ᑐᓴᕈᒪᔪᑦ ᐅᖃᐅᓯᒃᓴᓂᒃ - ᖃᖓᑦᑕᖅᑎᑕᐅᓯᒪᔪᖃᕐᕕᒃ ᐊᑕᕕᖓᓄᑦ ᑮᓇᐅᔭᒃᓴᖓᓄᒃ ᐊᑐᐊᒐᖅ ᕿᒥᕐᕈᐊᖅᑕᐅᓂᖓ

21 ᔪᓚᐃ 2023 ᑭᖑᓕᖅᐹᖅ ᐅᓪᓗ ᑐᓂᓯᔪᓐᓇᖅᑐᓯ ᐅᖃᐅᓯᒃᓴᑦᓯᓐᓂᒃ ᐱᔾᔪᑎᒋᓪᓗᒍ ᐱᐅᓯᕚᓪᓕᕈᓐᓇᕐᓂᖓ ᖃᖓᑦᑕᖅᑎᑕᐅᓯᒪᔪᓕᕆᕕᒃ ᐊᑕᕕᖏᓐᓄ ᐱᓯᒪᔪᑦ ᑮᓇᐅᔭᒃᓴᖓᓂᒃ.

ᓇᐃᓈᖅᓯᒪᔪᑦ

ᓇᐃᓈᖅᓯᒪᔪᖅ ᑐᓴᖅᑎᑕᐅᔪᒪᔪᑦ ᑐᑭᓯᑎᑦᑎᓂᐊᖅᑐᓂᒃ ᑖᒃᑯᐊ ᐊᐅᓪᓗᑎᔭᕗᑦ ᐱᔾᔪᑕᐅᔪᑦ ᐱᓗᐊᖅᑐᒥᒃ ᐊᒃᑐᖅᑕᐅᔪᑦ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᑦ ᐊᑐᐃᓐᓇᐅᔪᑦ ᐅᑯᓂᖓ ᐅᖃᐅᓯᖅᑎᒍᑦ: ᑯᓕᐄ, ᐃᓄᒃᑎᑐᑦ, ᐅᔾᔨᕖᐄ, ᑎᓂᐄᓱᓖᓐ, ᒪᓐᑕᖕᓂᐄ (ᐃᓄ), ᒥᒃᒫᒃ ᐊᒻᒪᓗ ᒥᓯ, ᖃᓪᓗᓈᑎᑐᑦ ᐊᒻᒪᓗ ᐅᐃᕖᖅᑎᑐᑦ.

ᐱᔾᔪᑖ ᑕᒪᑐᒧᖓ ᑐᑭᓯᖃᑎᒌᒍᑎᒋᔪᒪᓪᓗᒍ

ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᐃᑲᔪᖅᑐᑦ ᐱᔪᓐᓇᕐᑎᑦᑎᓪᓗᑎᒃ ᖃᖓᑦᑕᖅᑎᑕᐅᓯᒪᔪᖃᕐᕕᖕᒧᑦ ᐃᑭᐊᕿᕕᖕᓄᑦ ᐊᒻᒪᓗ ᐅᖃᓘᑎᕋᓛᕐᓄᑦ ᐊᔪᖏᓪᓗᑎᒃ ᐃᓄᑭᑦᑐᓂ ᐊᒻᒪᓗ ᐅᖓᓯᒃᑐᓂᒃ ᓄᓇᓕᖕᓂ ᑖᒃᑯᑎᒍᑦ ᖃᖓᑦᑕᖅᑎᑕᐅᓯᒪᔪᓕᕆᓂᕐᒧᑦ ᑮᓇᐅᔭᒃᓴᖅ.  ᐅᑯᐊ ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᑐᓴᕈᒪᔪᑦ ᐃᓕᖕᓂᑦ ᖃᓄᖅ ᐱᐅᓯᕚᓪᓕᕈᓐᓇᕐᒪᖔᑦ ᖃᖓᑦᑕᖅᑎᑕᐅᓯᒪᔪᖃᖅᕕᒃ ᑮᓇᐅᔭᒃᓴᖓ.

