Tuhauajutiliqiyutit Ukiuqtaqtumi

Tattiarnaqtuq 6-mi 2022-mi kiguliuyuq tunihiyaaqni uqauhiriyaqnik qanuq ihuaqhivaaliriagani ikayuutit Ukiuqtaqtumi.

Nainaariaqlugi

Naitumik uqauhiq Itqaijutinik Uqaqatiriigutinik qahaktuq ukunani ilagini uqauhiqni: Cree-titut, Chipewyan-tut itqilrit uqauhiinik, Inuktitut, inuinaqtulu.

Pijutauniga uuma uqaqatiriigutit

Kanatamiut Nalautiliqiyit tv-niklu Tuhaumajutiliqiyit Kamisiuyuq (CRTC) tuharumayut iliknit kitunik upijutinik aturiaqaqtainik ihuaqhivaaliriagani tuhaumajutini ikayuutit nunagiyauyuni Ukiuqtaqtumi.

CRTC-kut ilautquiyut uqauhiqnik qaritauyaliqiyutini hivayautinilu ikayuutinik Nunavumi, Nunatiami, Yukon-mi, 17-ni nunagiyauyuni tunungani British Columbia-mi^{FOOTNOTE 1}. Fort Fitzgerald‑milu, Alberta-mi.

Hunanik tuhaqtaptiknik Havauhiq I-mit

Havauhiq I taja katimajutini ihumagiyaqaqtut agiklivaliayagani kagiqhimanik ihumagiyauyunik Ukiuqtaqtumi aktuqniqaqtunik Qaritauyaliqijutini hivayautinilu ikayuutinik. Amigaitqiyat 250‑nit ikayuqtiriit, Inuit, tuhaumajutiniklu ikayuutinik pipkaivaktut uqaqhimayut hunanik ihumagiyauyunik CRTC-kut hivuliqmik havaariyakharaluaginik ihuaqhiyaagani ihariagiyainik Inuit Ukiuqtatumi.

Havuahiq I-mi, CRTC-kut tuhaqtut ukuniga:

• Tamaita Kanatamiut pikaktukhaugaluit akituvalaagitunik atuqniginik tuhaumajutini ikayuutinik, atulaqniganiluaq Qaritauyaliqijutinik. Amigainiqhat upalugaiyautit Ukiuqtaqtumi havitivaktut pikutitiaguvalaagitunik akiliqtuijutini maniknik, qaritauyaliqijutiniluaq, ihumagikpata hivuraaniitut Inuit.
• Tuutqiknigit atuinariaqaqtulu ikayuutit ihuaqhivaaliktukhauyut Inuit Ukiuqtaqtumi pivagiagani ajikutainik hulijutinik (ila qungiarutilutik katimavagiagani) Inuit atuqpagainik hivuraani. Ihuaqhivaaliqniga tuutqiqhiniga atuinariaqaqnigalu pijutauniaqmat inuknit Ukiuqtaqtumi ilauginikmi atugitaagani inuujuhiqmi manikhaqhiurutinilu atuqtukhanik.
• Inuit Ukiuqtaqtumi piyumayut amigaitqiyanik akitaqutautijutinik piyutauyunik Qaritauyaliqijutimikni iikayuutinik. Qanurinigit Ukiuqtaqtumi akhuurutauyut ikayuqturiagani akitaqutautiyunik ihuaqhivaalirutauniaqtut akituvalaaginiganik, atuinariaqaqniganik, tutqitiaqniginiklu ikayuutit.
• Ihuaqhautit ilituqhaktavut nakuutqiyamik pivagiagani ihariagiyainik Inuit Ukiuqtaqtumi ihumagiyauyukhat uqautaunigani haimaqpaliayutini Nunaqaqaqtunik Inukni.

CRTC-kut quyagiyait ukua ilauhimayut Havauhiq I-mi. Uqauhiriyatit qauyijutauniaqmata havaariyaptiknik atuqtilugu Havauhiq II-mi. Ilitpaaliriaqni tuhaqtaptiknik, takujavat Tuhaqtaptiknik Havaami I-it uiguani aaliuyumi.

Qanuq ilauyaagani Havauhiq II-mi

Pivikhaqaqtutit Tattiarnaqtuq 6-mut 2022-mi tuniyiyaaqni uqauhiriyaqnik qanuq ihuaqhivaaliriagani tuhaumajutini ikayuutinik Ukiuqtaqtumi.

CRTC-kut tuharumayut iliknit ukuniga kitunik ihuaqhautinik pijutauniaqnigainik ihariagiyainik nunagiyauyunit Ukiuqtaqtumi.

Hunanik upijutinik CRTC-kut aturiaqaqat Qaritauyaliqijutinik agilramilu hivayautini ikayuutinik:

• akituvalaaruiriagani?
• atuqhimaaginariagani tuutqitqiyauliqlutiklu?
• akitaqutautivaalirutauyaagani?
• nakuutqiyamik ikayuriagani haimakpalianigit Nunaqaqaqtut Inuit?

Tunihilaaqtutit ihuaqhaqhimayumik nutqaqtitijutikhaqnik ima:

• atuqlugu nutqaqtitijutikhaqut titigaakhami;
• tuyuqluta kayumiktukut 819-994-0218-mi; uvaluniit
• titiraqvigiluta uvani CRTC-kut, Atuami, Ontario-mi K1A 0N2-mi.

Ayuqnaitqiyauyaagani uqauhiriyaagani ihumagiyatit, CRTC-kut atuqtulu nutamik qaritauyakut ilauvikhamik tungavianik. Pivikhaqaqtutit Tattiarnaqtuq 6-mut 2022-mi uqauhiriyaagani ihumagiyatit uvuuna ilauvikhamik tungaviagut.

CRTC-kut inukniklu nalaktitiniaqtut. Nalaktitivik katimaniq Inuit tuhaktitiyaagani ihumagiyamiknik uqauhiuyunik tuhaqtitauyunik itqaijutimi uqaqatiriiknikut. CRTC-kut upautilutik nalaktitiniaqut aulaqtigiaqlutik uvani Qittiqqautijuq 17-mi 2023-mi Kwanlin Dün Ilitquhiliqivikmi Havakviuyumi, 1171 Front Street-mi Apqutani, Whitehorse-mi Yukon‑mi. Ayuqnainiaqtuqlu ikayuqtiriiktut ilauyaamikni ahiqpanit.

Pivikhaqaqtutit Tattiarnaqtuq 6-mut 2022-mi uniutiluga uqarumaniruvit Inuit nalaktitauviani. Itqainiaqutit ukuaginait tunihiyut ihuaqhaqhimayumik nutqaqtitijutinik uvuuna nutqaqtitijutimik makpirakut, kayumiktukut, titiraqaqvikuluniit tuukhilaaqtut ilauyaamikni uqauhiqariamiknilu Inuit nalaktitauvani. Tuukhiruvit tuhaqvigiyauyaaqni, qauyipkajavaptigut ilauluarumaniruvit:

• agilrariyaqnit titiraqvikniluniit;
• Inuit nalakviluagani inigiyauyumi Whitehorse-mi; uvlaluniit
• CRTC-kut qilainaktukurutanik takuhauniganik inikhami Yalunaimi; Nunatiami; Iqalukni, Nunavumi; Gatineau-miluniit Quebec-mi.

Upautilutik Inuit inikhait aalagulaaqtut pijutauyunit Inuit aaniagitaagani ihuaqhautinit.

Qanuq tuukhiriagani hivuniqhivaalirutikhanik qanuq ilauyaagani uvani katimaniqmi

Uqakvigilaaqtaptigut titiqijutikut qaritauyami uvani nord-north@crtc.gc.ca-mi hivayautikuluniit uvani 1‑877‑249-2782.

Ukua ilagiyait nunagiyauyut ukiuqtaqtuani British Columbia-mi ilagiyauyut uvani uqaqatiriigutini: Blueberry-mi, Bob Quinn Lake-mi, Dease Lake-mi, Fort Nelson-mi, Fort Ware-mi (Kwadacha), Good Hope Lake-mi, Iskut-mi, Jade City-mi, Lower Post-mi, Mould Creek-mi, Muncho Lake-mi (Fireside-mi, Liard River-milu), Pink Mountain-mi, Prophet River-mi, Telegraph Creek-mi, Toad River-mi, Upper Halfway-mi, Wonowon-milu.