T’anidhënsı korı̨nı – Ëła-asıë hodle ërıtł’ıs Nıhot’ınë Honı Nı̨t’a Ërıtł’ıs Bëgharı

CRTC ërıtł’ıs Nıhot’ınë Honı Nı̨t’a Ërıtł’ıs Bëgharı nënët’ı̨ tsątsanë bënı hųlı̨ chú t’ahı nısı (bëyorëtth’ą chú t’ahı losı bënusnët’ı̨́) honı̨ nı̨t’ası Canada k’ëyaghë bëts’ëdı há t’ahı hodlesı, Nıhot’ınë asıë bası dënë yëk’ëdolyą há yuła hëł honı̨ nı̨t’a ts’ı̨ asıë k’ëyaghë.

CRTC Nıhot’ınë chu Nıhot’ınë dënë hılë Canada hots’ı̨ bëł há asıë hodle dé, kolú Nıhot’ınë ëyı bëts’ën yatı bëł há.  CRTC ëdırı yëkënëta ëła-hodle ërıtł’ıs bëgharı Nıhot’ınë t’ahı dorëłtth’ası, dayënëłı̨ hëł, honı nı̨t’a bası dënë ëghëlanası, ëyı chú asıë holde dënë. CRTC dąt’ı hodlesı Nıhot’ıınë bëł tarëlyų k’ë.

Ëdırı k’arëɁų ërıtł’ıs t’ahodısı dëtł’ısı ëyı chú orëlkır hadé́ t’ąhı dënë hëł ëghëlanası horëlkır há. Tarëlyų ërıtł’ıs dëtłısı ëyı chú t’ahı dëtł’ısı orëlkır bası, ëdırı Honı Nı̨t’a Bası Dënë Hëł Yałtı Ëts’ënı CRTC 2024-67 ts’ën yaghułtı.

Ëdırı ërıtł’ıs k’ëyaghë t’ahı yatı t’orëɁası dëtł’ıs: Plains Cree (Paskwâwinîmowin); South Baffin Inuktitut (Qikiqtaaluk nigiani); Ojibway (Anishinaabemowin); Denesuline (Dëne Sųłıné); Montagnais (Innu-Aimun); Mikmaq (Mi'kmawi'simk); ëyı chú Michif.

T’ahi Bëghą

2010-2020 (Įłaghë tthë Hodle) ı̨́ghą Nıhot’ınë hëł yaghı̨tı honı̨ nı̨t’a bası ëyı chú asıë holde dënë hëtıë yënırı̨nı há ëyı chú t’ahı asıë bëghą yatı há ërıtł’ıs dëtł’ısı nënët’ı̨ dé. T’ahı hëtıë bëghą dëtł’ısı dënë bëgharınısı ëją nët’ı̨ há hųlı̨ “Nën Ëdląt’ı Dınısı” ërıtł’ıs dëtł’ıs bëgharı: CRTC Įghą Dënë Hëł Yatı Asıë nųt’ą.

Hah 2024-03-22 k’ë CRTC hayorı̨la dënë hëł yatı nųt’ą (Iłaghë K’ënı Hodle) ëdırı yatı nı̨ɂą Honı Nı̨t’a Bası Dënë Hëł Yałtı Ëts’ënı CRTC 2024-67 ts’ën yaghułtı t’ąhı yatı nı̨Ɂa horëlı̨sı ëła-asıë hodle bası Nıhot’ınë Honı Nı̨t’a Ërıtł’ıs Bëgharı.

Nëba hoɁą 2024-07-22 t’anıdhënsı danıłchudh há.

T’arı̨nısı ëyı bëgharı dąt’u halye hası ëdırı ëła-asıë Nıhot’ınë Honı Nı̨t’a Ërıtł’ıs Bëgharı bası.  Hëtıë Nıhot’ınë dënë bëba nųt’a há t’ahı orëlkır nısı bëghą yatı há ëyı chú bëł há ëła-asıë hodle ërıtł’ıs bası, ëdırı dąt’u hodlesı holą́ dënë dorëlkır hëł t’ahı hotthë bëghą yaghı̨tı tth’ı bëgharı há.

