Tepuatanut ka natutat- takuaitsheun atusseun nete innu-aimun mishtikua

Ne CRTC mekuat ueuashitshitapatamᵘ ne innu-kaimumishtikᵘ-takuaitsheuna tshetshi ne kaimumishtikua nete tshiam tauapaikan kie mak kie katusseutshitapatakan (kaimumishtikᵘ kie mak katshitapatan) ute Canada tshetshi shutshiteishkuatau innua tshetshi mishituapanitakan innu-tipatshimunnu.

Kie ne CRTC uishameu kassinu innua kie kakusseshin kie akanishau tshetshi pushipinan nenu atusseunu ua tutanit, uss ma innu tepuateu. Ne CRTC ui uitshi-atussemau nenu tutak kaimumishtikᵘ-takuaitsheunnu kie ka tshitapatakan nenu ka tshitapatamanit, kie ka natataminit kie nenu ka tutaminit atusseunu tshetshi pimipitanit nikamu, tipatshimun kie kanu. Ne CRTC tshika ushkuitatshishu tshetshi uauitshiat innu nenu tshetshi shakassinutatau.

Ume mashinaikan uauitanu kie uapitiniuanun tshekuan ka uauitakan kie ka kukutshimishunanut ka nitshishkuanit innuat. Ui uapatamekᵘ ne miam e itashtet kie ne nutim kakuetshitshemun, neme tshitapatamukᵘ mashinaikan CRTC 2024-67.

Ne mashinaikan (paskwâwinîmowin), Essimeu-aimun nete kuanutin «(Qikiqtaaluk nigiani), ojibway (Anishinaabemowin), denesuline (Dëne Sųłıné), (Innu-Aimun), en mi’kmaw (Mi’kmawi’simk) et en mishish.

Ua utataikan

2019-2020 (ushkat ka pimutan ne atusseun) Ushkat e ushkuishtak CRTC tshetshi uauitak nenu kaimumishtikᵘ-takuaitsheun kie ka tshitapatan, uitshi-atussemanipan nenu ka tutaminit atusseunu tshetshi uauinanit innua, tshetshi petakutanit tipatshimuna kie pimipitanit nikamun. Ne ka ishi unipanikau aimun kie ka ishi uauitakau anitshenat ka uishamanit neme ka nitshishkatunanut tshetshi tshitapatenau nete Ne mashinaikan « Ne ka issishueik » : Ushkat e ushkuishtak CRTC tshetshi atussanut.

Neme 2024-03-22, ne CRTC nitshishkuepan innu (nishua e takussanut nete atusseun) e uapatiniuet nenu mashinaikanu ka nitshiskuanit ne kaimumishtikᵘ -atusseunnu CRTC 2024-67 tshetshi natutakau kie tshitapatakau nenu kaimumishtikᵘ-takuaitsheun mashinaikanu nete innit.

Nuash neme tshishikᵘ 2024-07-22 tshetshi pitshitinimekᵘ e itenitamekᵘ.

Neme tshe ishi tshiuenimek tshika uitshiueu tshetshi mashinataikan me kaimumishtikᵘ-takuaitsheun. Tshetshi innuat etatu mamitunenimitau kie uauitshiuetau nenu ua tutakan kaimumishtikᵘ-takuaitsheun kie nete ka tshitapatakan, ne atusseun mitshetan kukuetshitshemuna e ashpitishumuatshanut ne ka ishi tshiuenikanikau.

Neme tshi nitshishkatunanut, ne CRTC tshika uapataniueu nenu ka ishi unipanit aimun (Nishtuau e takussanut) nenu innu nete ka tanin tshetshi minat tshetshi uitamen ka ishi pishkataminit nenu kaimumishtikua-takuaitsheun kie ka tshitapatanit.

Ui minun-natussenitamekᵘ ne ka ishi-pimutanut kie neme tatutau ka takussanut, nete tshitapatamun CRTC-2019-217.

E ishi minushkatshet nete e ishi pimutakan kie e ishi mamitunenitan

Ne nitshishkatunanut ne ua ushkuishtak ne CRTC tshetshi pushipiniat innu, ishi uitamupan innuat nenu uinua e ishi minushkakutau, nenu ua apitshitatau, nenu e ishi pukutat kie nishtuapatakau kie e ishi nanakashinit nenu ua petakutakau kie tshikauekataku ukaimumishtikuaua, kie tshe ishi petakutaua nikamun kie tipatshimun.

Kukuetshitshemun 1. Tshinanimiunau a katshitanamek ne tshe ishpish nukianitau innuat nete katshitapatakan (nete kaimumishtikuat, katshitapatakan, katusseutshitapatakan, e uauitanikau nikamun, innuat e uauinatau nete katshitapatak, kanuat, tipatshimuna, tshe ishi-tshishikat, kie nete tshitassiuat) ?