ᐱᔾᔪᑎᓕᒃ ᖃᖓᑦᑕᖅᑎᑕᐅᓯᒪᔪᖃᕐᕕᒃ ᐊᑕᕕᖓᓄᑦ ᑮᓇᐅᔭᒃᓴᖅ

ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᐋᕿᒃᓯᓯᒪᔪᑦ ᑕᒪᐃᓐᓄᑦ ᐱᔨᑦᑎᕋᐅᑎᒃᓴᓂᒃ ᑐᑭᓕᐅᕈᑎᒋᓯᒪᔭᑎᒃ, ᐅᑯᐊᓗ ᐋᕿᒃᓯᔪᓐᓇᖅᑐᑦ ᖃᖓᑦᑕᖅᓯᑕᐅᓯᒪᔪᖃᕐᕕᖕᓂ ᐃᑭᐊᕿᕕᖕᓂᒃ ᐊᑐᖅᑕᐅᑎᑦᑎᔪᓐᓇᖅᑐᑦ ᑎᑭᐅᑎᓯᒪᓗᒍ 50 ᒥᒐᐱᑦᔅ ᓴᑭᓐᔅ. ᐊᑐᖅᑕᐅᔪᓐᓇᖅᑐᖅ 10 ᒥᒐᐱᑦᔅ ᓴᑭᓐᔅ ᐊᑐᓂ ᐃᒡᓗᖃᖅᑐᑦ ᑲᓇᑕᒥ. ᐅᓇ ᐃᓚᖃᖅᑐᖅ ᒫᓐᓇᒨᖓᓕᕐᑎᑦᑎᔾᔪᑎᑦ ᐅᖃᓘᑎᕋᓛᕐᓂᒃ ᐊᑐᐃᓐᓇᐅᔪᑦ ᐊᑐᓂ ᐃᒡᓗᖃᖅᑐᓄᑦ ᐊᒻᒪᓗ ᐊᖏᔪᓄᑦ ᐊᖁᑎᓄᑦ. ᐃᑲᔫᑎᓂᐊᕐᓗᓂ ᑎᑭᐅᑎᓇᓱᒃᑕᒥᖕᓄᑦ ᑐᕌᕆᔭᒥᖕᓄᑦ, ᐅᑯᐊ ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᐅᖃᓘᓯᕆᔾᔪᑎᖃᕆᐊᖃᖅᑐᑦ ᐃᑲᔫᑎᓂᐊᖅᑐᓂᒃ ᑐᓂᓯᔪᓐᓇᕐᓗᑎᒃ ᑮᓇᐅᔭᓂᒃ ᖃᖓᑦᑕᖅᑎᑕᐅᓯᒪᔪᖃᕐᕕᒃ ᐊᑦᑕᑎᖓᓄᑦ ᑮᓇᐅᔭᒃᓴᖅ.

ᐱᓇᔪᒃᑐᑦ ᑮᓇᐅᔭᒃᓴᖅᑖᕋᓱᒍᓐᓇᖅᑐᑦ ᓴᓇᔭᐅᔾᔪᑎᒃᓴᖓᓂᒃ ᐅᕝᕙᓘᓐᓃᑦ ᐱᐅᓯᕚᓪᓕᕈᑎᒃᓴᖏᓐᓂᒃ ᐊᑦᑕᑕᖅᑎᑦᑎᔾᔪᑕᐅᕙᒃᑐᑦ ᖃᖓᑦᑕᖅᑎᑕᐅᓯᒪᔪᒧᑦ ᐃᓄᑭᑦᑐᓂ ᐊᒻᒪᓗ ᐅᖓᓯᒃᑐᓂᒃ ᓄᓇᓄᑦ. ᐅᑯᐊ ᖃᕆᓴᐅᔭᓕᕆᔾᔪᑎᑦ ᐅᑯᐊᖑᔪᓐᓇᖅᑐᑦ: ᓄᒃᑕᕐᓗᒋᑦ ᖃᕆᓴᐅᔭᓕᕆᔾᔪᑎᒃᓴᐃᑦ ᖃᖓᑦᑕᖅᑎᑕᐅᓯᒪᔾᔪᑎᑦ ᓄᓇᓕᖕᓄᑦ, ᐊᑐᖅᑕᐅᔪᓐᓇᖅᓯᑎᓪᓗᒋᑦ ᖃᕆᓴᐅᔭᓕᕆᔾᔪᑎᑦ ᖃᖓᑦᑕᖅᑎᑕᐅᓯᒪᔾᔪᑎᑦ ᑖᒃᑯᓄᖓ ᐃᓄᑐᐃᓐᓇᖅᓄᑦ ᐃᒡᓗᖃᖅᑎᐅᔪᓄᑦ, ᐅᖃᓘᑎᕋᓛᓄᑦ ᓄᓇᓕᖕᓂ ᐅᕝᕙᓘᓐᓃᑦ ᑖᒃᑯᐊ ᐅᖓᓯᒃᑐᓕᐊᖓᔪᑦ ᐊᖁᑎᑦ, ᐅᕝᕙᓘᓐᓃᑦ ᖃᕆᓴᐅᔭᓕᕆᔾᔪᑎᒃᓴᐃᑦ ᖃᖓᑦᑕᖅᑎᑕᐅᓯᒪᔾᔪᑎᑦ ᐊᑐᖅᑕᐅᔪᓐᓇᖅᑐᑦ ᑕᓚᕖᓴᕕᓐᓇᐅᑎᑦᑎᒍᑦ ᐃᑭᐊᕿᕕᒃ ᑕᐃᒫᒃ ᖃᖓᑦᑕᖅᑎᑕᐅᓯᒪᔪᓄᑦ ᐊᓂᒃᒧᑦ-ᐊᑐᕐᒪᑕ ᓄᓇᓖᑦ. ᐅᑯᐊ ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᖃᐅᔨᓇᓱᑦᑎᐊᕐᓂᐊᖅᑐᑦ ᐱᓕᕆᐊᖑᔪᓂᒃ ᐊᑐᕐᓗᑎᒃ ᓇᓗᓇᐃᑦᑎᐊᓚᐅᕐᓗᒋᑦ ᐱᔪᓐᓇᕐᓂᐊᖅᑐᑦ ᐊᒻᒪᓗ ᖃᐅᔨᓴᕈᑎᕆᓂᐊᖅᑕᒥᖕᓄᑦ ᑕᖏᒃᓴᖏᑦ ᖃᐅᔨᓂᐊᕐᒪᑕ ᓇᓕᐊᒃ ᐱᓕᕆᐊᖑᔪᖅ ᓂᕈᐊᖑᔪᓐᓇᖅᐸ ᐊᒻᒪᓗ ᑮᓇᐅᔭᒃᓴᖅᑖᖅᑎᑕᐅᓗᓂ.

