anishinabechigewin.
Ga giiwii dokazwaad niibwaa giigiigidwaag ogii gawe gibitinawaa anishinabe Muzinatebijigwaad tagaa gamjitwaad giiwiisokadiwaag mizwe muzinatebijigen gamigoong omma Kanada.
Giigidowabikonce Muzinebijigaan: Anishinabe giigidobiwabikonce minosiiyoon noondamung Odakii yong, gaa gindek saanagaat. Niibwaa ta adyook muzinichigaan baangii eta. Mewe wiin onakoonigewin innate anishinabegk onji muzinatebijigen nisidnigade izhe niizhwewik izhiga nwabijigade giigidobiiwabigk (iwe A and iwe B), niiwewik debejigen tagaa tibenamowaad gaskitchigewin wiinawaa eta, anindt paakaan ogiizhiwabadanwaa aniin gaskitchigewin-onjii giigidobiwabikonce Igamik. Anawewii ikidwaagk, gawiin anishinabegk chiimiinindwaa tagaa jiipimitwaad Giigidobiwabikonce gemma gawiin chanokiitwaad gitchii gamma wagigamigk, gemma naasaap wiidanokiidiwung.
Muzinatebijigwaad ga wiizhichigadek: Gikinawaadj akina abajichiganaan giidazhijigaadiiwon and tabidaa. Gagiiwiisakoodiwaad ogiidazhidaan tabidaa piigosek ambe saanagaat ozhitoong ozaam wasaa ate waan kitchii agwajewii tagaa gawiin ayaasii anaagajitootd. Ganwaabijigaanwabigk abajichiganaan wasigaanii Giiwedinong Odakii iyaa azhaa getewawooninoon. Ozhiichikadek chiwendagindek biidig ozhi chigadek nandwedagoodt, azhaa nagadwejiganiiwabigk abajiigadiiwon azhaa niibwaa gawiin oshime getewe abajichiganaan, chigikendamung, tagaa gichii biigadegin.
Nagamwoon tagaa muzinate-wabajigaan oshkiibiidonawaa: anishinabegk gagii izhiiwaad naasaap ojaninendamoin. Apidje giiginagajiigazwaak –wiindamadim anishinabe onji gamazinechigwin, nawaaj giiyabe wasaa chiizhamagaagk giiwedinook. Chii izichigewiin, inendamoog ozaam eta giigidobiiwabigk tagaa ganwabajigiiwabigk muzinatebijigegk chiminosek wabadewiding kinwajigaan anishinabe ikidowininaan ozhiiwiwaad. Nandwejigade giginawanj debajimonaan wasaa chinoondaagooziing shigaa wabishkiiwe -jiinoondamwaadt. Gagii biizhawaad ikidwaagk niibwaa nawaaj zhoonia chii ozhichigadegin anishinabe oshkii chiigaan.
Ginawaanj muzintebigaanugk niigaan andawaaodaminwaang: mewe izhichigwen jiwiisokagwaang oshiiwiizowaad wiijiiwaad anishinabe gagii dazhijigadek. Gagiiwiisoka diiwaad onjidaa wabishkiiwe-chidibajimotawaad muzinebijigan anishinabe tagaa chii biizidagwaang Kanada’s gii onashwewaag anishinabegk nandamoinda. Niibwaa inendamoog jii odizwaad. Anishinabegk inabichigewin, gii oshkii ozhichigade anishinabegk onje, nawaaj da mino’se “Gagiizoogewin”. Gagii izhiiwaad ikidwaagk wii’nah anishinabegk chidibendamwaad tagaa jibimendamwaad eta-anishinabegk. Wiijiindaa anishinabegk muzinichigadek ogagichikendanawaa tagaa da’ gichii inendagoosiiwaag miigewaad niiyaap oshkii nagamwaad da noonda gooziiwaagk.