Hayorı̨la honı nı̨t’a bëk’ënı, CRTC t’atthë honı ghą holnı́ há t’ahodınısı (Taghë Hodle) Nıhot’ınë bëł nısı bëba nųt’a ëłų asodı hadé ërıtł’ıs dëtł’ısı bası.

Ëłų honı horı̨lı̨ dé ëdırı dąt’u halyesı bası, Nı̨t’a Bası Dënë Hëł Yałtı Ëts’ënı 2019-217 ts’ën nųłı̨.

Asıë K’ats’ëdı t’ahı horët’ı̨ chú nënët’ı̨

T’ąhı attthë bëł yaghı̨tınısı ëdırı t’adı, asıë nųt’a Nıhot’ınë hayorı̨la nënë bası walé t’ahı asıë horët’ı̨sı, t’ąhı asıë hënırı̨nısı, honı̨ nı̨t’a bųła horët’ı̨ bası, ëyı chú dąt’ı̨ asıë hayorı̨la hots’ı̨ dënë bëba ëłtth’ısı bënırëdı bası bëł.

Orëlkır Įłaghë. Nıhot’ınë asıë hodlé nëba horëná husą (bëyorëtth’ą, t’ahı losı bënusnët’ı̨́ chú/ëdırı huto tsątsanë bënı hųłı̨ k’ë honı̨ nı̨t’a, shën hëł, t’ahı losı bënusnët’ı̨́ bëł, asıë danë’tı dalı̨, honı̨ tł’ısë, bıt’ası dahųt’ësı, tsątsanë bënı hųlı k’ë yałtı, ëyı chú hayorı̨la ts’ı̨ honı)?

  1. Ëlątı bët’orëdhı há walı nıdhën ëdırı asıë bası?

Orëlkır Nake.  Asıë nųt’ąsı ëyı chú t’ahı asıë hodlesı bëk’ësorëdlı/hëtıë ëłtth’ı chú/ëdırı huto nëts’ı̨ hayorı̨la bası husą? Honı̨ nı̨Ɂa Nıhot’ınë chú Nıhot’ınë dënë hılë honı̨ nı̨t’a dënë bëbası (ëdırı k’ësı., honı̨ nı̨t’a ts’ı̨). 

  1. Ëdląt’u asıë hodlesı Nıhot’ınë dënë bası walı nıdhën?

Orëlkır Taghë. bëyorëtth’ą, t’ahı losı bënusnët’ı̨́ chú tsątsanë bënı hųłı̨ k’ë honı̨ nı̨t’a dënë nëba t’ahı bëghanıtł’ëdhı bëł husą? Honı̨ nı̨Ɂa Nıhot’ınë chú Nıhot’ınë dënë hılë honı̨ nı̨t’a dënë bëbası.

  1. Ëdląt’I nëzų halye walı́ nı̨dhën honı̨ nı̨t’a bası dąt’u t’ahı horı̨lı̨ chú t’ahı bëghanıtł’ëdh bası? T’ahodı Nuhëł Korını.
  2. Asıë nųt’ąsı ëyı chú t’ahı asıë hodlesı bëk’ësorëdlı/hëtıë ëłtth’ı chú/ëdırı huto nëts’ı̨ hayorı̨la bası husą?
  3. Ëdląt’u asıë hodlesı dënë bası walı nıdhën?
  4. Edląt’u asıë hodlesı nëts’ën halyé (ts’ëjı-k’ëyaghë, tsądarı nąlt’ı, nëkoę̈-ts’ën, [Yadaghë narëdhá hots’ı̨], ëyır huto tsątsanë bënı hulı̨ k’ë)?