ᐊᓯᕈᖅᑕᐅᖁᔭᐅᔪᑦ ᐊᒻᒪᓗ ᐊᐱᖁᑎᑦ

ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᐃᓱᒪᖃᖅᑐᑦ ᐊᒥᓱᓂᒃ ᐊᓯᔩᔪᒪᓪᓗᑎᒃ ᐱᕙᓪᓕᐊᔭᐅᓂᐊᕐᓂᖓᒍᑦ ᐊᑐᖅᑕᐅᔾᔪᓯᖓ ᖃᐅᔨᓇᓱᑦᑎᐊᕐᓗᒋᑦ ᐊᒻᒪᓗ ᓂᕈᐊᖅᓯᕐᓗᑎᒃ ᓴᓇᔭᐅᓂᐊᖅᑐᓂᒃ. ᐅᑯᐊ ᑕᒪᐃᓐᓄᑦ ᑐᓴᕐᑎᑦᑎᔾᔪᑎᖏᑦ ᑐᑭᓯᓇᓱᖃᑎᒌᒍᑕᐅᖁᓪᓗᒍ ᐃᓗᓕᖃᖅᑐᖅ ᓇᓗᓇᐃᔭᑦᑎᐊᑲᓐᓂᖅᓯᒪᔪᓂᒃ ᐊᒻᒪᓗ ᓇᓪᓕᐊᖕᓄᑦ ᐊᐱᖁᑎᑦ ᐊᑐᓂ ᑖᒃᑯᐊ ᐊᓯᖑᕈᓐᓇᖅᑐᑦ:

