Shawpou sa Atawayw Natamoushtawkaywina Nakishkawnouwawn aen Plawn, Nookoushistamawkayw atoushkayw chiweechistawhk natamoushtawkaywin pi aen zhawn’d Kenadaw chi-shouhkahtwaw sa natakouhkawtaywina avek Internet, pat li wawyur foonn, weekiwahk li foonn, pi li tv (mamouwiyaw, kishkayhtamouhiwaywina) awpachischikan pimouhtatamawkaywak.
Nookoushistamawkayw maykwawt ayow kaet atawayw kwayashkwawtishiwin kistayihchikawtaywina chiweechistawhk kishkinoustahiwaywin wawkoostouwin awnter nakatouhkaywak di kishkayhtamouhiwaywina pamihiwaywina pi see awpachischikaywak. Oohin kistayihchikawtaywina ihkatayistakwanwa ishi weekiwahk li foonn pamihiwaywina (ooma Tipahamouwin pi Awpihkounamouwawn Kistayihchikawtaywin), pat li wawyur foonn pamihiwaywina (ooma Pat li wawyur Kistayihchikawtaywin), li tv pamihiwaywina, tapishkoot kawbl pamihiwaywina (ooma Li tv Awpachischikan Kistayihchikawtaywin), pi Internet pamihiwaywina (ooma Internet Kistayihchikawtaywin) [mamouwiyaw, Kistayihchikawtaywina]. Nookoushistamawkayw poor Atawaymihtamoowina poor Telecom-li tv Pamihiwaywina Inc. (CCTS) paminam pi awpachistow Kistayihchikawtaywina chiweechistawhk nakatouhkawtamouwin awpachischikayw atawaymihtamoowina.
Oohin Kistayihchikawtaywina weechistow chi-nakina aen zhawn’d Kenadaw ouschi shishikwau pi namou ihtakatayistawkan yahkikihchikaywin daw see li mwawn di tipahikaywina, meena ayshinihkawtaywa shishikoutayistamouwin, pi si tezee poor awpachischikaywak chi-nishitoustahkik sa awpachischikan nagrimawn pi maenskootonayw pimouhtatamawkaywak. Nookoushistamawkayw sa pishkayishchikaywin kee-wawpaschikawtayw aykwawnima Kistayihchikawtaywina kee-weechistow ishi zaenproovmawn atawayw kishkayistamouwina avek awpachischikan pimouhtatamawkaywak. Mawka, akouz Kistayihchikawtaywina kee-ashtaniwan papeetoushi ishpee pi jeufrawn ishchikataywin, oohin atawayw natamoushtawkaywina namou kee-ahkamay lout bor kishkayhtamouhiwaywina pamihiwaywina, awta meena mischayt aen zhawn’d Kenadaw atawaywak lee bwachinn pamihiwaywina. Ooma chikee wawnayistakwan poor awpachischikaywak pi kakwakihtayw poor awpachischikan pimouhtatamawkaywak chi-pimpayistawt pi poor CCTS chi-pamina.
Didawn ooma yahkouhtaywin, Nookoushistamawkayw natounem chi-itouchikaymakahk ishi atawayw natamoushtawkaywina poor kishkayhtamouhiwaywina pamihiwaywina klayr pi ayiwawk ahkamay ishi mamawipayiwin Kistayihchikawtaywin (ooma Atawayw Natamoushtawkaywin Kistayihchikawtaywin), maykwawt awchiwinamouwin akwakakihtaywin. Ishi pahkis ooma yahkoutaywin, Nookoushistamawkayw chi-michiminam nasawnble didawn Gatineau, Quebec, mawchistawn ishpee 30 Li mwaw'd Nevawnb 2026.
Chi-kishkinoustahiwayw li moond kaw-akawawta chi-ichaha see pakitayimouwina, Nookoushistamawkayw kee-kaykinam Atawayw Natamoushtawkaywin Kistayihchikawtaywin Atoushkayw Li Dokumawn didawn Kishkinawapachihchikaywin 1 ooma weestamakaywin. Itayimouwawn chi-maenkihk si possib kishkinowawpamakan poor wayinikaywin Kistayihchikawtaywin pi chi-shipwayham mamishkoostamouwin pi peekishkwawtamouwin. Pooyounawniwun en list di kesyoon chikee mishkamouwawn didawn Kishkinawapachihchikaywin 2 ooma weestamakaywin. Kishkayistamihiwaywin tawnsheeshi chi-takowawn didawn ooma yahkouhtaywin keema chi-ichahamin li veu shawpou oom CRTC Peekishkwawtamouwina daw li computer mamawouhkamakaywin taytahoukanihk mishkikawtayw didawn ooma “Kaykwuy chi-kishkayistamin chitakoowawn ooma yahkouhtaywin” seksyoon ouschi ooma weehstamakaywin.
Kischee kishkayistamihiwaywin ouschi ooma weehstamakaywin ihtakwan ishi A la maen lawngaezh ASL) pi Langue des signes québécoise (LSQ) itay Nookoushistamawkayw sa achimoushtawkaywin daw li computer. Nookoushistamawkayw chi-outinam en video mamishkoochikaywina ishi ASL pi LSQ poor ooma yahkouhtaywin.
Kochiwahpatahiwaywin ooma weehstamakaywin ouschi mow-ashouhoutouk ihtawan oohin li lawngaezh: Anishinaabemowin (Daw Est pi Daw li West Ojibway), Dëne Sųłıné (Chipewyan), Innu-Aimun (Innu), En Michif, Mikmaq (Mi’kmawi’simk), Li Promyee Nawsyoon (paskwâwinîmowin), pi Qikiqtaaluk nigiani (Daw li Sud Baffin Inuktitut). Li moond kaw-akawatahkik chikee ichaham mamishkoochikaywina didawn oohin li lawngaezh.