Gagiiwiidokazwaadt gawiin ogiiminendaziinaa wabishkiwe eta odizit gawiin anishinabe miinigazosii chii oshkii ozhitwaad anishinabegk oshkiiozhijigaan. Giidazhijigade chii majii ozhitwaad anishinabegk chigetchinawaaung akina jiigikedamwaad agwajewii muzinichigek.
Gagiiwiidokazwaadt ginensh azhaa ozaam giigawezhiyaa-anishinabegk gawiin gibagidinigazosiiwag chiidagwatesiiwad miziiwe, mizhigwaa anishinabegk chiidagonindwaa. Niibwaa gagiizogewin dazhijigade ga’izhiiwaang chii muzinichgadegin gikinawaaj. Ganagajiitwaad anishinabegk pagwasendaagoodt wiinah ogamino sidoonawaa aniin gagiinadizit anishinabe tagaa giiizhe’pimadiziwaad. giidazhijigade ge shamaagk niinamaagk anishinabe giigidowin chii’abadugk.
Anishinabek eta anokiiwad chinagochigeng: Gagiiwiidokazwaadt inendamoog nawaaj giigidotmaazwaad anishinabegk onjii odakiiwiiyah eta. A yiidush, Anishinabegk eta ima jii’anokiiwaad wiinawaa ogikendanawaa. Niibwaa nawaaj giiyabe anishinabegk –jiimaaji dibenjigiwaad, megwaa onakonigadegk tagaa aniin zhooniaigamigk dawiijiiyaise oshkii ozhitwaad anishinabe izhichigwen. Anind ikidwaagk agwajii anokiid anishinabe onjidaa chiiwiidamading aniin minigk anokiiwad ima minik muzinigegazoowaad, chii gikinwaagazwaad tagaa chiipimitwaad.
Nasaap aki na nandwendaagwaadt: Gawiisokagiwadt ogii’dazhidanawa-onashweinan jii’anjichigadegk chii’mino nasaap anishinabegk onagamoogk, gaa’oshkii’majitwaad tagaa ga’muzinechigwiiyaad dibishkwadadiiwad gawiiding gawiin’ingiwe eta, chii’waabandewind, tagwaa ezhi ‘mino sek abajichiganaan tagaa ezhi ozhichigaadegk.
Wiiba nagishkodadim’gagiiwiisokagiiwad niibwaa niiyaap giibe’ozhibiigade gagiipagosendagwatagaa wii’anjiigade –wii dazhijigade.
Chiwiijiiwind anishinabegk giigidomukonce muzinichigek: Gagiiwiisokagiiwaad ikidwaagk niibwaa nawaaj zhoonia gamigoong naandwedagwaad chi ‘mino noondagoziimaagak odakiiyong. Gabimind, zhoonia tagaa dibegaazwaag gabiozhichhigaadek, dawiiji yamagut apidje.
Miijiiwin anishinabegk ga’nitah nagamwaad taga oshkii majikamigiziwaad: Aninishinabek onji chinitaa waabandegiwaad, anindt gewe odazhidanawaa. Gagiidokazwaad ge ikidwaagk wiinawaa anishinabegk chidibendamwaad akina ga ‘oshkii ozhichigaan nagamoo naan ge gawaajikaamiiwaagk. Anind inendamoog CRTC kidawiijigonaan mitaa giigidomukugkmukukonce nisidenagokin chii dibeigadek ge gwewikg akina onakonigewinaan gikinawamadeigamigk tagaa damwanjise.
Gawiisokogagiwaadt gii’ikidwagk anishinabe ga’dibajimwaad chii’gagii’zwswodiiwaad chii’ mino’anokiidiwaadt gawiin chiazikodinimadiwaadt. Ga wiidanokiidiwaad anishinabegk tagaa wiidaokii’wiijaganaagk giiwabindeidim wene gwewigk wiijinda anishinabe ga’dibajimwaad giiminobamiiwawaag. Gagiiwiijiwaadt ikidwaagk nawaaj giiyabe naandwedagwaad ozhichigaannan, tagaa agwajewii muzinichigek, che’wiijidaa anishinabe odozhebiige tagaa giigidowin-ozhibiigade onibijiget, odagashkitonaa chii ozhiibidwaadt ezhe minosenigk odakiiyong.
