Tshuishamukunau tshetshi nakutapatshiek-Ueueshitshitapatakanipan ne takapitshenikan tshishikuet ka pimipan takueikan

Kutunnu-ashu nishuasht 21 juillet 2023 tshetshi pitshitinimek ne tshekuan ka pishkapatamek tshetshi minutakan ne takapitshenikan tshishikuet ka pimipan.

E uauitakan

Takun mashinaikan e uauitakanit auenitshen ne ka ishi-kukuetshiminanut ne ka ishi katshitaukuet ne innu-assia kie itashteu: Eyou-aimun,inuktitut, ojibwé, denesuline,innu, mi’kmaq mak michif, akanishau-itashteu kie mishtikushiu-itashteu.

Tshekuan ua utataikan

Ne Aimu-mishtikᵘ-takeuikan mak nete ka u pimipinit aimunna (CRTC) shutshiteieshkamᵘ tshetshi tapishinit katusseutshitapatakan kie tshetshi tshishipininit nenu takapitshenikanu nete katak ka takut utanasse kie innu-assi Ne (CRTC) Aimu-mishtikᵘ-takeuikan mak nete ka u pimipinit aimunna ui tshissenitamᵘ tan tshetshi etatu minutat takapitshenikan tshishikuet ka pimipan

E uauitakan takapitshenikan tshishikuet ka pimipan

(CRTC) Aimu-mishtikᵘ-takeuikan mak nete ka u pimipinit aimunna peikushinu uitataimunnu, tshetshi kassinu mitshuapa ute Canada kunenitakau ka tapishimitshishunanut 50 (Md/s) nitamit mak 10 (Md/s) mamit. Ui takapitshenitakanu nete e tshi aimitunanut eka e apitishit tenepuan-iapi nete mitshuapit mak nete meshkanu Tshetshi utataik utatusseun, (CRTC) Aimu-mishtikᵘ-takeuikan mak nete ka u pimipinit aimunna nanituanitameu nenu nete atusseshtiminit tshetshi pitshitinik nete shunianu takapitshenikan tshishikuet ka pimipan.

Anitshenatan ka nanituenitakau tshetshi nanituanitamuet shunianu tshetshi itapatshetatau kie mak shitshishimukutatau nenu ka tapishimitshishunanut Tshipatshi ne tshetshi itapatshetakanit nete innu-assit, nete mitshuapit, nete ka papamutukanit-tenepuan nete innu-assit tshi tapishimitshishunanut kie mak mateutakan kie mak nete meshakanat, kie mak nete ut unakan ka ut tapishimitshishit. (CRTC) Aimu-mishtikᵘ-takeuikan mak nete ka u pimipinit aimunna nikaniteu nenu ka ishi-nanituenitak tshetshi uauitshiaushit kie e ishi-naushunak tan tshe ishi uauitshiuashit nenu nenu atusseun ua tutakan kie katshitinik shunianu.

E ishi-natshishtakan atusseun kie kukuetshitshemuna.

(CRTC) Aimu-mishtikᵘ-takeuikan mak nete ka u pimipinit aimunna mitshet tshekuanu ui mishkutunam nenu tshe ishi tshitapatak kie tshi ishi naushunak atusseun. Ne ka nitshishkuanit innuat takun nete pikass ka ishi-kukuetshimitunanut mak ne tshekuan ua mishkutunikan.

• Tshetshi ashushtakan tshe ishi pitshitinikan shuniau.
• Tshetshi tutakan tan tshe ishi uitshikanit innu-assia
• Tshetshi tshishikashunanut ne e ishi-pimutemikuat nete kassitsheu-assi mak katak ka takut utenasse.
• Tshi uauitshiashinanut tshe shukashinakutakanikau tenapuan-iapi mak utatshishi
• Tshetshi minu-atussemititau anitshenat ka nanituetakau tshetshi ishi-kapitshetakanit mak innu-assia.
• Tshetshi nikanishtakan ne ka papamitukinikan-tenepuan nete unakan ka ut tapishimitshishit.
• Tshetshi ushkuishtanit anitshenat ka nanituenitakau tshetshi natshitatau tan ua ishinakutatau utatusseunuau
• Tshetshi mishkutunikanitau ne ua utitinikan tshek mishkutunikanikau ne e ishi uauitshiaushinanut
• Tshetsi mishkutunikan ne e ishi-naushinikan nete tshe uauitshiushinanut
• Tshetshi tshishikashunanut ne e mishkutunakanikau nete tshemitekau atusseuakan kie ua minutakan ne ka itapatshetakanikau.
• Tshetshi etatu minutakan kie minu-tshitapatakanikau e ishi kushtakanikau ne atusseuakan.

