Zhiwe owi Gaashpinajigejig Ginowenjigaaziwaad Zhichige Inaakinigewin, owi Anookiiwin nakiiwog awii naadmaagewaad miinwaa gagaandinaa-aad Canadians owi bimiikamowaad owi Waasamo-asabi biindigewesingh, bemiwijigaadeg giigido biiwaabikoons, e’skaabiiginigaadeg giigido biiwaabikoons, miinwaa masinaatesijigan (maamowin newen, wiindamaagewinan) zhichigewin maagwejig.
Owi Anookiiwin megwaa tenoon niiwin gaashpinajigejig gindaasowinan awii naadmaagemigag zhinomaagewin newen wiijigaabitaadiwinan biitwi maagwejig newen wiindamaagewin zhichigewinan miinwaa ado giishpinajigejig. Ninda gindaasowinan dowendaagidon newen e’skaabiiginigaadeg giigido biiwaabik nikaaziwinan (owi Zhoonyaa Taasijigaadeg miinwaa Gidiscaabiiginigaadeg Gindaasowin), iskaabiiginigaadesing giigido biiwaak zhichigewin (owi Iskaabiiginigaadesinag Gindaasowin), mazinaatesijigan zhichigewinan, dibishko gonaa mazinaatesjiganeyaab zhichigewin (owi Mazinaatesijigan Zhichigewin Maagwed Gindaasowin), miinwaa Waasamo-Asabi Mazina-igan zhichigewinan (owi Waasamo-asabi Mazina-igan) [maamowi newen Gindaasowinan]. Owi Anookiiwin onji Baataawewin onji Giigido Biiwaabikoon-mazinaatesingh Zhichigewinan Inc. (CCTS) bimiikaan miinwaa nikaazanan newen Gindaasowinan awii naadmaagemigag gaashpinajigejig baataawewinan.
Newen Gindaasowinan naadmaagemigad nigaasijigaadeg Canadians onji debinamiwaad geskina miinwaa dinenjigaadesinag ombishkaag nigo-giizis mazinigewinan, age ezhinikaadeg mazinigewin ishkonweziwin, miinwaa woshme wenipanad gewe gaashpinaajigejig awii nisastamiwaad ado inaabijikaaziwin gwayakondiwinan miinwaa meshkosidoongh maagwejig. Owi Anookiiwin ado naaagizowaabmjigan agii waabmdowemigad newen Gindaasowinan agii miigwemigad owi woshme nishingh gaashpinajigejig izhiwebiziwin gewe inaabijikaazowin maagwejig. Dash wiigwa, zaam newen Gindaasowinan agii zhisijigaadenon nowonj apii miinwaa zhiwe nowonj bkaan ezhiwebak, newen gaashpinajiged ginowenjigewin gaawii naasaab aawizinon aazhawi wiindamaagewin zhichigewinan, aanowi gwa niibna Canadians giishpinadonaa-aa zhichigewinan aawongh maamwisingh. Maanda adaa gwiiniwinendaagwod gewe gaashpinajigejig miinwaa bimiikigaadeg zinagag gewe zhichigewin maagwejig miinwaa owi CCTS awii biminizhimowaad.
Zhiwe maanda inaakinigewin, owi Anookiiwin ginowaabmdaan awii ozhitowaad owi gaashpinajigejig ginowenjigewin newen wiindamaagewin zhichigewinan woshme mazhishiwong miinwaa woshme naasaab ayaawong owi maandosijigaadeg newen owi maamowisingh Gindaasowin (owi Gaashpinajigejig Ginowenjigaaziwaad Gindaasowin), epiichi naazhinigaadeg bimiikigaadeg zinagag. Owi digosingh maanda inaakinigewin, owi Anookiiwin ada ayaanaan owi bemaadizijig bazindaajigewin odi Gatineau, Quebec, maajitaamigag 30 Baashkaakodin-giizis 2026.
Awii zhinomaagaaziwaad misendamajig bemaadizijig awii miigwewaad dinendamowiniwaan, owi Anookiiwin agii digosidoon owi Gaashpinajigejig Ginowenjigewin Gindaasowin Enkiitaagaadeg Mazinigan zhiwe Aankesijigan 1 zhiwe maanda wiindamaagewin. Owi nendamam awii miigwengh owi gnimaa gikonowaabnjigan onji owi maamowisingh Gindaasowin miinwaa awii maajiishkaachigaadeg dibaajimowin miinwaa dazhinjigewin. Owi moshkin naabidesingh gagwedwewinan adaa makigaadenon zhiwe Aankesijigan 2 zhiwe maanda wiindamaagewin. Giikendamowin owi nikiiwaa awii wiijii-eyin zhinda manda inaakinigewin maage miigwewin ezhi waabmjigeyin zhiwe owi CRTC Dinaangidoniwinan waasamo-asabi biiwaabik wiidokaaziwin temigag makigaadeg zhiwe owi “Wegonesh nendowendaagwog aawii gikendaman awii wiijiyaayin zhiwe maanda inaakinigewin” bakebiigan maandaa wiindamaagewin.
Ishpendaagwog gikendamowin onji maanda wiindamaagewin temigad owi Mazininigaadeg Kidiwinan (ASL) miinwaa Langue des signes québécoise (LSQ) zhiwe owi Anookiiwin ado waasamo-asabi mazinaatesingh. Owi Anookiiwin ada daapinaanon mazinaatesingh nanaaginiwinan owi ASL miinwaa LSQ onji maanda inaakninigewin.
Owi maandobiigan maanda gagwedwewin temigad zhiwe newen eni zhibiigaadeg iniwewinan: Anishinaabemowin (Eastern miinwaa Western Ojibwemowin), Dëne Sųłıné (Chipewyan), Innu-Aimun (Innu), Michif, Mikmaq (Mi’kmawi’simk), Plains Cree (paskwâwinîmowin), miinwaa Qikiqtaaluk nigiani (South Baffin Inuktitut). Misendamajig bemaadizijig ada age miigwenaa-aan nanaaginiwinan zhinda ninda iniwewinan.