Orëlkır Dı̨ghı̨. Asıë holde dënë nëlı̨ dé ëyı huto honı̨ nı̨t’a dënë huto, yatı nı̨Ɂa dąt’u dënë ëła ëghëdalanası Nıhot’ınë asıë hodle ts’ënı há:

  1. Ëła ëghëdalanası ëdląt’ı Nıhot’ınë chú/ëdırı Nıhot’ınë-hılë honı̨ nı̨t’a dënë/asıë holde dënë ëdlą́t’u há nıdhën? Honį nı̨Ɂa dąt’ı bëk’ësı hodle nıdhënsı t’ahı ëła ëghëdalanası bası.
  2. Ëdląt’ı asıë nųt’ą walı́ boghëdı hëł Nıhot’ınë asıë hodle dënë yët’orëla há bëts’ı̨ asıë honı̨ bëyorëtth’ą, t’ahı losı bënusnët’ı̨́, ëyı huto tsątsanë bënı hųlı̨ k’ë bot’ı̨ há?  T’ahi dąt’u hodle nënët’ı̨ hëł bët’orëdhı há nı̨dhënsı yatı nı̨Ɂa.

Nıhot’ınë Yatı chú Ch’anıë Nëghëłna

Įłaghë Hodle t’ahı bëł nısı ëdırı bëdagharı honı̨ nı̨t’a Nıhot’ınë yatı ttherë hułta yatı nıghılna há, bëk’onı hëł, ëyı chú Nıhot’ınë bası ëdınë yëts’ën k’olde há. T’ahı bëł nısı asıë yëghą nanedé dënë ch’anıë hulë hanesı hųtł’ëdhë bëyorëtth’ą chú t’ahı losı bënusnët’ı̨́ asıë Nıhot’ınë bası, dąt’u daghëna chú bëyatı hųtł’ëdhë hųlı̨lë.

Orëlkır Sǫlaghë. Ëdırı t’ahı asıë duhų hųlı̨sı (shën, yatı hutzı, ëyı chú t’ahı losı bënusnët’I asıë t’ahı horįlı̨sı bası nëba nıdhën husą?

  1. Ëdląt’ı nëzų halye há horët’ı̨?

Orëlkır Ëłk’ëtaghë. Ëdląt’u honı̨ nı̨t’a Nıhot’ınë yatı bası dënë hayorı̨la horı̨cha k’ëyaghë ts’ën ëts’ënı Nıhot’ınë yatı nëghëlna bası?

Orëlkır Łasdı̨. Honı̨ nı̨t’a bası dënë nëłı̨sı, hayorı̨la-bëgharı asıë hodlesı Nıhot’ınë yatı naghëlnası bası ëyı bëghą k’ǫlyą husa?

  1. Ëyı nahıë honı̨ nı̨t’a bëł husa (bëyorëtth’a/ t’ahı losı bënusnët’ı̨́/tsątsanë bënı hųlı̨ k’ë?
  2. Ëdląt’u Nıhot’ınë Honı̨ Nı̨t’a Ërıtł’ıs Dëtł’ısı Bëgharı ëłu hoɁą́sı Nıhot’ınë honı̨ nı̨Ɂa dënë ts’ënı walı́ yatı chú dënë ch’anıë bëk’ënı há?

Ëdırı dąt’ı hats’ëdı hadé Nıhot’ınë asıë ts’ı̨, hodlı̨sı ëyı chú ëła-boghëdı

T’atthë hodhırnıs CRTC t’adı nısı, Nıhot’ınë shën tahalyesı ëdırı k’ësı hudzı “shën tahalyası ëyı yerı̨tł’ıs huto yët’a ghëjën Canadıan dënë hëlı̨ ëyı chú Nıhot’ınë k’ësı ërultá, ëdırı Nıh Ts’udzë Nënë Hots’ı̨, Tanısë Ts’ën Bëyası, ëdırı huto Inuıt.”

Orëlkır Ëłk’ëdı̨ghı̨. Ëdırı k’ëdaghë dëtł’ısı dëgharı ëłtth’ı nıdhën husa Nıhot’ınë ts’ı̨ shën t’orëɁa dé honı̨ nı̨t’a k’ëyaghë? T’ahodı Nuhëł Korını.