  1. Tshekuan ne tshipatshi tutenau ne e sihis nanakashiniek?

Kukuetshitshemun 2. Ne e ishi nukatanikau kie ne tipatshimun tshitapishinau a nitekie tshishpitenimitshunau a tshil kie mak tshitanussimuauat Mashinatimuekuat anitshenat kaimumishtikua kie anitshenat ka tshitapatakan ka atushestakau ne ishi pishkapatamek tshetshi tshisseltakau. 

  1. Tan tshipa tshi ishi petakutanu kie mak nukatanu tshetshi tshikanakushitau kie minu-petakushit innuat?

Kukuetshitshemun 3. Ne kaimumishtikua, ka tshitapatakan kie nete katusseutshitapatakan katshitaimuat a nenu ua apitshitaiek kie eshitakaukuiekᵘ? Mashinaimuekuat anitshenat ka ishi pishkapatamek anitshenat kaimumishtikua innit kie kakusseshit.

  1. Tshekuan tshipatshi tutanu tshetshi katshitaukuiek ne kaimumishtikᵘ kei katshitapatan ua ishi pimipitat? Minu-uitamunan.
  2. Ne e ishi nukatanikau kie ne tipatshimun tshitapishinau a nitekie tshishpitenimitshunau a tshil kie mak tshitanussimuauat?
  3. Tan tshipa tshi etatu minu-katshitaukunau kie mitunetanu?
  4. Tan e ishi katshitinimek ne tshe ishi nukutanikau kie pimutanikau (nete katshitapatan, katusseutshitapana)?

Kukuetshitshemun 4. E tutamuautshe atusseun tan tshipatshi ishi uitshi-atussemakunau kie mak shutshiteieshkakunau :

  1. Tan tshipatsih ishinakushut tshuitshi-atussemanau anitshenat katusseutshitapatakan kie katshitapatan ? Utamunan miam mate tshekuan.
  2. Tshekuan tshipa tshi tutenau tshetshi uitshitat tshetshi innu-aiminanut kie mak innu-itashtanut kie mak nete katusseu-tshitapatakan ? Uitamunan miam mate tshekuan?

Tshetshi inniuimukutan innu-aimun mak innu aitun

Anitshenat ka tat anite ushkat e tshitshipinanut, uitanipan ne kaimumishtikua kie ne katshitapatanit takut tshi innu-aiminanut tshetshi inniuimukutan innu-aimun mui kunenutakan kie tshetshi nukutan tshitipenitamunu. Uitamupan anite katat e ushtuenimikutau nenu tshet unitat innu-aitun ushamᵘ apu ishpish uauitakan kie petakutakan nete kaimumishtikuan kie katshitapatan tshetshi tshikanakutan innu-aitun kie innu-aimun.

Kukuetshitshemun 5. Ne e natshishtakan ne ua ishi petakutan kie nukutan (nikamuna, innu-aimun kie innu-aitun kanu) tshitakaukunau a kie tshiminishkakunau a?

  1. Tshekuan tshipa tshi tutanu tshetshi etatu minutakan?

Kukuetshitshemun 6. Tan ne e ishis uitshiuet tshetshi inniuimikuet e mishituepanitakan e petakutanikau innu-aimunna?

Kukuetshitshemun 7. E petakutein kaimiumishtikᵘ kie mak e nukatein, tshipisseniten a e tutakan atusseun tshetshi kunenitakan innu-aimun ?

  1. Nema e ushkuishtakan katshitaitshemikuen a (kaimumishtikuat/katshitapatan/katusseutshitapatakan) ?
  2. Tan ne takuaitsheu-kaimumishtikua tshipatshi ishi uitshiueu tshetshi petakutan innu-aimun anitshenat kaimumishtikua kie ka tshitapatan tshetshi kunenitan innu-aimun kie innu-aitun?

E uauitakan innu-tipatshimun, innu-aitun kie tshetshi pukutanut

Utat ka ishi utinik aimunnu-CRTC, neni innu-nikamuna ishi uitanipan mian «ne ka mashinataik kie mak ne ka nikamuat ute utshipanu Canada kie ishi uinitshishu miam innu, ekuet anite e uinanit innuat, mashinuat kie Essimeuat ».

Kukuetshitshemun 8. Ume tshe ishi uitan tshika tshi uemuet takunikau innu-nikamun anite innuat anite katusseutshitapatakan ? Minu-uitamunan.

  1. Takun a shash e ishi uitakan anutshish shash e apitshitatau anitshenat kaumumishtikua kie katshitapatan shash e tshi ashpitishimuatshanut tshe ishi pimet ? Tshipa tshia minu-uitenau kie anite e utshipanitau.
  2. Tan e ishi nakuat ne takuaitsheun tshipa tshi apitshitanun tshetshi uemut ishpitenitakan ne innu e ishi minishkakuat?

Nete katshitapatan, ne CRTC ishi uineu «ka tutuat kanu» «ne ka mashinataik kie ka tutuat kanu, ute utshipanu Canada, kie ekuet ute e apit, kie mak tapitshishinu anite katutuat kanu kie mak tipenitamᵘ 51% nenu mashinaitshueutshaupinu kie ishi uinitshishu miam innu, ekuet anite e uinanit innuat, mashinuat kie Essimeuat».