• ᐃᓚᓯᓗᑎᒃ ᐊᑭᑐᒋᔭᐅᓐᖏᑦᑐᓂᒃ ᑐᑭᓕᐅᕈᑕᐅᓂᐊᖅᑐᑦ ᑮᓇᐅᔭᒃᓴᒧᑦ
• ᑮᓇᐅᔭᒃᓴᖃᕐᑎᑦᑎᓗᑎᒃ ᖃᖓᑦᑕᖅᑎᑕᐅᓯᒪᔪᓂᒃ ᐊᑐᖅᑎᑦᑎᔪᑦ ᐱᓕᕆᐊᖑᔪᑦ ᐅᑯᐊᓗ ᐱᔨᑦᑎᕋᖅᑐᖅ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᓐᓂᒃ.
• ᑮᓇᐅᔭᒃᓴᖅ ᐊᐅᓚᑦᑎᔾᔪᑎᒃᓴᓄᑦ ᐊᑭᓕᖅᓲᑕᐅᓂᐊᖅᑐᓄᑦ ᑐᓂᓯᓯᒪᓂᐊᖅᑐᒧᖅ ᐃᓄᑭᑦᑐᓂ ᐊᒻᒪᓗ ᐅᖓᓯᒃᑐᓂ ᓄᓇᖃᖅᑐᑦ.
• ᑮᓇᐅᔭᒃᓴᖓ ᐱᓕᕆᐊᖑᔪᓄᑦ ᓴᓇᔭᐅᔪᓄᑦ ᑖᒃᑯᐊᓄ ᐊᑐᖅᑕᐅᓂᐊᖅᑐᑦ ᖃᕆᓴᐅᔭᓕᕆᔾᔪᑎᑦ ᓱᕋᖃᑦᑕᓐᖏᓪᓗᑎᒃ ᐃᖏᕐᕋᑦᑎᐊᖏᓐᓇᕐᓂᐊᕐᒪᑕ.
• ᐱᐅᓯᕚᓪᓕᖅᑎᓪᓗᒋᑦ ᐱᓕᕆᖃᑎᒌᖕᓂᖅ ᑖᒃᑯᐊᓗ ᐱᓇᔪᒃᑐᑦ ᐊᒻᒪᓗ ᓄᓇᓖᑦ, ᐱᓗᐊᖅᑐᒥᒃ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᓐᓂᒃ.
• ᐅᓄᖅᓯᒋᐊᕐᓗᒋᑦ ᐊᐅᓪᓗᑎᔪᑦ ᐅᖃᓘᑎᕋᓛᓂᒃ ᐊᑕᔾᔪᑎᖃᕆᐊᖃᓐᖏᑦᑐᓂᒃ ᐊᒻᒪᓗ ᖃᖓᑦᑕᖅᑎᑕᐅᓯᒪᔪᓄᑦ -ᐊᑕᔾᔪᑎᖃᖅᖢᑎᒃ ᑭᓯᐊᓂᐅᔪᑦ ᓄᓇᓖᑦ
• ᐊᔪᖏᑎᑦᑎᔪᖅ ᐱᓇᔪᒃᑐᓂᒃ ᐸᕐᓇᐃᔪᓐᓇᕐᓗᑎᒃ ᐃᓄᑭᑦᑐᓂ ᐊᒻᒪᓗ ᐅᖓᓯᒃᑐᓂᒃ ᓄᓇᓕᖕᓂ ᐊᔨᒌᑦᑎᐊᕐᓂᖅᓴᐅᓪᓗᑎᒃ ᐸᕐᓇᐅᑎᓂᑦ ᐊᑐᐃᓐᓇᐅᔪᑦ ᓄᓇᓕᖅᐸᐅᔭᓂ
• ᐊᔪᖏᑎᑦᑎᔪᖅ ᑐᕌᖅᑕᑦ ᐊᓯᖑᕈᓐᓇᕐᓗᑎᒃ ᑕᒪᐃᓐᓄᑦ ᐱᔨᑦᑎᕋᐅᑎᑦ ᑐᑭᓕᐅᕈᑕᐅᕙᓪᓕᐊᔪᑦ ᐊᓯᕈᖅᐸᑕ
• ᐊᓯᕈᕐᓗᒋᑦ ᑕᖏᖏ ᐊᑐᖅᑕᐅᔪᑦ ᓇᓗᓇᐃᖅᓯᓂᐊᕐᓗᑕ ᐱᑎᑕᐅᔪᓐᓇᖅᑐᓂᒃ.
• ᑮᓇᐅᔭᒃᓴᖅ ᐃᓇᒌᖅᓯᔾᔪᑕᐅᓂᐊᖅᑐᖅ ᐱᖁᑎᖏᓐᓂᒃ ᓴᓇᓕᕈᑎᒃ ᐅᕝᕙᓘᓐᓃᑦ ᐱᐅᓯᕚᓪᓕᕈᑎᒋᓂᐊᖅᑐᑦ ᖃᖓᑦᑕᖅᑎᑕᐅᓯᒪᔪᓕᕆᔾᔪᑎᖏᑦ ᖃᕆᓴᐅᔭᓄᑦ.
• ᐱᐅᓯᕚᓪᓕᖅᑎᓪᓗᒍ ᖃᓄᖅ ᓴᓇᔭᐅᔪᖅ ᐊᑦᑕᕐᓇᕈᓐᓇᕐᒪᖔᑦ ᖃᐅᔨᔭᐅᓇᓱᑦᑎᐊᕐᓗᓂ

ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᑐᓐᖓᓱᒃᑎᑦᑎᕗᑦ ᐅᖃᐅᓯᒃᓴᑦᓯᓐᓂᒃ ᖃᓄᑐᐃᓐᓇᖅ ᑐᒃᓯᕋᖅᑕᐅᔪᑦ ᐊᓯᕈᖁᔭᐅᓪᓗᑎᒃ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐅᑯᐊ  ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᑐᓴᕈᒪᓗᐊᖑᐊᖅᑐᑦ ᓄᓇᖅᑲᖅᑳᖅᓯᒪᔪᓂᑦ ᑐᓂᓯᓯᒪᔪᑦ ᖃᖓᑦᑕᖅᑎᑕᐅᓯᒪᔪᓄᑦ ᐊᑐᖅᑕᐅᑎᑦᑎᖃᑦᑕᖅᑐᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂᑦ ᐱᔾᔪᑎᒋᓪᓗᒍ ᓴᕿᑦᑎᓂᖅ ᑮᓇᐅᔭᒃᓴᐃᑦ ᖃᓄᖅ ᐃᖏᕐᕋᓂᐊᖅᐸᑦ ᐱᔨᑦᑎᕋᕋᔭᖅᑐᑦ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂᒃ ᐊᒻᒪᓗ ᐱᐅᓯᕚᓪᓕᖅᑎᓪᓗᒋᑦ ᑲᑎᒪᖃᑎᒌᖕᓂᖅ ᐱᓕᕆᖃᑎᒌᖕᓂᖓᑦ ᐊᕙᑖᓂᑦ ᐱᓇᔪᒃᑐᖅ ᐊᒻᒪᓗ ᓄᓇᓖᑦ

ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᑐᓴᕈᒪᔪᑦ ᖃᓄᖅ ᐃᓱᒪᖃᕐᒪᖔᑦᓯ ᑭᐅᓗᒋᑦ ᐊᐱᖁᑎᑦ ᐊᑖᓂ, ᐅᑯᐊᓗ ᐱᓯᒪᔪᑦ ᑐᒃᓯᕋᐅᑎᓄᑦ ᑮᓇᐅᔭᒃᓴᐃᑦ ᐃᖏᕐᕋᓂᕆᓂᐊᖅᑕᖏᑦ ᓴᓇᔭᐅᔪᓄᑦ ᐱᔨᑦᑎᕋᖅᑐᑦ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂᒃ:
ᐊᐱᖁᑎ 1. ᑭᓇ ᐱᔪᓐᓇᕋᔭᖅᐸ ᐱᓇᔪᒃᑐᖅ ᑮᓇᐅᔭᒃᓴᒥᒃ ᑕᒪᑐᒪᖓᑦ ᐃᖏᕐᕋᑎᑕᐅᔪᒥᒃ?

1. ᑕᐃᒪᓗ ᑮᓇᐅᔭᒃᓴᖃᕐᑎᑦᑎᔪᑦ ᐃᓱᒪᖃᑦᑎᐊᕆᖃᖅᐹᑦ ᓄᓇᓕᖕᓂ ᐅᕝᕙᓘᓐᓃᑦ ᓄᓇᖅᑲᖅᑳᖅᓯᒪᔪᓂᒃ ᓇᖕᒥᓂᖃᖅᑐᑦ ᖃᖓᑦᑕᖅᑎᑕᐅᓯᒪᔪᓂᒃ ᐊᑐᖅᑎᑦᑎᓲᑦ ᐅᕝᕙᓘᓐᓃᑦ ᐅᓇ ᑮᓇᐅᔭᒃᓴᖅ ᑖᒃᑯᓄᖓᑐᐊᖅ ᑐᕌᖅᑎᓪᓗᒍ ᓄᓇᓕᖕᓂ-ᐱᓕᕆᔪᓄᑦ ᐅᕝᕙᓘᓐᓃᑦ ᓄᓇᖅᑲᖅᑳᖅᓯᒪᔪᓂᑦ-ᓇᖕᒥᓂᕆᔭᐅᔪᓄᑦ ᐱᔨᑦᑎᕋᖅᑐᑦ ᖃᖓᑦᑕᖅᑎᑕᐅᓯᒪᔪᓂᒃ ᐊᑐᖅᑕᐅᑎᑦᑎᓪᓗᑎᒃ?
2. ᑕᐃᒪᓐᓇᐅᒍᓂ, ᖃᓄᖅ ᐅᑯᐊ ᓄᓇᖅᑲᖅᑳᖅᓯᒪᔪᓂᑦ-ᓇᖕᒥᓂᕆᔭᐅᔪᓄᑦ ᐱᔨᑦᑎᕋᖅᑐᑦ ᖃᖓᑦᑕᖅᑎᑕᐅᓯᒪᔪᓂᒃ ᐊᑐᖅᑕᐅᑎᑦᑎᓪᓗᑎᒃ ᓇᓗᓇᐃᖅᑕᐅᑦᑎᐊᕐᓂᐊᖅᐸᑦ?

ᐊᐱᖁᑎ 2. ᖃᓄᖅ ᐅᑯᐊ  ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᓇᓗᓇᐃᖅᓯᓂᐊᖅᐸᑦ ᓄᓇᖅᑲᖅᑳᖅᓯᒪᔪ ᓄᓇᓕᖏᑦ ᐱᔪᓐᓇᕐᓂᐊᕐᒪᖔᑕ ᑕᒪᑐᒪᖓᑦ ᐃᖏᕐᕋᑎᑕᐅᔪᒥᑦ?