  1. Nahıë yatı t’orëɁa husą dųhų dzınë k’ëyaghë Nıhot’ınë asıë dałtsı dënë bëba ëłtth’ı danı̨dhënsı ëyı chú hanësı hok’ë bët’orëɁa há? T’ahu k’ë dëtł’ısı bëghą korųnı ëyı chú nahıë asıë bëghą t’ahodısı.
  2. Ëdląt’ı ërıtł’ıs dųhų ałdanë dëtł’ıs hųlı̨ nıhot’ınë k’ësorëdlısı t’ahı horëtth’ą ts’ën tth’ú horëtth’a há?

Horëtth’ą-nët’ı̨ k’ëyaghë, CRTC bëgharı “Nıhot’ınë asıë dałtsısı” tthën dënë t’ahı ëdëts’ën-t’ahı dënë hëłı̨ Nıho’tınë, Nıh Ts’udzë Nënë Hots’ı̨, Tanısë Ts’ën Bëyası, ëyı huto Inuıt, ëyı chú Canada k’ëyaghë nadhır, ëyı huto tthënë ëghëlana ts’ën asıë hołąsı ëdırı 51% hanëłt’ë Nıhot’ınë bëł ëdëts’ën-t’ahı dënë hëłı̨ nıdhënıs Nıhot’ınë bası ëyı chú Canada k’ëyaghë nadhır.

Orëlkır Łotą.  Ëdırı k’ëdaghë dëtł’ısı ëłtth’ı̨ nıdhën husą Nıhot’ınë asıë bası?

  1. Ëdırı hëtıë Nıho’tınë horëtth’ą-nët’ı̨ bëł há nıdhën husa honı̨ nı̨t’a k’ëyaghë? T’ahodı Nuhëł Korını.
  2. Ëdląt’ı nahıë dąt’u Nıhot’ınë horëtth’ą-nët’ı̨ asıë bëł walı́ nıdhën?
  3. Ëdląt’ı dënë ëła asıë k’ats’ëdesı koę̈, hųlı̨ huto Nıhot’ınë horëtth’ą-nët’ı̨ bëł há nıdhën? 

Ëdırı Įłaghë Hodle bëgharı t’ahı dënë bëł ghı̨lesı, Nıhot’ınë Honı Nı̨t’a Bası Ëghëlana Dënë asıë hëtıë ënaldhënı ëyı chú asıë hodlésı ëdınë t’anı̨dhënsı bëgharı dezą, tu chó nask’ëdhı hots’ı̨ dënë bëgharı hılë, nak’ë tsąba hułı ghą dayałtı, nıhot’ınë hayorı̨la dąt’u asıë bët’orëdhı ts’ı̨ bası bëghą yatı hılë. 

Orëlkır Honë́na. Ëdląt’ı bëł walı́ nıdhën hëtıë asıë ënaldhı̨ hodlı̨ hulyı há?

  1. Nıhot’ınë Honı Nı̨t’a Bası Ëghëlana Dënë basi asië ënaldhı̨ ëdla hot’ı̨ walı nıdhën?
  2. Ëdırı dëtł’ısı t’ahodı gharı ëładunë asıë hëł halye há ësǫt’ılë husą?

Orëlkır Įłaghë Ch’adhëł. Nıhot’ınë Honı Nı̨t’a Bası Ëghëlana Dënë nëlı̨sı, ëdląt’u asıë hok’ënądhırsı Nıhot’ınë dëyorëłtth’ą/dayënëłı̨ ëyı yaghadanı̨tł’ëdh hanëléɁa?

  1. Ëdląt’u bëghëdı há nëzų bëk’oją há?
  2. Ëdląt’ı bët’a hodle dąt’u hası bëł hanıdhën?
  3. CTRC bëł yaghı̨tı bası, ëdląghë ëts’ënı walı́ nıdhën dąt’u bët’a asıë hodle ëyı chú boghëdı bëk’oją há?