Oshkii’wadizaagk, Gikendasowin tagaa Gawejiin: anokiiwin niibwaa da’ozhisiiwaan oshkiwadiza aganishinabegk onji ogajiikendanawaa apidje gamiinnenamwaad muzinebijigiiwaad niigaan oshkii wadaagk ga’nitah e’wiiaad. Gwewigk zhoonia gaamiigewiiyaad dawiijiwe. Me’ iwe gikendasowin tagaa -gawejiiwindt, gawiijiiiwaad ikidwaagk wene gichii gikendaamaan aniin gwewigk chiiizhe piminamaad oshkiiozhichigadegk anokiigaan oadnokiigk tagwaa muzinichigek- akina anookiin; odakiiyong ta da izhe-gawejiiwaagk dawiijiise sii’danokiingon. Minaa ikidwaagk da’dwesiiwagk akina chidebishkiniiwaad akina odakiiyong, gawiin atagwaa gi chii odanaang.
C hii’madjichigadegk gamamwebiiwaad anishinabe muzinebijiganagk: akina giinendamwaagk ga’’jinagajichigiiwaad da’giigi dotamawaa anishishinbe chibawiindamaadinin, gagiikewin shamaagk naandwejigade. Minaa anindt gagiiwiijiwaad ikidwaagk miziiwe da’giigi dotamawigazwaagk. Participants spoke of the isolation felt by broadcasting staff in remote communities, chiiwiijidiwaad tagaa chigiginawamadiwaad. Miziiwe paakaan agamakiing tagaa gamamoybiiwaadt zhoonia ga miigewaad dawiijiise.
Jii’ozhibijigadegk nasabigaan chinechigadegin: Gagiiwiijiwaad inendamwaagk niinamaagk nisidiweigadegk anishinabe tagwaa ogojiwe- yaag jimikweindaa, chinatwaad nagoomonaan tagwaa gamazinatebijigaadegin tagaa ganabijigaabigk. Ikidwaagk gagiibakooteh anindt gamizinatesegk tagaa nagamwonan, nandejigade chii’mashkwejiidwaang kidinweninan, Memindage gagiigidwaadt tagwaa anagoomwaadt anishinabemwaatd. Mewizhaa ikidwaam omma atagwaa Giidakiinaang dazhijigadek odakiiyong ikidiwe’inan, jiiimanji tamaagagk naandwejigade.
CBC’s eziijiyed, wiidanokiima CBC: gagiiwiijiwaad ikidwaagk CBC giiwedinong, tagwotiiwan debajimonaan, da inate CBC muzinayobigk tagaa giigidowabikoon. Gagiiizawaadt ikidwaagk apidje gichiinendagwaadt oshkii bidoonawaa anishinabe chigewin CBC ikidwaagk mina gawiin gegoo wasigaaniiywaabigk kegoo odasiinaa. Anintd gawiin ominwandaziinawaa anishinabegk CBC odwabadanawa, Memindage, ikidwaagk niibwaa wiijiigazwaagk anishinabegk miziiwe CBC. Odisigwaad zhoniaan CBC odidisigwaan chiiabaajitaadt, inendamwaagk mino anishinabegk chinagooziiwaad muzinetsegk, anishinabegk nagajiidizwaagk inidim. gaaskichigadegk, ogiizhibiinawaa CBC Odaa moshkine muzinegiiyaa- chiikikendaswaadt muzinechiganugk.
Ogikendanawaa anishinabegk, eziiozhichigaadegk, zhoonia miiniging: Onakonigewinaan ozhisinoon akina anishinabe odakiiyong’ chinagajiidewaad wiinawaa igaa abajichiganaan- gawiikojiiwaaed damokiiwagk, tagaa ingiwe muzinechiganugk.
Gichii inendaagwaad giimikigadegk zhoonia gii dazhimigaazwaa nawaaj dagichiijii’inabadize niibwaa ikidwaagk dazhijigadek.