1. ᐱᓗᐊᖅᑐᒥᒃ, ᖃᓄᖅ ᐅᑯᐊ ᓄᓇᖅᑲᖅᑳᖅᓯᒪᔪᑦ ᓄᓇᓖᑦ ᐅᑯᐊᓗ ᓄᓇᖅᑲᖅᑳᖅᓯᒪᔫᓐᖏᑦᑐᓂ ᓄᓇᖃᖅᑐᖅ ᐅᕝᕙᓘᓐᓃᑦ ᓄᓇᓕᕋᓛᑦ ᓇᓗᓇᐃᔭᖅᑕᐅᓂᐊᖅᐸᑦ?

ᐊᐱᖁᑎ 3. ᐅᓇ ᑕᖏᖓ ᐊᑐᖅᑕᐅᔪᖅ ᖃᐅᔨᓇᓱᑦᑎᐊᕐᓗᑎᒃ ᐊᓯᖏᓐᓂᒃ ᖃᖓᑦᑕᖅᑎᑕᐅᓯᒪᔪᖃᕐᕕᒃ ᐊᑕᕕᖓᓄᑦ ᑮᓇᐅᔭᒃᓴᖅ ᐱᓇᔪᒍᑏᑦ ᓈᒻᒪᒐᔭᖅᐸᑦ ᑕᒪᑐᓱᖓ ᑮᓇᐅᔭᒃᓴᒧᑦ?

1. ᐃᓚᖏᑦ ᑕᖏᖏᑦ ᐲᖅᑕᐅᔭᕆᐊᖃᖅᐹᑦ, ᐃᓚᓯᔭᕆᐊᖃᖅᐹᑦ, ᐅᕝᕙᓘᓐᓃᑦ ᐊᓯᖑᐃᔭᕆᐊᖃᖅᐹᑦ ᐱᐅᓂᖅᓴᐅᓂᐊᕐᒪᑕ ᐱᓯᒪᓂᖃᕐᓂᖏᑦ ᐅᑯᐊᓗ ᑭᓐᖒᒪᒋᔭᐅᔪᑦ ᐱᔨᑦᑎᕋᖅᖢᒋᑦ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᑦ?
2. ᑕᐃᒪᓗ ᐃᓚᖏᑦ ᑕᖏᖏᑦ ᐲᖅᑕᐅᔭᕆᐊᖃᖅᐹᑦ, ᐃᓚᓯᔭᕆᐊᖃᖅᐹᑦ, ᐅᕝᕙᓘᓐᓃᑦ ᐊᓯᖑᐃᔭᕆᐊᖃᖅᐹᑦ ᑭᓯᐊᓂ ᓇᓕᐊᒃ ᐊᒻᒪᓗ ᖃᓄᖅ ᐱᔾᔪᑎᒋᕚᑦ ᐊᓯᕈᕈᑎᒋᓪᓗᒋᑦ.

ᐊᐱᖁᑎ 4. ᐅᖓᑖᓄᑦ ᐃᑲᔫᑎᑦᑎᐊᕐᓂᐊᕐᒪᑕ ᐅᖃᓘᓯᕆᔾᔪᑎᑦ ᐱᔨᑦᑎᕋᐅᑎᑦ, ᖃᓄᕆᑦᑐᓂᒃ ᒪᑭᒪᓇᓱᐊᕈᑎᒃᓴᓂᒃ ᐊᒻᒪᓗ ᐃᓅᓯᓕᕆᓂᕐᒧᑦ ᐱᐅᓯᕚᓪᓕᕈᑎᔪᓐᓇᖅᑐᓂᒃ ᓴᓇᔭᐅᔪᓄᑦ ᑐᓂᓯᓯᒪᓂᐊᖅᐸᑦ ᐃᓗᐊᓂ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂ?

1. ᖃᓄᖅ ᐅᑯᐊ ᐃᑲᔫᑎᔪᑦ ᖃᐅᔨᓇᓱᒃᑕᐅᑦᑎᐊᕐᓂᐊᖅᐸᑦ ᖃᐅᔨᓴᖅᑕᐅᓕᕈᑎᒃ ᓴᓇᔭᐅᓂᐊᖅᑐᑦ?

ᐊᐱᖁᑎ 5. ᖃᓄᖅ ᐊᖏᑎᒋᔪᒥᒃ ᑮᓇᐅᔭᕐᒥᒃ ᑐᓂᔭᐅᔭᕆᐊᖃᖅᐸᑦ ᑕᒪᑐᒨᓇ ᑮᓇᐅᔭᒃᓴᖃᕐᑎᑦᑎᓂᒃᑯᑦ?