(CRTC) Aimu-mishtikᵘ-takeuikan mak nete ka u pimipinit aimunna tshuishamukuau tshetshi uitamek e itenitamekᵘ Muk ne (CRTC) Aimu-mishtikᵘ-takeuikan mak nete ka u pimipinit aimunna tshipa minuenitamᵘ petuat nenu nete innu-assia ka taninit mak innu-assia tan e ishi-upatakau nenu ua uauitshikanit nete shuiat ne atusseun ua tutakanit nete innu-assia kie tshetshi minu-uitshi-atussemitit ka nanituenitakau kie innu-assia.

(CRTC) Aimu-mishtikᵘ-takeuikan mak nete ka u pimipinit aimunna ui tshissenitamᵘ tan itenitamek ne kukuetshitshemuna, e nanitussenitanat ne innuat ua uauitshikanit nete innu-assia:

Q1. Auen nenu e tshi ishi-uinitshishut?

1. Ne shuniau tshipa ui a ait ishi-tshitapatakaninu anutshenat ka ishikapitshetat nete innu-assit kie mak innuat ka tshitapatakau kie mak nete muk tshiam innu-assit ka tshimitekau a kie mak innuat tipenitakau?
2. Ek tapuetatshishueik, tan ne tshipatshi ishi uinakanut anitshenat innuat e tshitapatakau?

Q2. (CRTC) Aimu-mishtikᵘ-takeuikan mak nete ka u pimipinit aimunna tshipa ui auin uinneu innu-assia e tshi nanutuenimanit?

1. Nu aiat, tan ne tshipatshi ishi-auiatakanu ne innu-assia eka ka tshimitekau,takuniakau nete tshishe-utshimashkuessiu-assit kie mak ka takaukuat nenu atusseuakanu?

Q3. Ne e ishinanituenitakan tshe uauitshishinanut takapitshenikan tshishikuet ka pimipan minushkatsheu a ne?

1. Takun a ne passe tshetshi itshetshishikanikau, kie mak ashushtakanikau kie mak kie mishkutunakanikau tshetshi minu-uauitshikanitau innu-assi.
2. Takunukue tshetshi itshetishikanikau, ashushtakanikau kie mak mishkutunukanikau, uitamukᵘ tan ne aukuen mak tshekuan ma.

Q4. Tshekuan ne tshipa ishi uauitshiueu nete shuniat, pikassiashiun kie mak nete innit, mat ka nete tshetshi etatu minitakan atusseun?

1. Tan ne tshipa tshi ishi tipapaikanu ne atusseun ka tutakanikau?

Q5. Ne shuniau peikuit ne tshitashun a tshipa ui ishi pitshitininu?

1. Tan ne tshipa tshi ishi pitshitinikanu ne shuniau nete tshe uitshiaushinanut anem kie mak ashtaknite?

Q6. Tan ne (CRTC) Aimu-mishtikᵘ-takeuikan mak nete ka u pimipinit aimunna tshipatshi aiamieu kie mak mashinaimueu nenu innu-assi mak nenu ka pitshitinimin nenu takapitsheu-atusseunnu tshetshi tshissenitakau e takut shuniau?

Anitshenat ka nanituenitakau tshipa ui mamuitut nenu ashit innu-assia ka takaukuet atusseunnu. Tshipa ui mashinaimueu innu-assian, tshetshi pitshitunimutau aimunnu takaukutau atusseunnu. Apitinu tshetshi tshissenitakau nenu innu-assi nete a pimipanit takapitshetanit nete takuninit utipenitamunuau. Ne CRTC Aimu-mishtikᵘ-takeuikan mak nete ka u pimipinit aimunna ui tshissenitamᵘ tan e itenitamekᵘ nenu tshe mamuitut innut.

Q7. Tan tshipa ishinakutanu ne mamuitun nete innu-assit?

1. Anitshenat ka kukuetshitshemut tshipa ui apitshitaut nenu aimunnu nete takuninit nete tipenitamun mak ka mashinatautshishunanut (SIDAIT) kie nete kutukat innu-mashinaitsheutshuapit e ishi takaukuat innu mak tan tshipatshi ishi katshitinanut?

Q8. Tan tshipa tutamuat anitshenat ka nanutuenitakau tshetshi uitshiakanitau e tapuetatshishut tshetshi shutshiteishkatshetau?

Q9. Aimu-mishtikᵘ-takeuikan mak nete ka u pimipinit aimunna tshipa ui a tipapaikamᵘ nenu takut tshetshi taku mamuitun?

Tan ne tshipa tshi mashinatautshishunanun

Nuahs 21 juillet 2023 tshikunenitenau tshetshi mashinatautshishuiek ua minutaiek ne takapitshenikan tshishikuat ka pimipanit.

Tshipa tshi pitshitinenau e ishi pishkapatamekᵘ:

• Nete katusseutshitapatakan
• takapitshenimekᵘ 819-994-0218
• E mashinaitsheiek CRTC, Ottawa, Ontario K1A 0N2.

Tan tshipa tshi ishi nanitussenitenau?

Tshipa tshimashinaitshanau nete FLB-BBF@crtc.gc.ca kie mak matuetanau 1-877-249-2782.