Ka minutshitapatakan takuaitsheun nete shuniat nete e pimipin katusseutshitapatakan – Tshissenitakutanu e ishi pimutanut e uitshi-atussemitunanut ashit innuat
Ume e tshissenitakutan ishi takun nete innu-aimunna: Eyoutch-aimun (HTML kie PDF mashinaikan), dene-aimun (HTML kie PDF mashinaikan), inuktitut (e kuanutinit) [HTML kie PDF mashinaikan], mi’kmaq (HTML kie PDF mashinaikan), michif (HTML kie PDF mashinaikan), innu (HTML kie PDF mashinaikan), kie ojibwe (HTML kie PDF mashinaikan).
Nakatuapatamun-mashinaikan – Ka minutshitapatakan takuaitsheun nete shuniat nete e pimipin katusseutshitapatakan, télécom ukukuetshitshemun CRTC 2023-89, 23 uinashku-pishim° 2023, ka mishkatunikan télécom CRTC 2023891 ukukuetshitshemun, 17 shishipᵘ-pishumᵘ 2023, ne mashinaitsheutshuap uitamᵘ ua minutshitapatak tshe ishi-pimutet. Ne ua minutashitapatakan ui utshepinanun kie tshetshi eka tshetshi uetit e nanatuenitakan ne shuniau, tshetshi uetit kie eka mitshetuit tshetshi ishi nanatuenitakan tshetshi nikanitanut ne ua minupanitan ne minu-uitsheutun ashit innuat.
Ne e ishi tshiuenikan ne ka pitshitinak utaimun ne Ka minutshitapatakan takuaitsheun nete shuniat nete e pimipin katusseutshitapatakan, ne mashinaitsheutshuap tshika uinuipanitau ait tshe ishi-tshitapatak ne ua uitshi-atussemanit innuat nete shuniat. Ne ua utataikan tshetshi tutakan takueitsheun tshetshi minu-uitshi-atussemanit innuat, tshetshi ishpitanitakanikau utipenitamunuau kie utiniunuau tshetshi nikanitanut ne ua minupanitan minu-uitsheutun. Etatu tshika minu-uitakanu ne tshe ishi-pimimutanut ne aishkat kie tshika tshissenitakutau ne mashinaitsheutshuap.
Ne mashinaitsheutshuap tshimitapamᵘ innu-mamuitunutshetshi pimutat aimunu(ÉRA) nete innit ashit innu, Essimeuat kie mashinuat. Tshe ishinakuninit ne ÉRA utatusseun ashit nenu tshi uitshi-atussemat kie innit tshetshi pimutat aimunnu kie kukuetshitshemun kie tshetshi uauitshiat innu nenu ua nanatuenitamanit kie shakassinitat mashinaikan. Ne ÉRA tshika pushipinu tutakan atusseun ua uitshi-atussemitunanut tshetshi minu-tshitapatakan ne Innu tshekuanu ua apitshitat kie ishi pukutat tshetshi petuakan innu.
Anitshenat ua tshissenitakau kie mak ua pushipanitau nen ushkat natshishkatunanut aiamiekuat ÉRA:
nete katusseutshitapatakan takun ne mashinaikan tshetshi shakassinitan nete itashteu WebÉRA;