1. ᖃᓄᖅ ᐅᓇ ᑮᓇᐅᔭᒃᓴᖅ ᓴᓂᖅᕙᒃᑕᐅᒃᑲᓐᓂᕐᓂᐊᖅᐸ ᑕᐃᒪᓗ ᖃᑦᓯᑖᓚᐅᓂᖓ ᑐᒃᓯᕋᖅᑕᐅᔪᑦ ᓂᕈᐊᕆᔭᐅᔪᓐᓇᖅᑐᓄᒃ ᓴᓇᔭᐅᔪᓐᓇᖅᑐᑦ ᐊᖏᓂᖅᓴᐅᒍᓂ ᐅᕝᕙᓘᓐᓃᑦ ᒥᑭᓐᓂᖅᓴᐅᒍᓂ ᑐᓂᔭᐅᓯᒪᔪᒧᑦ ᖃᑦᓯᑖᓚᐅᔪᓐᓇᕐᓂᖓᒍᑦ?

ᐊᐱᖁᑎ 6. ᖃᓄᖅ ᐅᑯᐊ ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᑐᓴᕐᑎᑦᑎᓂᐊᖅᐸᑕ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᓐᓄᑦ ᐊᒻᒪᓗ ᐱᔨᑦᑎᕋᖅᑎᐅᔪᓄᑦ ᑕᒪᑐᒥᖓ ᖃᐅᔨᒪᓕᕐᓂᐊᕐᒪᑕ ᑕᒪᑐᒥᖓ ᑮᓇᐅᔭᒃᓴᖅᑕᖃᕐᓂᖓᓂᒃ?
ᐱᓇᔪᒃᑐᑦ ᑲᑎᒪᖃᑎᖃᕆᐊᖃᕐᓂᐊᖅᑐᑦ ᓄᓇᓕᖕᓂ ᑖᒃᑯᐊᓗ ᐊᒃᑐᖅᑕᐅᔪᑦ ᓴᓇᔭᐅᔪᒪᔪᒧᑦ. ᐅᖃᖃᑎᒋᓗᒋᑦ ᓄᓇᓖᑦ, ᑐᓴᖅᑎᓪᓗᒋᑦ ᐱᔾᔪᑎᒋᓪᓗᒍ ᑕᒪᓐᓇ ᓴᓇᔭᐅᔪᖅ, ᐊᒻᒪᓗ ᐊᔪᖏᑎᑦᑎᓗᑎᒃ ᓄᓇᓕᖕᓂᒃ ᑭᐅᔪᓐᓇᕐᕕᖃᕐᑎᑦᑎᓗᑎᒃ. ᐅᓇ ᐱᒻᒪᕆᐅᓗᐊᖅᑐᖅ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓄᑦ ᑕᐃᑲᓂ ᓄᓇᖅᑲᖅᑳᖅᓯᒪᔪᑦ ᐅᕝᕙᓘᓐᓃᑦ ᐊᖏᕈᑎᑦ ᐱᔪᓐᓇᐅᑎᖏᑦ ᐊᒃᑐᖅᑕᐅᓯᒪᔪᓐᓇᕐᒪᑕ.  ᐅᑯᐊ ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᑐᓴᕈᒪᔪᑦᑕᐅᖅ ᖃᓄᖅ ᐃᓱᒪᖃᕐᒪᖔᖅᐱᑦ ᐊᑖᓂ ᑎᑎᕋᖅᓯᒪᕗᑦ ᐊᐱᖁᑎᑦ ᐱᔾᔪᑎᒋᓪᓗᒍ ᐱᓕᕆᖃᑎᒌᖕᓂᖅ ᐊᕙᑖᓂᑦ ᐱᓇᔪᒃᑐᖅ ᐊᒻᒪᓗ ᓇᓕᐊᑐᐃᓐᓇᖅ ᐊᒃᑐᖅᑕᐅᓯᒪᔪᖅ ᓄᓇᓖᑦ:

ᐊᐱᖁᑎ 7. ᖃᓄᐃᓕᖓᔪᓂᒃ ᐱᓕᕆᖃᑎᖃᕈᒪᓇᔭᖅᐱᑦ ᑲᑎᒪᖃᑎᒋᕙᒡᓗᒋᓗ ᐊᒃᑐᖅᑕᐅᓯᒪᔪᑦ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᑦ ᑕᐃᒪᓗ ᐱᓇᔪᒃᑐᖅ ᑕᑯᑎᑦᑎᔭᕆᐊᖃᖅᐹ ᑕᒪᑐᒥᖓ?