Gagiiwiidokazwaadt giiwabadanawa zhoonia giiyabe naandwendagooze jiimino bamiindaa anishinabe muzinebijigaana tagaa oshkii majitwaad, gwewigk jiinabasindt jiiwiijiiwindt anishinabe muzinichigek ogiimozhiitonawaa nawaaj monianaang wiijiigazwaagk. Memindage, jiigikinawind, jii’anokiiwaad anishinabe muzinechiganugk, ga oshkii ozhitwaad, jiiwiijiindaa wasaa agwajewii, minosegin nawaaj abajichiganaan, chii majitwaad ge wiinah, gwewigk chiminoo gikendiwaang jiwiijiitwaang kidiweninan-tagwaa gadazhijigadek kinaagegoo.
Ogiinisidenanwaa kegoo gawiin gwewigk giizhichigesiiwaagk CRTC, gawiisokadiiwaad ogii mikwendanawaa giinoondenamoogazwaad giiwedinoong anishinabegk tagaa nisimidanaa daswake apii iskwaaj gagii zhoonia wiijiwendt akina monianaang eta gii’izhaa. Gii nandwenimanan zhoonia nadwendagoze- ginensh chii izhisedt, apiiche wiin pungii eta ishkonigazotd, oda’mangitonawa odakiiyong chidibendamwaad. Ikidwaagk manoo wiinawaa chibimendang majiigitoodt CRTC niibwaa dawiijiwe zhoonia odinindt. Tagaa ikidwaagk anishinabe muzinebijiganagk odadibendanaw wiinawaa ga oshkii ikidwiininig adoopwining.
Baangii eta zhoonia miindim tagaa ginensh chiibiiwyoong, anindt ikidwaagk giigidobiwabikonce eta chii ozhiibiigadek aniin chii izhe wendaagk. Gii nondanamagominmin ge onakonigaan eta agojewii ondiziwaagk gawiin anishinabe tagonigazosii.
Gawiisokadiiwaad giiwabadanawa CRTC jiiwiijiitwaad nawaaj giiyabe odakiiyong, chiminoo wiidanokiidiwaad anishinabe muzinichigek tagaa oshkii izhichigwen, tagaa chizongitwaad muzinichigaan igamigoon wene gwewigk anishinabe onji.
Nawaaj gi’nawaaj, gagii izhwad ikidwaagk CRTC chimazinegiiwaad anishinabe tagaa ga’onakonigiiwaad tagaa odaanokiig gikendasowin chii’zhwaad getchina. Gawiisokadiiwaad inendamwaagk anishinabegk chii’madobiiwaadt tagaa anokiiwad CRTC chibagikitagwaang tagoo akina ganiiganniiyajimong naandwejigade. Inendamwaagk nawaaj jiminosek, mizhigwaa CRTC gwewigk akina chiminosek anishinabegk onji tagaa odakiiyong.
Gawiisokadiiwaad gii onashwewaag anishinabegk muzinichigek anakonigewin chii mino wiidokazowaadt tagaa chi dagwanigazwaad akina anishinabegk. Wene gwewigk akina anishinabe odikidowin. Niibwaa giiwiijiya CRTC onakwadtood niigaan wiijiwendt anishinabe taga nitaa nagamwaad. Gawiisokadiiwaad giikendaswaad-ogikendanawaa kiiozhibiiigadegk Debwewin tagaa chii’anjii’nagishkwadaadiiwaang wene izhe ga’onishinwaad ikwewaag tagaa ga’nisindaa, oshkii’ikwezensugk ozhitwaad onakoonigewin.
Gawiisokadiiwaad ogiidazhindanawaa niibwaa gemma inendamwaagk, CRTC ga bimichigadegk-oshkii ozhichigade anishinabe onje. Muzinichigek onakoonigewin. Gagichii’Onakwonegek gagii wiisokadiwaad akina giiozhibiigadiiwaan, iishpin.