Kukuetshitshemun 9. Na ishtamit kuitanua minu-uitanu a kie tapitin a anite innit?

  1. Tshika ui tshiueu a tshetshi takut nete innuat e uauinanit anite katshitapatan Minu-uitamunan.
  2. Tan ne minat ait tshipatshi ishi-uitanu nete innu-katshitapatan kie mak ne kanu ka tutuat ?
  3. Tshekᵘ mashinaitshuetshuap, issishuetau, tshipatshi pitshitinamᵘ tshe ishinikatenit kie tshe ishi atusseshtanit? 

Anitshenat nete kata ne tshetshi minupanikau kaimumishtikua kie nenu ua ishi pimitatau uinuau e ishi minushkakuat tshika ui pimipanitauat mauat ui kakusseshinit kie mak akanishau e ishi pimutenin, nete kie shuniat uinua e tshitapatakau mat kat nete tshe ishi katshitaitshimikunit nete innu-assit.

Kukuetshitshemun 10. Tshekuan tshipa ashpitishimuatshanun tshetshi issishuanut pukutanun ?

  1. Tan ishinakunin e minupanin kaimumishtikᵘ kie mak katshitapatan ?
  2. Ne e ishi uitakan tshipa ui ishi tshitapatanu a

Kukuetshitshemun 11. Ne innu-kaimumishtikᵘ, tan ne e tutamek tshetshi uemuat nashamek ne ka naushunamekᵘ tshe ishi pimipitaiek nikamun, tipatshimuna ne innuat ua ishi petakau kie nenu ua apitshitatau?

  1. Tan e ishi tipaimekᵘ ne ?
  2. Tan e ishi tshitapatamek tshi utitinimek kie tan e ishi naushunimek?
  3. E uitshi-atussemeiek ne CRTC, auen nenu tshipa tshi uitamᵘ tshi minupanikue?

Anitshenat anite ka tat nenu ushkat ka tshitshipinanunit atusseun uitamupan nuash neme mashten, tshetshi taku mashinaitsheutshuap tshe tipapaikaik nenu tshi minupanikue kie mak nashanakue mak umenu mekuat tan e ishinakunit kaimumishtikua kie katshitapatan kie tshekuanu «tshe tutakau » kie tan tshe ishpish utatinikau Ne peikᵘ tshetshi shutshiteieshkuanit tshetshi nashatshetau nenu atusseunu ua tutanit tshetshi nakutuenimanit kie tipapekuanit neme ua tutanikau kaimumishtikua-takuaitsheun.

Kukuetshitshemun 12. Tan ne tshe ishi nakutuanitan?

  1. Tshinishtuapatena a shash nakutuenitsheun?

Tipenitamun

Anitshenat ka tat ka tshitshipinanunit atusseunu uitamupan a apitinit tshetshie nishtuapatan tipenitamun anite innu-assit, kie nenu e atusseshtakau tshetshi kunenitakau innu-aitunnu. Ne e nashan e ishpishipan peikᵘ ne innu-kaimumishtikᵘ-takuaitsheun ekuen tshi minupan kie tshe utinikan atusseun anitshenat innu-assia kie nenu ka atusseshtuat.

Ka ishi pitshitinimitau anitshenat ka tat ka tshitshipinanut autsseusseu aimun e apitit kaimumishtukua takut tshetshi mamuitshishutau tshetshi tshishpauatitshishutau kie uitakau tshekuanu ua apitshitatau ute Canada kie tshetshi uitakan anite kaimu-mishtikᵘ takuaitshuen.

Kukuetshitshemun 13. Tan ne kaimumishtikua-takuaitsheun kie ka tshitapatan tshipatshi nashuanut kie nakutuenimanut tshi ishpish petakuianukuen kie mak nukianikuen innuat kie utipatshimunua?

Kukuetshitshemun 14. Tshekuan tsha kaniupinu kie tan tshepa ishi nikanishinanun tutakan kaimumishtikᵘ-mamuitun innuat e tshimitat kie e takuaimatet ?

  1. Auen nu tshipa minishiu tshetshi tshimitat, iatinakᵘ kie takuiatshet nenu mamuitunnu?
  2. Tshipa ui pushipinu a nete CRTC? Eshe, uitamunan tan tshipa tutanu

Kukuetshitshemun 15. Takun a tshekuan ua kukuetshimiek kie mak e mamitunenimikuiek e uauitan ne kaimumishtikᵘ-takueitshuen innuat e katshitaukuet ?

  1. Tan tshepa tshi tutamᵘ ne CRTC tshetshi pushipinan innu nenu ua petakuiat kie mak ua nukiat?
  2. Tan tshipa tutamᵘ ne CRTC tshetshi uauitshiat ui tipenimitshishunit innu? Minu-uitamunanᵘ
  3. Tan tshipa ishi pushipinau tshetshi mishkan tshe ishi ueuetinikan ?

Tan tshipa ishi pushipinanun?

Minan, tshiuetishimunan ka ishi tshiuenimek kie e ishi pashkapitamek nete peikᵘ e nishtit ?