1. ᑕᐃᒪᓗ ᐱᓇᔪᒃᑐᑦ ᐊᑐᕈᓐᓇᖅᐹᑦ ᑐᓴᐅᑎᓕᕆᔾᔪᑎᓂᒃ ᐊᑐᐃᓐᓇᐅᔪᓄᑦ ᓄᓇᖅᑲᖅᑳᖅᓯᒪᔪᓄᑦ ᐊᒻᒪᓗ ᐊᖏᕈᑎᓄᑦ ᐱᔪᓐᓇᐅᑎᖏᑦ ᑐᓴᐅᑎᓕᕆᔾᔪᑎᓄᑦ ᐅᕝᕙᓘᓐᓃᑦ ᐊᓯᖏᓂᑦ ᐱᑎᑕᐅᓗᑎᒃ ᓇᓗᓇᐃᖅᓯᓂᐊᖅᑐᑦ ᐊᒻᒪᓗ ᐅᖃᕐᕕᐅᔪᓐᓇᖅᑐᑦ ᐊᒃᑐᖅᑕᐅᓯᒪᔪᓄᑦ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᓐᓂ?

ᐊᐱᖁᑎ 8. ᖃᓄᖅ ᐱᓇᔪᒃᑐᖅ ᑕᑯᑎᑦᑎᔪᓐᓇᖅᐸ ᐃᑲᔪᖅᓯᖅᑕᐅᓂᕐᒥᖕᓂᒃ ᐊᒃᑐᖅᑕᐅᓯᒪᔪᓂᑦ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᓐᓂᑦ?

ᐊᐱᖁᑎ 9. ᖃᓄᖅ ᐅᑯᐊ ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ ᐱᓕᕆᖃᑎᖃᕈᓐᓇᖅᐸᑦ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᓐᓂᒃ ᖃᐅᔨᓴᓕᖅᐸᑕ ᐱᓇᔪᒍᑏᑦ?

ᐃᒪᓐᓇ ᐃᓚᐅᔪᓐᓇᖅᑐᑎᑦ

ᐃᓂᖃᖅᐳᑎᑦ ᑎᑭᐅᑎᓇᓱᖕᓂᖓᓂ 21 ᔪᓚᐃ 2023 ᑐᓂᓯᓗᑎᑦ ᐅᖃᐅᓯᒃᓴᕐᓂᒃ ᖃᓄᖅ ᐱᐅᓯᕚᓪᓕᕈᓐᓇᖅᐸ ᖃᖓᑦᑕᖅᑎᑕᐅᓯᒪᔪᓕᕆᓂᖅ ᑮᓇᐅᔭᒃᓴᖓ.

ᑐᓂᓯᔪᓐᓇᖅᑐᑎᑦ ᐃᒡᕕᑦ ᐅᖃᐅᓯᒃᓴᖏᓐᓂᒃ ᐅᑯᑎᒎᓇᖅ:

• ᐊᑐᕐᓗᒍ ᐃᑭᐊᕿᕕᒃᑯᑦ ᐃᓕᐅᖃᕈᓐᓇᖅᑕᑎᑦ ᑕᑕᑎᕆᓗᑎᑦ;
• ᓱᒃᑲᔪᒃᑯᑦ ᐊᐅᓪᓚᕐᑎᑦᑎᓗᑎᑦ ᐅᕗᖓ 819-994-0218; ᐅᕝᕙᓘᓐᓃᑦ
• ᑎᑎᕋᕐᓗᑎᑦ ᐅᕙᑦᑎᓐᓄᑦ ᑲᓇᑕᒥ ᓈᓚᐅᓯᕆᔨᑦ-ᑕᓚᕖᓴᓕᕆᔨᑦ ᐊᒻᒪᓗ ᐅᖃᓘᓯᕆᔨᑦ ᑲᑎᒪᔨᖏᑦ, ᐋᑐᕚ, ᐋᓐᑎᐅᕆᐅ K1A 0N2.

ᑐᑭᓯᓇᓱᒍᓐᓇᖅᑐᑎᑦ ᖃᓄᖅ ᐃᓚᐅᔪᓐᓇᕐᒪᖔᖅᐱᑦ ᑕᒪᑐᒧᖓ ᐱᓕᕆᐊᖑᔪᕐᒧᑦ

ᐅᖃᕐᕕᒋᔪᓐᓇᖅᑕᑦᑎᒍᑦ ᖃᕆᓴᐅᔭᒃᑯᑦ ᐅᕘᓇ FLB-BBF@crtc.gc.ca ᐅᕝᕙᓘᓐᓃᑦ ᐅᖃᓗᒡᓗᑎᑦ ᐅᕗᖓ 1-877-249-2782.