Įłaghë Hodle bëgharı t’ahı dënë bëł ghı̨lesı t’anı̨dhën hadé, t’ahı asıë hodlı̨sı bëlą dé, dënë łą ëła dëłtth’ı hodle há, dąt’u asıë k’ats’ëdısı ërıtł’ıs bëgharı hodle honı nı̨Ɂa dënë dąt’u duhų t’ahuɁası gharı, ëdırı bëł “asıë hodle” t’ahı hëtıë bëk’oją dëtł’ıs hodle há, t’ahu bonı̨dhı k’oją hëł, ëyı chú ënaldhën k’oją há.  Ëdırı ı̨łaghë dąt’u asıë hodlesı ënaldhı̨ k’oją hadé bëghą kohëdı ëłą-boghëdı chú nënt’ı̨ dąt’u halyesı Nıhot’ınë Honı̨ Nı̨t’a Ërıtł’ıs Dëtł’ısı Bëgharı bası.

Orëlkır Naké Ch’adhëł. Ëdląt’u ëłą-boghëdı dąt’ı hats’ëdı k’oją há?

  1. Hanësı ëłą-boghëdı dëtł’ıs há k’olyą husa?

Ëdëts’ën-asıë hodle yeghanı̨tł’ëdh

Iłaghë Hodle t’ahı bëł nısı hadı, t’ahı hëtıë hulta hayorı̨la bëk’oją há t’ahı dorëlı̨ ëdınë-k’olde, ëdëts’ën-asıë hodle yeghanı̨tł’ëdh, ëyı chú t’ahı dałtsı bëch’anıë bëk’onı há.  Asıë boghëdı ëdırı ı̨łaghë t’ayı̨lë honı̨ nı̨t’a ërıtł’ıs dëtł’ıs bëgharı dąt’u asıë hodle ënaldhën k’oją hayorı̨la chú honı̨ nı̨t’a dënë t’ahı yëba ëghëdalanası. 

T'ahı bëł ghı̨le nısı t’adanıdhën hadé ëdırı bëba Nıhot’ınë Honı Nı̨t’a Bası Ëghëlana Dënë ëła nı̨deł há t’ahı ëdınë bëts’ı̨ bası hok’ënade há t’ahuk’ë Canada k’ëyaghë honı nı̨t’a nëdhı hųlı̨sı bëł há, ëyı chú ëłtth’ı nı̨dé Nıhot’ınë dënë honı̨ nı̨t’a ërıtł’ıs dëtł’ıs bëgharı ëdınë dayırıtł’ıs há ëyı chú ëdınë yëdołnı há.

Orëlkır Taghë Ch’adhëł. Ëdląt’u Nıhot’ınë Honı̨ Nı̨t’a Ërıtł’ıs Dëtł’ısı Bëgharı asıë bëba hoɁą hale walı́ asıë boghëdı há Nıhot’ınë dënë bëgharı dąt’u Nıhot’ınë ts’ı̨ honı dëtł’ısı chú honı ëdınë bëbası koj̨ą há?

Orëlkır Dı̨ghı Ch’adhëł. Ëdląt’ı bët’orëdhı walı ëyı chú bët’a horënası ëdırı Nıhot’ınë-bëgharı ëyı chú Nıhot’ınë-yoghëłnı honı nı̨t’a ëła dëłtth’ı nųt’ą dé? 

  1. Ëdląghë walı́ ëdırı asıë hodle há, asıë sele hëł ëyı chú yoghëłnı há?
  2. CRTC bëł hanıdhën husą? ɁĘ̈ dé, dąt’u korını.

Orëlkır Sǫlaghë Ch’adhëł. Ëłų asıë bëghą yatı há hųlı̨ husą Nıhot’ınë honı̨ nı̨t’a ërıtł’ıs dëtł’ısı bëgharı bası?

  1. Ëdląt’u CRTC ëłų hoɁąsı Nıhot’ınë dënë hëł halye há honı̨ nı̨t’a bası?
  2. Ëdląt’u CRTC Nıhot’ınë hayorı̨la ts’ënı walı́ ëdëts’ën-asıë hodle yeghanı̨tł’ëdh hok’ade bası? Dąt’u hası bëghą hulnı̨.
  3. Ëdląt’u nëł walı́ dąt’u halye hası bası?

Ëdląt’u nëł há

Nëł hade, t’anıdhënsı ëdanıłchudh/t’arınısı ëdırı taghë dëtłıs bëgharı: